ଅସହାୟଙ୍କୁ ଖାଇବାକୁ ଦେଲେ…ଘରକୁ ଯିବା ପାଇଁ ସହଯୋଗ ବି କଲେ: ଲକଡାଉନ ବେଳେ ଫସିରହିଥିବା ୭ ବୁଲା ବିକାଳିଙ୍କୁ ସହଯୋଗର ହାତ ବଢାଇଲେ ମାଥିଲି ପିଇଓ

559

କନକ ବ୍ୟୁରୋ: ଅସହାୟଙ୍କୁ ଖାଇବାକୁ ଦେଲେ । ଏହା ସହିତ ନିଜ ଘରକୁ ଯିବାକୁ ସହଯୋଗ କଲେ । କରୋନା କୁ ନେଇ ସାରା ଦେଶରେ ଲକଡାଉନରେ ମାଲକାନଗିରି ଜିଲ୍ଲା ମାଥିଲିରେ ଫସିଯାଇଥିଲେ ନୟାଗଡ ଜିଲ୍ଲାର ୭ ଜଣ ବୁଲା ବିକାଳି । କୌଣସି ଖାଇବା ନ ପାଇ ବହୁ ଅସୁବିଧାର ସମ୍ମୁଖୀନ ହେଉଥିଲେ । ଏତିକିବେଳେ ଖବରପାଇ ସମସ୍ତଙ୍କୁ ଉଦ୍ଧାର କରିଥିଲା ମାଥିଲି ପଂଚାୟତ । ମାଥିଲି ପିଇଓଙ୍କ ଉଦ୍ୟମରେ ପଂଚାୟତରେ ସମସ୍ତଙ୍କୁ ଖାଇବା ଯୋଗାଇ ଦିଆଯାଇଥିଲା । ପରେ ସେମାନଙ୍କ ନାଁରେ ପାସ୍ ତିଆରି କରି ନିଜ ଘରକୁ ଯିବା ପାଇଁ ସହଯୋଗ କରିଥିଲା ପ୍ରଶାସନ ।

ଅନ୍ୟପଟେ ଜିଲ୍ଲାରେ ଲକଡାଉନକୁ ସଫଳ କରିବାରେ କଡାକଡି ଭାବେ ଉଦ୍ୟମ ଜାରି ରଖିଛି ପ୍ରଶାସନ । ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲା ମାଥିଲି ସଦରର ବିଭିନ୍ନ ସ୍ଥାନରେ ରାତିସାରା ଜଗି ରହୁଛନ୍ତି ସାଧା ପୋଷାକଧାରୀ ପୋଲିସ । ଲୋକଙ୍କୁ ଘରୁ ନ ବାହାରିବାକୁ ବୁଲି ବୁଲି ମାଇକ୍ ଯୋଗେ ପୁଲିସ୍ ଆହ୍ୱାନ ଦେବା ସହ ପ୍ରଶାସନକୁ ସହଯୋଗ କରିବା ପାଇଁ ଆହ୍ୱାନ କରୁଛନ୍ତି ତହସିଲଦାର । କାଁ ଭାଁ ଯାନବାହାନ ଚଳାଚଳ କରୁଥିବାରୁ ଅଟକ ରଖି କଡାକଡି ଭାବେ ଯାଂଚ କରୁଛି ମାଥିଲି ପୋଲିସ ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.