ବାଲେଶ୍ୱର ଭୋଗରାଇ ଅଞ୍ଚଳର ମହିଳାଙ୍କୁ ସ୍ୱାବଲମ୍ବୀ କରିଛି ପେପର ପ୍ଲେଟ୍ ମେକିଂ । ଶାଳ ପତ୍ର, ପେପର ପ୍ଲେଟ୍, ପେପରରେ ଗିନା ତିଆରି କରୁଛନ୍ତି ମହିଳା ।
କନକ ବ୍ୟୁରୋ: ବାଲେଶ୍ୱର ଭୋଗରାଇ ଅଞ୍ଚଳ ଏସଏଚଜି ମହିଳାଙ୍କ ନିଆରା ଉଦ୍ୟମ । ଶାଳ ପତ୍ର ପ୍ଲେଟ୍, ପେପର ପ୍ଲେଟ୍, ପେପର ଗିନା ପ୍ରସ୍ତୁତ କରି ସ୍ୱାବଲମ୍ବୀ ହେଉଛନ୍ତି ଏସଏଚଜି ମହିଳା । ଭୋଗରାଇ ବ୍ଲକ ଅନ୍ତର୍ଗତ ବେଲଦା ଗାଁର ୩୩ ଜଣ ମହିଳା ଏକାଠି ହୋଇ ଏଭଳି କାମକୁ ହାତକୁ ନେଇଛନ୍ତି । ମେସିନ୍ ସାହାଯ୍ୟ ଏହି ସବୁ ସାମଗ୍ରୀ ପ୍ରସ୍ତୁତ କରି ସେମାନେ ସ୍ଥାନୀୟ ବଜାରରେ ବିକ୍ରି କରୁଛନ୍ତି । ୫ ବର୍ଷ ତଳେ ଆରମ୍ଭ ହୋଇଥିବା ବେଳେ ଏହି ଗ୍ରୁପ୍ ଏବେ ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛି । ଗ୍ରୁପ୍ ମାଧ୍ୟମରେ ୨ଲକ୍ଷ ୪ ହଜାର ଟଙ୍କା ନେଇ ମେସିନ୍ ସାହାଯ୍ୟରେ ଖଲି ପ୍ରସ୍ତୁତିରେ ଲାଗିପଡ଼ିଛନ୍ତି ମହିଳା । ଆଉ ଜୀବନ ଜିଇବାର ମାଧ୍ୟମ ପାଲଟିଛି ଏହି ବ୍ୟବସାୟ ।
Kanak News is now on WhatsApp
Join and get latest news updates delivered to you via WhatsApp
ଉତ୍ପାଦନ ଅନୁସାରେ ମହିଳାଙ୍କୁ ବିକ୍ରି କରିବା ପାଇଁ ବଜାର ବ୍ୟବସ୍ଥା ନଥିବାରୁ ସେମାନେ ଅଧିକ ରୋଜଗାର କରିବାରୁ ବଞ୍ଚିତ ହେଉଥିବା କହିଛନ୍ତି । ତେବେ ଉପଯୁକ୍ତ ବଜାର ବ୍ୟବସ୍ଥା ଏବଂ ଜିନିଷ ପ୍ରସ୍ତୁତି ପାଇଁ ସଠିକ୍ ତାଲିମ ମିଳିଲେ ମହିଳାମାନେ କମ୍ ସମୟରେ ଅଧିକ ରୋଜଗାର କରିପାରନ୍ତେ । ଦିନେ ଏହି ମହିଳା ମାନେ ଘରର ଚାରିକାନ୍ଥ ମଧ୍ୟରେ ସୀମିତ ରହୁଥିଲେ । ଏବେ ଘର କାମ ସହ ଦୁଇ ପଇସା ରୋଜଗାର କରି ସମାଜର ମୁଖ୍ୟ ସ୍ରୋତରେ ସାମିଲ ହେବାର ପ୍ରଚେଷ୍ଟା ସେମାନଙ୍କୁ ସଫଳତାର ସ୍ୱାଦ ଚଖାଇଛି ।