ବଲିଉଡର ପ୍ରସିଦ୍ଧ ଗାୟକ ତଥା ତାଙ୍କ ସ୍ୱରରେ ଲକ୍ଷ ଲକ୍ଷ ଲୋକଙ୍କ ହୃଦୟରେ ବାସ କରୁଥିବା ସୋନୁ ନିଗମଙ୍କ ବିରୋଧରେ ପାକିସ୍ତାନୀ ଗାୟକ ଓମାର ନାଦିମ ଏକ ବଡ ଅଭିଯୋଗ କରିଛନ୍ତି । ଓମାର କହିଛନ୍ତି ଯେ ସୋନୁ ନିଗମ ତାଙ୍କ ଗୀତକୁ କପି କରିଛନ୍ତି । ବାସ୍ତବରେ, ଏହି ବିଷୟଟି ନିକଟରେ ରିଲିଜ୍ ହୋଇଥିବା ଗୀତ ‘ଶୁନ୍ ଜରା’ ସହିତ ଜଡିତ ।
Kanak News is now on WhatsApp
Join and get latest news updates delivered to you via WhatsApp
ସୋନୁ ନିଗମ ଜଣେ ଗାୟକ ଯାହାଙ୍କ କଣ୍ଠସ୍ୱର ଲକ୍ଷ ଲକ୍ଷ ଲୋକଙ୍କର ପସନ୍ଦ ଅଟେ । ତାଙ୍କ କ୍ୟାରିଅରରେ ସେ ଏପରି ଅନେକ ହିଟ୍ ଗୀତ ଦେଇଛନ୍ତି, ଯାହା ଲୋକଙ୍କ ହୃଦୟରେ ସ୍ମୃତି ହେଇ ସାଇତି ହେଇ ରହିଛି । ନିକଟରେ ତାଙ୍କର ଏକ ନୂତନ ଗୀତ ରିଲିଜ୍ ହୋଇଛି, ଯାହା ବିଷୟରେ ବର୍ତ୍ତମାନ ପାକିସ୍ତାନୀ ଗାୟକ ତଥା ଗୀତିକାର ଓମାର ନାଦିମ ତାଙ୍କ ବିରୋଧରେ ଏକ ବଡ ଅଭିଯୋଗ କରିଛନ୍ତି ।
ଆମେ କହୁଥିବା ସୋନୁ ନିଗମ ଗୀତର ଟାଇଟଲ୍ ହେଉଛି ‘ଶୁନ୍ ଜରା’, ଯାହା ଡିସେମ୍ବର ୨ ରେ ଟି-ସିରିଜ୍ ‘ୟୁଟ୍ୟୁବ୍ ଚ୍ୟାନେଲରେ ମୁକ୍ତିଲାଭ କରିଛି । ନିକଟରେ ଓମାର ନାଦିମ ଏହି ଗୀତ ବିଷୟରେ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି କହିଛନ୍ତି ଯେ ସୋନୁ ନିଗମଙ୍କ ଏହି ଗୀତ ତାଙ୍କ ଗୀତ ‘ଏ ଖୁଦା’ରୁ କପି କରାଯାଇଛି ।
ଓମାର ନାଦିମ କଣ ଅଭିଯୋଗ କରିଛନ୍ତି ?
ଓମାର ନାଦିମ ଭିଡିଓରେ ତାଙ୍କର ଏବଂ ସୋନୁ ନିଗମଙ୍କ ଗୀତର କ୍ଲିପ୍ ସେୟାର କରିଛନ୍ତି ଏବଂ ଏହି ବଡ ଅଭିଯୋଗ କରିଛନ୍ତି। ଭିଡିଓ ସେୟାର କରି ଓମାର ନାଦିମ ଲେଖିଛନ୍ତି, “ମୁଁ ମୋ ଜୀବନର ଏକ ସ୍ଥିତିରେ ପହଞ୍ଚିଛି ଯେଉଁଠାରେ ମୁଁ ଏହି ଜିନିଷଗୁଡ଼ିକ ବିଷୟରେ ଆଦୌ ଚିନ୍ତା କରିପାରିବି ନାହିଁ । ଯଦି ଆପଣ ଗୀତ କପି କରିଛନ୍ତି ତେବେ କ୍ରେଡିଟ ମୋତେ ଦେବା କଥା । ମୁଁ ଆପଣଙ୍କର ଜଣେ ବଡ଼ ଫ୍ୟାନ ।