କନକ ବ୍ୟୁରୋ: ଆସିବାରେ ଲାଗିଛି ପଞ୍ଚାୟତ ଫଳାଫଳ । ତୃତୀୟ ଦିନର ଗଣତି ଭିତରେ ଟ୍ରେଣ୍ଡରେ ଏକତରଫା ଭଳି ଆଗେଇ ଚାଲିଛି ବିଜେଡି । ଓଡ଼ିଶାର ବିଭିନ୍ନ ଜିଲ୍ଲା ପରିଷଦ ଜୋନକୁ ଦଖଲ କରି ବିଜୟ ବାନା ଉଡାଇ ଚାଲିଛି ବିଜେଡି । ଏଭଳି ଐତିହାସିକ ବିଜୟ ନେଇ ଯୋଗାଣ ମନ୍ତ୍ରୀ ତଥା ବିଜେଡିର ହେଭିୱେଟ୍ ନେତା ରଣେନ୍ଦ୍ର ପ୍ରତାପ ସ୍ୱାଇଁ କନକ ନ୍ୟୁଜରେ ମତ ରଖିଛନ୍ତି । ରଣେନ୍ଦ୍ର କହିଛନ୍ତି, ନିର୍ବାଚନରେ ବିଜୟ ପାଇଁ କୌଣସି ରକେଟ୍ ସାଇନ୍ସର ଆବଶ୍ୟକତା ଦରକାର ନାହିଁ । ଯିଏ ତୃଣମୂଳସ୍ତରରେ କାମ କରିବ, ସିଏ ଜିତିବ ଏଠି ଜିତିବ ।
Kanak News is now on WhatsApp
Join and get latest news updates delivered to you via WhatsApp
#ବିଶ୍ୱାସ_ବଢିଛି, #ଭୋଟ_ପରିମାଣ_ବଢିଛି
ପଞ୍ଚାୟତ ନିର୍ବାଚନରେ ବିଜେଡି କାହିଁକି ଏତେ ଭଲ ପ୍ରଦର୍ଶନ କଲା । ବିଜୟ ପଛର ବଡ କାରଣ କହିଲେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ#ElectionsWithKanakNews #PanchayatResults #PanchayatCounting #Odisha #KanakNews pic.twitter.com/Yg2jWrQ5zh— Kanak News (@kanak_news) February 28, 2022
ସବୁଠାରୁ ବଡ଼କଥା ହେଲା, ନବୀନଙ୍କ ଜନକଲ୍ୟାଣକାରୀ ଯୋଜନା ଲୋକଙ୍କ ହୃଦୟକୁ ଛୁଇଁଛି । ଲୋକମାନେ ତୃଣମୂଳସ୍ତରରେ ଯୋଜନାର ଲାଭ ପାଇଛନ୍ତି । ତେଣୁ ଜନତା ଜନାର୍ଦ୍ଦନଙ୍କ ବିଶ୍ୱାସ ବିଜେଡି ଉପରେ ବଢ଼ିଥିବାରୁ ଏଭଳି ଫଳାଫଳର ପ୍ରତିଫଳନ । ଦୀର୍ଘ ଦୁଇ ଦଶନ୍ଧିରୁ ଯେମିତି ଆମେ ଲୋକଙ୍କ ସହ ଥିଲୁ ସେମିତି ରହୁଛୁ, ତେଣୁ ବିଶ୍ୱାସ ଜିତି ବିଜୟ ହେଇପାରିଲୁ ।
ଆମ ନେତା ତଥା ଶ୍ରେଷ୍ଠ ମୁଖ୍ୟମନ୍ତ୍ରୀ କଥା କମ କୁହନ୍ତି, କାମ ବେଶି କରନ୍ତି । ତାଙ୍କ ହାୱା ସାମ୍ନାରେ ବିରୋଧୀ ସବୁବେଳେ ପଛରେ ପଡ଼ିଛନ୍ତି ଆଉ ପଡୁଥିବେ । ଓଡିଶାରେ ବିରୋଧୀଙ୍କ ପାଖେ ପ୍ରସଙ୍ଗ ନଥିବାରୁ ସେମାନଙ୍କୁ ଭୋଟର ପ୍ରତ୍ୟାଖାନ୍ କରିଛନ୍ତି ବୋଲି ମନ୍ତ୍ରୀ କହିଛନ୍ତି । ତେବେ ଚଳିତ ପଞ୍ଚାୟତ ନିର୍ବାଚନର ଫଳାଫଳ ଆମକୁ ଲୋକଙ୍କ ସେବା କରିବାକୁ ଆହୁରି ଅଧିକ ବଳ ଯୋଗାଇବ । ତେଣୁ ସାରା ଓଡ଼ିଶାବାସୀଙ୍କୁ ଧନ୍ୟବାଦ ଦେଇଛନ୍ତି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ।