କନକ ବ୍ୟୁରୋ : ଚଳିତ ସପ୍ତାହରେ ଦେଶରେ ପଦ୍ମଶ୍ରୀ ପୁରସ୍କାରକୁ ନେଇ ଚର୍ଚ୍ଚା ଲାଗି ରହିଛି । ପଦ୍ମ ପୁରସ୍କାର ଭାରତରେ ଦିଆଯାଉଥିବା ପୁରସ୍କାର ମଧ୍ୟରେ ଚତୁର୍ଥ ସର୍ବୋଚ୍ଚ ପୁରସ୍କାର ଭାବେ ବିବେଚନା କରାଯାଏ । ଏବେ ଏବେ ରାଷ୍ଟ୍ରପତି ରାମନାଥ କୋବିନ୍ଦ କିଛି ଲୋକଙ୍କୁ ପଦ୍ମ ପୁରସ୍କାର ପ୍ରଦାନ କରିଛନ୍ତି । ସେମାନଙ୍କ ମଧ୍ୟରୁ କିଛି ଲୋକ ବ୍ୟକ୍ତିଗତ କାରଣରୁ ପୁରସ୍କାର ପାଇଛନ୍ତି ତ କିଛିଲୋକ ନିଜ ବୃତ୍ତି ମାଧ୍ୟମରେ ଦେଶହିତରେ ଉଲ୍ଲେଖନୀୟ ଅବଦାନ ପାଇଁ ଏହି ପୁରସ୍କାରରେ ପୁରସ୍କୃତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁରସ୍କାର ପାଇଥିବା ସମସ୍ତ ଲୋକ ଭାରତରେ ସେମାନଙ୍କ ସେବା ପାଇଁ ପୁରସ୍କୃତ ହୋଇଥିବା ବେଳେ ଏହି ପୁରସ୍କାର ତାଲିକାରେ ଏମିତି ଜଣେ ଲୋକ ରହିଛନ୍ତି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ସେ ହେଉଛନ୍ତି ଲେଫ୍ଟନାଣ୍ଟ କର୍ନଲ (ସେବା ନିବୃତ୍ତ) କାଜି ସଜ୍ଜାଦ ଅଲ୍ଲୀ ଜହୀର । ସେ ଜଣେ ପାକିସ୍ତାନର ପୂର୍ବତନ ସୈନିକ ଯାହାଙ୍କୁ ଭାରତ ସରକାର ତରଫରୁ ପଦ୍ମ ପୁରସ୍କାରରେ ପୁରସ୍କୃତ କରାଯାଇଛି । ଆପଣ ଭାବିବାକୁ ବାଧ୍ୟହେବେ ଯେ ପାକିସ୍ତାନର ଜଣେ ସେବା ନିବୃତ୍ତ କର୍ନଲଙ୍କୁ ଭାରତ କାହିଁକି ପଦ୍ମ ପୁରସ୍କାରରେ ପୁରସ୍କୃତ କଲା ? ତେବେ ଆସନ୍ତୁ ଜାଣିବା ତାଙ୍କ କାହାଣୀ …
୧୯୭୧ ରେ ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ପୂର୍ବରୁ ପାକିସ୍ତାନ ସୈନିକମାନେ ବାଂଲାଦେଶ (ସେତେବେଳେ ପାକିସ୍ତାନ) ରେ ଭୀଷଣ ଉପଦ୍ରବ କରୁଥିଲେ । ଏହାସହ ସେଠାରେ ପାକ ସୈନିକମାନେ ହଜାର ହଜାର ଲୋକଙ୍କୁ ହତ୍ୟା କରୁଥିଲେ । ସେହି କାରଣରୁ ସେତେବେଳେ ବାଂଲାଦେଶର ଲୋକମାନେ ପାକିସ୍ତାନ ବିରୋଧରେ ସ୍ୱର ଉଠାଇଥିଲେ । ସେହି ସମୟରେ କର୍ନଲ ଜହୀର ଭାରତୀୟ ସେନାଙ୍କ ସହ ମିଶି ପାକିସ୍ତାନ ବିରୋଧରେ ଏକ ବଡ ଅଭିଯାନ ଆରମ୍ଭ କରିଥିଲେ । ବାଂଲାଦେଶ ସ୍ୱାଧୀନ ହେବା ପୂର୍ବରୁ କର୍ଣ୍ଣଲ ଜହୀର ପାକିସ୍ତାନ ସେନାର ଜଣେ ଉଚ୍ଚପଦସ୍ଥ କର୍ମଚାରୀ ଥିଲେ । ହେଲେ ପାକିସ୍ତାନ ସୈନ୍ୟମାନେ ବାଂଲାଦେଶର ଲୋକଙ୍କ ଉପରେ ଏତେ ଅତ୍ୟାଚାର କରିଥିଲେ ଯେ ଯାହାକୁ ଜହୀର ବରଦାସ୍ତ କରିପାରି ନଥିଲେ ।
ଲେଫ୍ଟନାଣ୍ଟ କର୍ନଲ ଜହୀରଙ୍କ ନାମ ଦୀର୍ଘଦିନ ଧରି କାହାର ଧ୍ୟାନ ଆକର୍ଷଣ କରିପାରି ନଥିଲା । ହେଲେ ଚଳିତ ସପ୍ତାହରେ ସେ ଚର୍ଚ୍ଚାକୁ ଆସିଥିଲେ ଯେତେବେଳେ ତାଙ୍କୁ ଭାରତ ପଦ୍ମ ପୁରସ୍କାର ଦେବାକୁ ଘୋଷଣା କରିଥିଲା । ବାଂଲାଦେଶର ସ୍ୱାଧୀନତା ଆନ୍ଦୋଳନରେ ତାଙ୍କର ମହତ୍ୱପୂର୍ଣ୍ଣ ଯୋଗଦାନ ରହିଥିଲା । ଏବେ ବି ବାଂଲାଦେଶ ଲୋକଙ୍କ ପାଖରେ ସେ ଅତି ପ୍ରିୟ ଓ ଭାରତ ପାଇଁ ବି ମହତ୍ୱପୂର୍ଣ୍ଣ । କର୍ନଲ ଜହୀର କହିଛନ୍ତି କି ପାକିସ୍ତାନ ସେନାର ଏତବଡ ପଦରେ ସେ ଥିଲେ ବି ପାକିସ୍ତାନ ତାଙ୍କୁ ପୁରସ୍କାର ବାବଦରେ ୫୦ ବର୍ଷ ଧରି ମୃତ୍ୟୁଦଣ୍ଡ ଦେବାକୁ ଖୋଜୁଛି ।