ଓମିକ୍ରନ୍ ପ୍ରଭାବରେ ବିଭିନ୍ନ ଦେଶରେ ବଢୁଛି କରୋନା : ବିଶ୍ୱରେ ୧୨% ବୃଦ୍ଧି ପାଇଲାଣି କୋଭିଡ୍ ମୃତ୍ୟୁ
ଦିନକରେ ପୁଣି ୨୭ ଲକ୍ଷ ୮୦ ହଜାର ଆକ୍ରାନ୍ତ ଚିହ୍ନଟ; ଗତ ସପ୍ତାହ ତୁଳନାରେ ବଢିଲା ୪୪ ପ୍ରତିଶତ
କନକ ବ୍ୟୁରୋ : କରୋନାର ନୂଆ ଭ୍ୟାରିଆଂଟ ଓମିକ୍ରନ୍ ପ୍ରଭାବରେ ବିଶ୍ୱରେ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି । ଆକ୍ରାନ୍ତଙ୍କ ସଂଖ୍ୟା ବଢିବା ସହ ମୃତ୍ୟୁ ସଂଖ୍ୟା ମଧ୍ୟ ବଢୁଛି । ୧୨ ପ୍ରତିଶତ ବୃଦ୍ଧି ପାଇଲାଣି କୋଭିଡ୍ ମୃତ୍ୟୁ । ଗତ ୨୪ ଘଂଟା ମଧ୍ୟରେ ବିଶ୍ୱରେ ୭ ହଜାର ୬୯୧ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଆମେରିକାରେ ଦିନକରେ ୧୭୬୨, ରୁଷିଆରେ ୭୬୫ ଓ ପୋଲାଣ୍ଡରେ ୩୦୧ ରୋଗୀଙ୍କ ଜୀବନ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବିଶ୍ୱରେ ଦିନକରେ ଆଉ ୨୭ ଲକ୍ଷ ୮୦ ହଜାର ଆକ୍ରାନ୍ତ ଚିହ୍ନଟ ହୋଇଛି । ଯାହାକି ଗତ ସପ୍ତାହ ତୁଳନାରେ ୪୪ ପ୍ରତିଶତ ବୃଦ୍ଧି । ବିଶ୍ୱରେ ବର୍ତମାନ ସୁଦ୍ଧା ୩୨ କୋଟିରୁ ଅଧିକ ସଂକ୍ରମିତ ହୋଇ ସାରିଲେଣି । ଏହାରି ମଧ୍ୟରେ ୫୫ ଲକ୍ଷ ୪୭ ହଜାରରୁ ଅଧିକ ପ୍ରାଣ ହରାଇ ସାରିଲେଣି । ଆମେରିକାରେ ସର୍ବାଧିକ ଆକ୍ରାନ୍ତ ପ୍ରାଣ ହରାଇଛନ୍ତି । ଗତ ୨୪ ଘଂଟାରେ ଆମେରିକାରେ ୮ ଲକ୍ଷରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆମେରିକା ସହିତ ଫ୍ରାନ୍ସର ସ୍ଥିତି ମଧ୍ୟ ଖରାପ ରହିଛି । ଫ୍ରାନ୍ସରେ ୩ ଲକ୍ଷରୁ ଅଧିକ ରୋଗୀ ଚିହ୍ନଟ ହୋଇଛନ୍ତି । ଭାରତରେ ଦୈନିକ ସଂକ୍ରମଣ ୩ ଲକ୍ଷ ମୁହାଁ ହେଲାଣି ।