କନକ ବ୍ୟୁରୋ: ତାଲିବାନ୍ ନିଜ ଭାବମୂର୍ତ୍ତି ସଜାଡିବାକୁ ଚେଷ୍ଟା କରୁଥିବାବେଳେ ପାକିସ୍ତାନ ନେତାଙ୍କ ବିସ୍ଫୋରକ ବୟାନ ସମସ୍ତଙ୍କୁ ଚକିତ କରିଛି । ତାଲିବାନ ଦିନେ କାଶ୍ମୀରକୁ ବିଜୟ କରି ପାକିସ୍ତାନକୁ ଉପହାର ଭାବେ ଦେବ ବୋଲି ପାକିୀସ୍ତାନର ଇମ୍ରାନ ସରକାରଙ୍କ ନିଲମ୍ ଇର୍ସାଦ୍ ଶେଖ୍ ପାକିସ୍ତାନୀ ଗଣମାଧ୍ୟମର ଏକ ଆଲୋଚନାରେ କହିଛନ୍ତି । ତାଲିବାନକୁ ପାକିସ୍ତାନ ଗଢିବା ଓ ଆର୍ଥିକ ସାୟତା କରିବା ନେଇ ଚାରିଆଡେ ଆଲୋଚନା ହେଉଥିବାବେଳ ଇର୍ସାଦଙ୍କ ଏହି ମନ୍ତବ୍ୟ ଏହି ସନ୍ଦେହକୁ ସ୍ପଷ୍ଟ କରିଛି ।ଇମ୍ରାନ ସରକାର ଆସିବା ପରେ ପାକିସ୍ତାନର ଉନ୍ନତି ହୋଇଛି । ବିଶ୍ୱରେ ପାକସ୍ତାନର ମାନ ସମ୍ମାନ ବଢିବାରେ ଲାଗିଛି ।ପାକିସ୍ତାନରେ ବିଦେଶୀ କମ୍ପାନୀ ଗୁଡିକ ପୁଂଜି ନିବେଶ କରୁଛନ୍ତି । ଦେଶର ରାଜସ୍ୱ ବଢିବାରେ ଲାଗିଛି । ଆମ ସେନା ଶକ୍ତିଶାଳୀ ଆମ ସରକାର ମଧ୍ୟ ଶକ୍ତିଶଳୀ । ତେଣୁ ତାଲିବାନ ସାହାଯ୍ୟ ମିଳିଲେ କାଶ୍ମିରକୁ ପାଇବା ନେଇ ପାକିସ୍ତାନର ସ୍ୱପ୍ନ ସଫଳ ହେବ ବୋଲି ଦାବି କରିଛନ୍ତି ଇର୍ସାଦ୍ । ଭାରତ ଆମକୁ କାଶ୍ମୀର ଠାରୁ ଅଲଗା କରିଦେଇଛି । ତେଣୁ କାଶ୍ମରକୁ ପୁଣିଥରେ ଫେରାଇ ଆଣିବାକୁ ତାଲିାବନ କଥା ଦେଇଥିବା ଇର୍ସାଦ କହିଛନ୍ତି । ଏମାନଙ୍କୁ ଆଫଗାନିସ୍ତାନରୁ ତଡିଦେଇଥିବାବେଳେ ଆମେ ଆଶ୍ରା ଦେଇଥିଲୁ । ଏବେ ତାଲିବାନ୍ ଆମର ସହାୟତା କରି ବୋଲି ସେ କହିଛନ୍ତି । ତେବେ ତାଙ୍କର ଏପରି ବୟାନକୁ ନେଇ ଆଲୋଚନାରେ ଉପସ୍ଥିତ ଅତିଥି ହସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉ କି, ଏହାପୂର୍ବରୁ ଏକ ସାମ୍ବାଦିକ ସମ୍ମିଳନୀରେ ପାକିସ୍ତାନ ସେନା କିମ୍ବା ଏହାର ଗୁଇନ୍ଦା ସଂସ୍ଥା ଆଇଏସଆଇଏସ୍ ସହ ତାଲିବାନର କୌଣସି ସମ୍ପର୍କ ନାହିଁ । ଏବଂ କାଶ୍ମୀର ଭାରତ- ପାକିସ୍ତାନର ଆଭ୍ୟନ୍ତରୀଣ ବ୍ୟାପାର ।ଏଥିରେ ତାଲିବାନ କୌଣସି ହସ୍ତକ୍ଷେପ କରିବ ନାହିଁ ବୋଲି ତାଲିବାନର ପ୍ରବକ୍ତା ସୁହେଲ ସାହିନ୍ କହିଥିଲେ ।