ହୋର୍ଡିଂ ପାଇଁ ତଣ୍ଡ ଗଣିଲା ବିମଳ ପାନ ମସଲା କମ୍ପାନୀ । ବିନା ଅନୁମତିରେ ଲଗାଇଥିଲା ବିଜ୍ଞାପନ ହୋର୍ଡିଂ ।

କନକ ବ୍ୟୁରୋ: ବିମଳ ପାନ ମସଲା କମ୍ପାନୀ ତାର ପ୍ରଚାର ପ୍ରସାର ପାଇଁ ରାସ୍ତା ଉପରେ ବିଜ୍ଞାପନ ତୋରଣ କରି ୫ ଲକ୍ଷ ତଣ୍ଡ ଗଣିଛି । ଭୁବନେଶ୍ୱର ମହାନଗର ନିଗମ ଏହି ଜୋରିମାନା ଲଗାଇଛି । ଏହି କମ୍ପାନୀର ଅଫିସ ଭୁବନେଶ୍ୱର ଜୟଦେବ ବିହାରରେ ହୋଇଥିବାବେଳେ ବିନା ଅନୁମତିରେ ସହିଦନଗର ରାସ୍ତା ଉପରେ ବିଜ୍ଞାପନ ତୋରଣ କରିଥିଲା ।

ବିଏମସି ସ୍କାର୍ଡଙ୍କ ନଜରକୁ ଏହା ଆସିବା ପରେ କାର୍ଯ୍ୟାନୁଷ୍ଠାନ ନିଆଯାଇଛି । କମ୍ପାନୀ ଗତ ୧୧ ତାରିଖରୁ ବିଜ୍ଞାପନ ତୋରଣ କରିଅଛି । ସଂପୃକ୍ତ କମ୍ପାନୀ ଉପରେ ୫ ଲକ୍ଷର ଜୋରିମାନା ଧାର୍ଯ୍ୟ କରାଯିବା ସହ ଥାନାରେ ମାମଲା ଦାୟର ହୋଇଛି । ବିଏମସିର ବିନା ଅନୁମତିରେ ପୋଷ୍ଟର, ବ୍ୟାନର ଲଗାଯିବା ଦଣ୍ଡନୀୟ ଅପରାଧ ହୋଇଥିଲେ ବି ସଂପୃକ୍ତ କମ୍ପାନୀ ବିଜ୍ଞାପନ ତୋରଣ କରିଥିବାରୁ ଏଭଳି ଜୋରିମାନା ଧାର୍ଯ୍ୟ ହୋଇଛି ।