ଦୁଇ ବନ୍ଧୁଙ୍କ ପନିର ବ୍ୟବସାୟ । ଇଞ୍ଜିନିୟରିଂ ଚାକିରି ଛାଡ଼ି ନିଜ ଗାଁରେ ପନିର କାରଖାନା କରିଛନ୍ତି ଜଳେଶ୍ୱରର ସଞ୍ଜୟ ଏବଂ କେଶବ
କନକ ବ୍ୟୁରୋ: ଦୁଇ ବନ୍ଧୁଙ୍କ ପନିର ବ୍ୟବସାୟ । ବାଲେଶ୍ୱର ଜିଲ୍ଲା ଜଳେଶ୍ୱର ମ୍ୟୁନସିପାଲଟି ଅନ୍ତର୍ଗତ ନହଞ୍ଜରା ଗାଁର ସଞ୍ଜୟ କୁମାର ବ୍ରହ୍ମ ଏବଂ ନୂଆ ବଜାରର କେଶବ କୁମାର ଦେ ଦୁଇ ବନ୍ଧୁ । ଭୁବନେଶ୍ୱରରେ ଇଞ୍ଜିନିୟରିଂ ଏବଂ ଏମବିଏ କରିବା ପରେ ଉଭୟ ଇଞ୍ଜିନିୟର ଭାବରେ ଚାକିରି କରିଥିଲେ । ନିଜ ଅଞ୍ଚଳରେ କିଛି କରିବା ଓ ନିଜ ଅଞ୍ଚଳର ଲୋକଙ୍କୁ ରୋଜଗାର ଦେବା ଉଦ୍ଦେଶ୍ୟରେ ପନିର ବ୍ୟବସାୟ ଆରମ୍ଭ କଲେ । ପନିର ନିଜ ଅଞ୍ଚଳରେ ଆବଶ୍ୟକ ଥିବାବେଳେ ଲୋକଙ୍କୁ ବାହାର ରାଜ୍ୟ ଉପରେ ନିର୍ଭର କରିବାକୁ ପଡ଼ିଥାଏ । ତେଣୁ ନିଜ ଅଞ୍ଚଳରେ ପନିର ତିଆରି କାରଖାନା ବସାଇବା ପାଇଁ ମନସ୍ତ କରିଥିଲେ ଦୁଇ ସାଙ୍ଗ ।
Kanak News is now on WhatsApp
Join and get latest news updates delivered to you via WhatsApp
ଚାକିରି ଛାଡି ଗତ ବର୍ଷ ଜୁନ ମାସରେ ନିଜ ଗାଁ ନହଞ୍ଜରାରେ ଏକ ପନିର ତିଆରି କାରଖାନା ବସାଇବା ସହିତ ୨୦ରୁ ଅଧିକ ଯୁବକଙ୍କୁ ନିଯୁକ୍ତି ଦେଇଛନ୍ତି । ଏହି କାରଖାନା ମାଧ୍ୟମରେ ଚାକିରିି ଠାରୁ ଅଧିକ ଅର୍ଥ ରୋଜଗାର କରିବା ସହିତ କମ୍ପାନୀରେ କାମ କରୁଥିବା କର୍ମଚାରୀ ମାନେ ମଧ୍ୟ ଭଲ ଦରମା ପାଉଛନ୍ତି । ନିଜ ଘର ପାଖରେ କାମ ପାଇ ବହୁତ ଖୁସି ଥିବା କହଛନ୍ତି କର୍ମଚାରୀ ।
ପନିର ତିଆରି ପାଇଁ ସ୍ଥାନୀୟ ଅଞ୍ଚଳରୁ କ୍ଷୀର ସଂଗ୍ରହ କରିବା ସହିତ ମିଲ୍କ ପାଉଡର ସମେତ ଅନ୍ୟାନ୍ୟ ସାମଗ୍ରୀ ମଧ୍ୟପ୍ରଦେଶ, ଗୁଜୁରାଟ ଏବଂ ରାଜସ୍ଥାନରୁ ଆଣିଥାଆନ୍ତି । ପନିର ପ୍ରସ୍ତୁତ ପରେ ସ୍ଥାନୀୟ ଅଞ୍ଚଳ ସମେତ ସମଗ୍ର ଓଡିଶା, ଛାତିଶଗଡ, ଝାଡଖଣ୍ଡ, ପଶ୍ଚିମବଙ୍ଗରେ ବିକ୍ରି କରୁଛନ୍ତି । ସମସ୍ତ କାମ ମେସିନ ଦ୍ୱାରା କରାଯାଉଥିବାରୁ କର୍ମଚାରୀ ମାନଙ୍କୁ ବେଶୀ ପରିଶ୍ରମ କରିବାକୁ ପଡୁନାହିଁ । କାରଖାନାରୁ ଦୈନିକ ୨ରୁ ୩ କୁଇଣ୍ଟାଲ ପନିର ଉତ୍ପାଦନ ହେଉଥିବା ବେଳେ ବେଶ ଭଲ ରୋଜଗାର ହେଉଛି । ବଜାରରେ ପନିରର ଭଲ ଚାହିଦା ରହିଥିବାରୁ ଅଧିକ ପରିମାଣରେ ଅର୍ଡର ଆସୁଛି । ତେବେ ପାଠପଢା ପରେ ଚାକିରିକୁ ଗୁରୁତ୍ୱ ନଦେଇ ନିଜସ୍ୱ ଉଦ୍ୟମରେ କଛି କରିବା ପାଇଁ ଚେଷ୍ଟା କଲେ ସଫଳତା ନିଶ୍ଚୟ ମିଳିଥାଏ । ଯାହା ଏହି ଦୁଇ ବନ୍ଧୁଙ୍କ କ୍ଷେତ୍ରରେ ଦେଖିବାକୁ ମିଳିଛି ।