ବିଜେଡି ବିଜେପି ଧସ୍ତାଧସ୍ତି : ସଭା ମଝିରେ ବିଧାୟିକା କୁସୁମ ଟେଟେଙ୍କ ସମର୍ଥକ ନାରା ଦେବାରୁ ଉଠି ପଳାଇଲେ ଦିବ୍ୟଶଙ୍କର ମିଶ୍ର
କନକ ବ୍ୟୁରୋ : ପଞ୍ଚାୟତ ନିର୍ବାଚନ ଯେତିକି ପାଖେଇ ଆସୁଛି, ଦୁଇ ପ୍ରମୁଖ ରାଜନୈତିକ ଦଳ ବିଜେଡି ଓ ବିଜେପି ମଧ୍ୟରେ ଛକାପଂଝା ସେତିକି ବଢିବାରେ ଲାଗିଛି । ଏକ ନାଟକୀୟ ଘଟଣାକ୍ରମଣରେ ଧସ୍ତାଧସ୍ତି ହୋଇଛନ୍ତି ଦୁଇ ଦଳର ସମର୍ଥକ । ଏପରିକି ଶକ୍ତିମନ୍ତ୍ରୀଙ୍କ ଉପସ୍ଥିତିରେ ବିଜେଡି ଓ ବିଜେପି କର୍ମୀ ମୁହାଁମୁହିଁ ହୋଇଛନ୍ତି । ସୁନ୍ଦରଗଡ ମୋହନପୁରରେ ଥିବା ଓପିଜିସି କୋଇଲା ଖଣି ପ୍ରକଳ୍ପରୁ ରେଳ ଯୋଗେ କୋଇଲା ପରିବହନର ଉଦଘାଟନ ସଭାରେ ଶକ୍ତିମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ସାମିଲ ହୋଇଥିଲେ । ସଭାରେ ସୁନ୍ଦରଗଡ ସାଂସଦ ଜୁଏଲ ଓରାମଙ୍କ ସହ ବରଗଡ ସାଂସଦ ସୁରେଶ ପୂଜାରୀ, ସୁନ୍ଦରଗଡ ବିଧାୟିକା କୁସୁମ ଟେଟେ ଏବଂ ତଳସରା ବିଧାୟକ ଭବାନୀ ଶଙ୍କର ଭୋଇ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ମନ୍ତ୍ରୀଙ୍କ ଭାଷଣ ପରେ ବିସ୍ଥାପିତ ଅଂଚଳ ପ୍ରତି ରାଜ୍ୟ ସରକାରଙ୍କ ଅବହେଳା କଥା ଉଠାଇଥିଲେ ବିଧାୟିକା କୁଷୁମ ଟେଟେ । ବିଧାୟିକଙ୍କ ଭାଷଣ ମଝିରେ ସମର୍ଥକମାନେ ନାରାବାଜି କରିବାରୁ ରାଗି ପଳାଇଥିଲେ ଶକ୍ତିମନ୍ତ୍ରୀ । ଏଥିରେ ଅସନ୍ତୋଷ ବ୍ୟକ୍ତ କରି ବିଧାୟିକାଙ୍କ ସମର୍ଥକ ଓ ବିଜେପି କର୍ମୀ ମନ୍ତ୍ରୀ ଗୋବ୍ୟାକ ନାରା ଦେବାରୁ ଉପସ୍ଥିତ ବିଜେଡି କର୍ମୀମାନେ ବିରୋଧ କରିଥିଲେ । ଏହାପରେ ଦୁଇ ଦଳର ସମର୍ଥକଙ୍କ ଭିତରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ପରେ ବରିଷ୍ଠ ପୋଲିସ ଅଧିକାରୀ ପହଂଚି ବୁଝାସୁଝା କରିବାରୁ ପରିସ୍ଥିତି ଶାନ୍ତ ପଡିଥିଲା ।