ଭାରତରୁ ଚିନି ଓ କପା ଆମଦାନୀ ପ୍ରସଙ୍ଗରେ କଥା ବଦଳାଇଲା ପାକିସ୍ତାନ । ପାକର ଇକୋନୋମିକ୍ କୋର୍ଡିନେସନ୍ କମିଟି ପ୍ରସ୍ତାବ କ୍ୟାବିନେଟରେ ଖାରଜ ।
କନକ ବ୍ୟୁରୋ: ୨୪ ଘଂଟାରେ କଥା ବଦଳାଇ ଦେଲା ପାକିସ୍ତାନ । ଗତକାଲିର ନିଷ୍ପତିରେ ପୁଣି ପାକିସ୍ତାନର ୟୁ ଟର୍ଣ୍ଣ । ଭାରତରୁ କପା ଓ ଧଳା ଚିନି ଆମଦାନୀ ନେଇ ପାକିସ୍ତାନ ସରକାର ନେଇଥିବା ନିଷ୍ପତିରୁ ଓହରି ଯାଇଛି । ଏ ସମ୍ପର୍କରେ ପାକିସ୍ତାନ କ୍ୟାବିନେଟରେ ଗତକାଲି ଆସିଥିବା ପ୍ରସ୍ତାବ ଖାରଜ ହୋଇଥିବା ସୂଚନା ମିଳିଛି । ବର୍ତମାନ ପାକିସ୍ତାନର ଘରୋଇ ଆବଶ୍ୟକତା ଓ ଦର ବୃଦ୍ଧି ନିୟନ୍ତ୍ରଣ ପାଇଁ ଭାରତ ସହିତ ବାଣିଜ୍ୟ ସଂପର୍କରେ ଥିବା କଟକଣାକୁ ସାମାନ୍ୟ କୋହଳ କରି ଦୁଇଟି ସାମଗ୍ରୀ, ଧଳା ଚିନି ଓ କପା ଆମଦାନୀ କରିବାକୁ, ପାକିସ୍ତାନର ଇକୋନୋମିକ୍ କୋର୍ଡିନେସନ୍ କମିଟି, ଇମ୍ରାନ୍ ଖାନ୍ ସରକାରଙ୍କ ନିକଟରେ ପ୍ରସ୍ତାବ ରଖିଥିଲା ।
Kanak News is now on WhatsApp
Join and get latest news updates delivered to you via WhatsApp
ଭାରତ ସହିତ ଠପ୍ ହୋଇଥିବା ବାଣିଜ୍ୟ କଟକଣାକୁ ହଠାତ୍ ଏପରି କୋହଳ କରାଯାଇ ପାରିବ ନାହିଁ ବୋଲି ସ୍ପଷ୍ଟ କରିଛନ୍ତି ଇମ୍ରାନ୍ ଖାନ୍ ସରକାର । ପ୍୍ରଧାନମନ୍ତ୍ରୀ ଇମ୍ରାନ୍ ଖାନଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ୍ ମିଟିଂରେ ଏହି ପ୍ରସ୍ତାବକୁ ପୁରା ଖାରଜ କରାଯାଇଛି । ଜାମ୍ମୁକାଶ୍ମୀରକୁ ସ୍ୱତନ୍ତ୍ର ରାଜ୍ୟ ମାନ୍ୟତା ମିଳିବା ପରେ ୨୦୧୯ ଅଗଷ୍ଟ ମାସରୁ ଭାରତ ସହିତ ପାକିସ୍ତାନ ବାଣିଜ୍ୟ ସଂପର୍କ ଛିନ୍ନ କରିଛି ।