ପଙ୍କଜ ତ୍ରିପାଠୀ ତାଙ୍କ ଆଗାମୀ ଫିଲ୍ମରେ ଏକ ଭିନ୍ନ ଭୂମିକରେ ଆସୁଛନ୍ତି । ଅମିତାଭ ବଚ୍ଚନ ମଧ୍ୟ ତାଙ୍କୁ ପ୍ରଶଂସା କରିଛନ୍ତି
ପଙ୍କଜ ତ୍ରିପାଠୀ ତାଙ୍କ ଆଗାମୀ ଫିଲ୍ମ ‘କଡକ ସିଂ’ରେ ତାଙ୍କର ପୂର୍ବ ଚରିତ୍ରମାନଙ୍କଠାରୁ ଏକ ସମ୍ପୂର୍ଣ୍ଣ ଭିନ୍ନ ଚରିତ୍ରରେ ଅଭିନୟ କରିଛନ୍ତି । ଏହି ଫିଲ୍ମ ଆସନ୍ତା ମାସରେ ମୁକ୍ତିଲାଭ କରିବ।
Kanak News is now on WhatsApp
Join and get latest news updates delivered to you via WhatsApp
ଆଜିକାଲି ପଙ୍କଜ ତ୍ରିପାଠୀ ଚଳଚ୍ଚିତ୍ର ସୁଟିଙ୍ଗରେ ବହୁତ ବ୍ୟସ୍ତ ଅଛନ୍ତି । ତାଙ୍କର ଚଳଚ୍ଚିତ୍ର ଲଗାତର ରିଲିଜ ହେଇ ଚାଲିଛି । ଯାହା ଦର୍ଶକ ମାନଙ୍କ ବହୁତ ମନୋରଞ୍ଜନ କରୁଛି । ଏହି କ୍ରମରେ ତାଙ୍କର ଆଗାମୀ ଫିଲ୍ମ ‘କଡକ ସିଂ’ ନାମ ଯୋଡିହେବାକୁ ଯାଉଛି । ଯାହାର ଟ୍ରେଲର ନିକଟରେ ରିଲିଜ ହୋଇଛି ଏବଂ ଏହା ଖୁବ ଦମଦାର ଲାଗୁଛି । କେବଳ ଏତିକି ନୁହେଁ ଖୋଦ ଅମିତାଭ ବଚ୍ଚନ ନିଜେ ଏହାକୁ ସେୟାର କରିବା ସହ ଖୁବ ପ୍ରଶଂସା କରିଛନ୍ତି ।
କଡକ ସିଂର ଟ୍ରେଲର ଆରମ୍ଭ ହେବା ମାତ୍ରେ ଆପଣ ଜାଣିପାରିବେ କି ଏହା ଏକ ସସପେନ୍ସ, ଅପରାଧ ଏବଂ ରୋମାଞ୍ଚକର କାହାଣୀ । ଯାହା ଆପଣଙ୍କୁ ବହୁତ ପସନ୍ଦ ହେବ । କାହାଣୀ ଏକ ହସ୍ପିଟାଲରେ ଆରମ୍ଭ ହୋଇଛି । ଯେଉଁଠାରେ ପଙ୍କଜ ତ୍ରିପାଠୀ ଆମ୍ନେସିଆରେ ପୀଡିତ ରୋଗୀର ଭୂମିକାରେ ଅଭିନୟ କରୁଥିବାର ଦେଖାଯାଉଛି । ଏହି ସମୟ ମଧ୍ୟରେ ଏପରି କିଛି ଘଟଣା ଦେଖାଯାଇଛି ଯାହା ଫିଲ୍ମରେ ପଙ୍କଜଙ୍କ ମୂଳ ଚରିତ୍ରକୁ ପ୍ରକାଶ କରିଛି । ଫିଲ୍ମର ଅନ୍ତ ମଧ୍ୟ ଖୁବ ରୋମାଞ୍ଚକର ଏବଂ ମଜାଦାର ହେଇଥିବାର ଜଣାଯାଉଛି ।
ଅମିତାଭ ବଚ୍ଚନ ନିଜେ ଏହାକୁ ଇନଷ୍ଟାଗ୍ରାମରେ ସେୟାର କରି ଲେଖିଛନ୍ତି – ଦାଦା, ତୁମର ନୂଆ ଚଳଚ୍ଚିତ୍ର ପାଇଁ ମୋର ଶୁଭେଚ୍ଛା ଏବଂ ପ୍ରାର୍ଥନା । ଏହା ଖୁବ ଆକର୍ଷଣୀୟ ଲାଗୁଛି ।
ଓଟିଟିରେ ରିଲଜ ହେବ ଚଳଚ୍ଚିତ୍ର
ଯଦିଓ ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ ନାହିଁ, ବରଂ ଏହା ସିଧାସଳଖ OTT ରେ ମୁକ୍ତିଲାଭ କରିବାକୁ ଯାଉଛି । ଏହା ଡିସେମ୍ବର ୮ ରେ ZEE 5 ରେ ଷ୍ଟ୍ରିମ୍ ହେବ । ଆପଣ ନିଜ ପରିବାର ସହିତ ଘରେ ବସି ଏହି ଚଳଚ୍ଚିତ୍ରକୁ ଉପଭୋଗ କରିପାରିବେ । ସଞ୍ଜନା ସାଙ୍ଗୀ ଏହି ଚଳଚ୍ଚିତ୍ରରେ ପଙ୍କଜ ତ୍ରିପାଠୀଙ୍କ ଝିଅ ଭୂମିକାରେ ଅଭିନୟ କରୁଛନ୍ତି । ଯାହାର ଚରିତ୍ର ମଧ୍ୟ ବହୁତ ଶକ୍ତିଶାଳୀ ଲାଗୁଛି । ତାଙ୍କର ପ୍ରଥମ ଚଳଚ୍ଚିତ୍ର ଥିଲା ଦିଲ ବେଚାରା । ପଙ୍କଜ ତ୍ରିପାଠୀଙ୍କ ଶେଷ ରିଲିଜ୍ ଫିଲ୍ମ ଥିଲା OMG 2 ଯାହା ବକ୍ସ ଅଫିସରେ ଖୁବ ହଇଚଇ ସୃଷ୍ଟି କରିଥିଲା ।