କନକ ବ୍ୟୁରୋ : ଆଫଗାନିସ୍ତାନରେ ପାକିସ୍ଥାନ ପ୍ରଧାନମନ୍ତୀ ଇମ୍ରାନ ଖାନ । ଇମ୍ରାନଙ୍କର ଏହା ପ୍ରଥମ ଆଫଗାନିସ୍ତାନ ଗସ୍ତ । ଆଫଗାନିସ୍ତାନ ରାଷ୍ଟ୍ରପତି ଆଶରଫ ଘାନୀଙ୍କ ସହ ଦ୍ୱିପାକ୍ଷିକ ସର୍ମ୍ପକ ସହ ଆଫଗାନିସ୍ତାନରେ ଶାନ୍ତି ଫେରିବା ଏବଂ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା କରିଛନ୍ତି । ଆଫଗାନିସ୍ତାନର ବୈଦେଶିକ ମନ୍ତ୍ରଣାଳୟର ମୁଖପାତ୍ର ଗ୍ରାନ ହେୱାଡ କହିଛନ୍ତି ଯେ ଶାନ୍ତି ପ୍ରକ୍ରିୟାରେ ଈସଲାମାବାଦର ଭୁମିକା ଉପରେ ଇମ୍ରାନ ଖାଁ ନିଜର ମତ ରଖିବେ ।
Kanak News is now on WhatsApp
Join and get latest news updates delivered to you via WhatsApp
ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ପ୍ରାୟ୧୯ ବର୍ଷରୁ ଲାଗିରହିଥିବା ଛାୟା ଯୁଦ୍ଧକୁ ଶେଷ କରିବା ପାଇଁ ଉଭୟ ସରକାର କରିଥିବା ଆଲୋଚନାର ରୁପରେଖକୁ କିପରି ଆଗାମୀ ଦିନରେ କାମ କରିବ ସେନେଇ ଆଲୋଚନା ମଧ୍ୟ ଜାରି ରହିବ । ଇମ୍ରାନ ଖାନ କହିଛନ୍ତି ଶାନ୍ତି ପାଇବା ଦିଗରେ ପାକିସ୍ଥାନ ଆଫଗାନିସ୍ତାନକୁ ସାହାଯ୍ୟ ପାଇଁ ପ୍ରସ୍ତୁତ । ରାଷ୍ଟ୍ରପତି ଘାନି ମଧ୍ୟ କହିଛନ୍ତି ଯେ ଆଫଗାନିସ୍ତାନବାସୀ କେବଳ ଶାନ୍ତି ଚାହାନ୍ତି ଏବଂ ଶାନ୍ତି ପାଇଁ ରାଜନୈତିକ ସମାଧାନ ହେଉଛି ଭବିଷ୍ୟତ ପାଇଁ ରାସ୍ତା ।