କେନ୍ଦ୍ର ଓ ରାଜ୍ୟ ଉପରେ ବର୍ଷିଲେ ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ : କହିଲେ, ଯେଉଁଠି ଡବଲ ଇଂଞ୍ଜିନ ସରକାର ଅଛି, ସେଠି ଶିକ୍ଷା ବ୍ୟବସ୍ଥା ଭୁଷୁଡି ପଡିଛି
କନକ ବ୍ୟୁରୋ : କେନ୍ଦ୍ର ଓ ରାଜ୍ୟ ଉପରେ ବର୍ଷିଲେ ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ । କହିଲେ, ୨୧ ବର୍ଷର ଶାସନ ରାଜ୍ୟରେ ନବୀନ ସରକାରଙ୍କ ପାରଙ୍ଗମତା ପ୍ରକାଶ କରିଛି । ଯେଉଁଠି ବଜେପି ସରକାର ନାହିଁ ସେଠି ଶିକ୍ଷା ବ୍ୟବସ୍ଥାରେ ଆଗରେ ଅଛି । ଯେଉଁଠି ଡବଲ ଇଂଞ୍ଜିନ ସରକାର ଅଛି ସେଠି ଶିକ୍ଷା ବ୍ୟବସ୍ଥା ଭୁଷୁଡି ପଡିଛି । ଏପରିକି ଉଭୟ କେନ୍ଦ୍ର ଓ ରାଜ୍ୟକୁ ୭ ଟି ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ଏବେ କେଉଁ ଏଜେନ୍ସି ସବୁ ରିପୋର୍ଟ ପ୍ରକାଶ କରୁଛନ୍ତି ତାହା ମଧ୍ୟରୁ କେଉଁ ଏଜେନ୍ସିକୁ ଉଭୟ କେନ୍ଦ୍ର ଓ ରାଜ୍ୟ ସରକାର ବିଶ୍ୱାସ କରୁଛନ୍ତି । ନବୀନ ବାବୁ ଏ ପର୍ଯ୍ୟନ୍ତ ୭୦ଟି ପୁରସ୍କାର ହାତେଇଛନ୍ତି କେଉଁ ଅଧାରରେ ପୁରସ୍କାର ପାଇଛନ୍ତି ଆଉ କେଉଁ ଆଧାରରେ କେନ୍ଦ୍ର ତାଙ୍କୁ ପୁରସ୍କାର ଦେଇଛି । କେତେଦିନ ଉଭୟ ସରକାର ଅତୀତର ନିନ୍ଦା କରି ଚାଲିବେ ଆଉ ଲୋକଙ୍କୁ ସମୟ ମାଗି ଚାଲିଥିବେ । କରୋନା ସତ୍ତ୍ୱେ ଜିଏସଟି ଆଦାୟ ବଢିଛି । ହେଲେ ବେକାରୀ ବଢିଛି , ଆୟ କମିଛି , ବ୍ୟାଙ୍କ ଉପରୁ ଲୋକଙ୍କ ଭରସା କମିଛି । ଏହା କେମିତି ହେଉଛି ? ଜିଏସଟି କେବଳ କରୋନା ଉପକରଣ କିଣାରେ ବଢିଛି ।
ସେହିଭଳି ଭାରତର ଜିଡିପି କମି ଚାଲିଥିବା ବେଳେ ଆମ ପଡୋଶୀ ରାଜ୍ୟ ବାଂଲାଦେଶ, ପାକିସ୍ତାନ, ନେପାଳ, ଭୁଟାନର ଜିଡିପି ବଢୁଛି । ୭ବର୍ଷରେ ୨ କୋଟି ନିଯୁକ୍ତି କୁଆଡେ ଗଲା । ଅନ୍ୟପକ୍ଷରେ ପୂର୍ବବସ୍ଥା ଠାରୁ ଦେଶରେ ୨ କୋଟି ରାଜ୍ୟରେ ୪୭ ଲକ୍ଷ ବେକାରୀ ବୃଦ୍ଧି ପାଇଛି । ଦରଦାମ ସବୁଠୁ ବୃଦ୍ଧି ପାଇଛି । ୭ ବର୍ଷ ମଧ୍ୟରେ ସବୁ ଦର ଦୁଇଗୁଣା ହୋଇଛି ।