ପୋଲିସକୁ ଆକ୍ରମଣ କରି ୱାରେଣ୍ଟିକୁ ଛଡାଇ ନେବା ଘଟଣା : ଆକ୍ରମଣ ଘଟଣାରେ ୭ଅଟକ; ଗାଁ ସିଲ୍
କାଲି ଦଳେଇ ସାହିକୁ ୱାରେଣ୍ଟିକୁ ଧରିବାକୁ ଯାଇଥିଲା ପୋଲିସ । ଲୋକଙ୍କ ଆକ୍ରମଣରେ ଜଣେ ଏସଆଇ ଆହତ ହୋଇଥିଲେ ।
କନକ ବ୍ୟୁରୋ : ପୋଲିସକୁ ଆକ୍ରମଣ କରି ୱାରେଣ୍ଟିକୁ ଛଡାଇ ନେବା ଘଟଣା । ଆକ୍ରମଣ ଘଟଣାରେ ୭ଜଣଙ୍କୁ ଅଟକ ରଖିଛି ପୋଲିସ । କାଲି ଦଳେଇ ସାହିକୁ ୱାରେଣ୍ଟିକୁ ଧରିବାକୁ ଯାଇଥିଲା ପୋଲିସ । ଲୋକଙ୍କ ଆକ୍ରମଣରେ ଜଣେ ଏସଆଇ ଆହତ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପାରାଦୀପ ଗଡ ଦଳେଇ ସାହିର ତ୍ରିନାଥ ଦଳେଇଙ୍କ ନାଁରେ ଅଭୟଚାନ୍ଦପୁର ଥାନାରେ ଏକ ମାମଲା ରହିଥିଲା । ଦୀର୍ଘ ଦିନ ହେଲା ସେ ଫେରାର ଥିଲା । ତେବେ ତ୍ରିନାଥ ଗାଁକୁ ଫେରିଥିବା ଖବର ପାଇ ପୁଲିସ ଗାଁରେ ପହଂଚି କ୍ଲବ ନିକଟରୁ ତାକୁ ଗିରଫ କରି ଗାଡିରେ ବସାଇଥିଲେ । ହେଲେ ଏହି ସମୟରେ ହଠାତ୍ ଗାଁର କିଛି ଯୁବକ ପୁଲିସ ଉପରେ ଅତର୍କିତ ଆକ୍ରମଣ କରି ଆସାମୀ ତ୍ରିନାଥକୁ ଛଡାଇ ନେଇଛନ୍ତି ।
ଗାଁ ଲୋକଙ୍କ ଆକ୍ରମଣରେ ଏସଆଇ ଆଶୁତୋଷ ହୋତା ଆହତ ହୋଇ ଅଠକବାଙ୍ଗି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି ହୋଇଛନ୍ତି । ଖବର ପାଇ ପାରାଦୀପ ଏଏସପିଙ୍କ ସହ ପାରାଦୀପ ଥାନା ଆଇଆଇସିଙ୍କ ସହ ଏକ ପ୍ଲାଟୁନ ଫୋର୍ସ ଗାଁରେ ପହଂଚି ପୁରା ଗାଁକୁ ସିଲ କରିଛନ୍ତି । ସେପଟେ ଆଇନକୁ ହାତକୁ ନେଇଥିବା ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ପାରାଦୀପ ଏସପି କହିଛନ୍ତି ।