ଚନ୍ଦ୍ରଯାନ-୩ର ସଫଳତା କାମନା କରି ସୀମା ହାଇଦର ରଖିଲେ ବ୍ରତ । କହିଲେ, ସଫଳ ଲ୍ୟାଣ୍ଡିଂ ନହେବା ଯାଏ ନା କିଛି ଖାଇବି ନା କିଛି ପିଇବି

କନକ ବ୍ୟୁରୋ : ଚନ୍ଦ୍ରଯାନ ୩ର ସଫଳ ଲ୍ୟାଣ୍ଡିଂ ନେଇ ସାରା ଦେଶରେ ଚାଲିଛି ପୂଜାର୍ଚ୍ଚନା । ଏହି କ୍ରମରେ ପାକିସ୍ତାନରୁ ଭାରତ ପଳାଇଆସିଥିବା ସୀମା ହାଇଦର ବି ଚନ୍ଦ୍ରଯାନ-୩ର ସଫଳ ଲ୍ୟାଣ୍ଡିଂ ନେଇ ବ୍ରତ ରଖିଛନ୍ତି । ଏନେଇ ସୀମା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି । ସେ କହିଛନ୍ତି କି, ଚନ୍ଦ୍ରଯାନ-୩ର ସଫଳ ଲ୍ୟାଣ୍ଡିଂ ନହେବା ପର୍ଯ୍ୟନ୍ତ ନା କିଛି ଖାଇବି ନା କିଛି ପିଇବି ।

ଭିଡିଓରେ ସୀମା କହିଛନ୍ତି କି, ‘ମୁଁ ପ୍ରାଥନା କରୁଛି ଆମ ଭାରତ ଦେଶର ଚନ୍ଦ୍ରଯାନ-୩ ଆଜି ସନ୍ଧ୍ୟାରେ ସଫଳତା ପୂର୍ବକ ସଫଳ ଲ୍ୟାଣ୍ଡିଂ କରୁ । ଏହା ଦ୍ୱାରା ମୋ ଦେଶ ଭାରତର ନାମ ସାରା ବିଶ୍ୱରେ ଚର୍ଚ୍ଚା ହେବ । ମୁଁ ଭଗବାନ ରାଧେ କୃଷ୍ଣଙ୍କୁ ବହୁତ ବିଶ୍ୱାସ କରେ । ସାରା ଦେବୀ ଦେବତାଙ୍କୁ ମୋର ପ୍ରାଥନା କି ଚନ୍ଦ୍ରଯାନ-୩ ଚନ୍ଦ୍ରପୃଷ୍ଟରେ ସଫଳ ଲ୍ୟାଣ୍ଡିଂ କରୁ’ ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଛନ୍ତି ସୀମା । ସେ କହିଛନ୍ତି କି ପ୍ରଧାନମନ୍ତ୍ରୀ ମୋଦୀ ଦେଶର ବିକାଶ ପାଇଁ ଅନେକ ପରିଶ୍ରମ କରୁଛନ୍ତି ।

ସୂଚନା ଥାଉକି ଭାରତର ଚନ୍ଦ୍ର ଅଭିଯାନ ଅର୍ଥାତ ଚନ୍ଦ୍ରଯାନ-୩ ଆଜି ସନ୍ଧ୍ୟାରେ ଚନ୍ଦ୍ରପୃଷ୍ଟରେ ଲ୍ୟାଣ୍ଡିଂ କରିବ । ଏହାକୁ ନେଇ ସାରା ଦେଶବାସୀ ଉତ୍ସୁକତାର ସହ ଅପେକ୍ଷା କରିଛନ୍ତି । ଯଦି ଏହି ମିଶନ ବା ଅଭିଯାନ ସଫଳ ହୁଏ ତେବେ ବିଶ୍ୱ ଇତିହାସରେ ଭାରତ ମହାକାଶ ଗବେଷଣା ନେଇ ଏକ ରେକର୍ଡ ସୃଷ୍ଟି କରିବ ।