ସୀମା ହାଇଦରଙ୍କୁ ନେଇ ପ୍ରଥମ ଥର ପ୍ରତିକ୍ରିୟା ରଖିଲା ବୈଦେଶିକ ମନ୍ତ୍ରାଳୟ । ଅରିନ୍ଦମ ବାଗଚୀ କହିଲେ, ଆମ ପାଖରେ ଅଛି ପ୍ରତିଟି ଖବର ।

କନକ ବ୍ୟୁରୋ: ପ୍ରେମ ପାଇଁ ସୀମା ଡେଇଁ ଆସିଥିବା ପାକିସ୍ତାନୀ ଝିଅ ସୀମା ହାଇଦରକୁ ନେଇ ଏବେ ସବୁଠି ଚର୍ଚ୍ଚା । ପ୍ରେମ ପାଇଁ ପାକିସ୍ତାନରୁ ଆସିଥିବା ଏହି ଯୁବତୀଙ୍କୁ କିଛି ଶତ୍ରୁ ଦେଶର ଏଜେଣ୍ଟ ଭାବୁଥିବାବେଳେ, ତାଙ୍କ ଭାଇ ପାକସ୍ତାନ ସେନାରେ ଥିବା କଥା ମଧ୍ୟ କୁହାଯାଉଛି । ହେଲେ ଏହାରି ଭିତରେ ସୀମା ହାଇଦରଙ୍କୁ ନେଇ ପ୍ରଥମ ଥର ପାଇଁ ପ୍ରତିକ୍ରିୟା ରଖିଛି ଭାରତର ବୈଦେଶିକ ମନ୍ତ୍ରାଳୟ ।

ଭାରତର ବୈଦେଶିକ ମନ୍ତ୍ରାଳୟ ଏହି ବିଷୟରେ ପ୍ରତିକ୍ରିୟା ରଖିବା ସହିତ, କହିଛନ୍ତି ଯେ, ଏହି ମାମଲାରେ ଯାଞ୍ଚ ଜାରି ରହିଛି, ଏ ସମ୍ପର୍କରେ ସମସ୍ତ ଖବର ବୈଦେଶିକ ମନ୍ତ୍ରାଳୟ ପାଖରେ ରହିଛି । ତେବେ ଅଦାଲତ ସାମ୍ନାରେ ସୀମାକୁ ହାଜର କରିବା ପରେ, ଏବେ ସେ ଜାମିନରେ ବାହାରେ ଅଛନ୍ତି ବୋଲି ସୂଚନା ଦେଇଛନ୍ତି ବୈଦେଶିକ ମନ୍ତ୍ରାଳୟର ମୁଖପାତ୍ର ଅରିନ୍ଦମ ବାଗଚୀ

#WATCH | Pakistani national Seema Haider case | MEA Spokesperson Arindam Bagchi says, "We are aware of the matter. She was presented before the court and is now out on bail. The matter is under investigation and we will give you further information if it comes. As of now, this is… pic.twitter.com/gxT8CkAuZZ

— ANI (@ANI) July 20, 2023

ଅନ୍ୟପଟେ ସୀମା-ସଚିନଙ୍କ ପ୍ରେମ କାହାଣୀକୁ ନେଇ ଜାତୀୟ ଗଣମାଧ୍ୟମରେ ଆସିଛି ଚମକାଇଦେଲା ଭଳି ଖବର । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ମୁତାବକ, ସୀମା-ସଚିନ ନେପାଳର ପଶୁପତି ମନ୍ଦିରରେ ବିବାହ କରିଥିବା କଥା ଯେଉଁ କହୁଛନ୍ତି, ତାହା ସମ୍ପୂର୍ଣ୍ଣ ମିଛ ଅଟେ । ମନ୍ଦିରର ରେଜିଷ୍ଟରରେ ସୀମା-ସଚିନଙ୍କ ବିବାହ ହେଇଥିବା କଥା ଉଲ୍ଲେଖ ନାହିଁ । ସୀମା-ସଚିନ ପ୍ରଥମରୁ ହିଁ ନେପାଳର ପଶୁପତି ନାଥ ମନ୍ଦିରରେ ବିବାହ କରିଥିବା କଥା କହିଥିଲେ । ହେଲେ ଏହି କଥା କିନ୍ତୁ ଏବେ ସମ୍ପୂର୍ଣ୍ଣ ମିଛ ବୋଲି ସୂଚନା ମିିଳିଛି ।