ବହୁ ବାଦ ବିବାଦ ପରେ ମିଳିଲା ଅନୁମତି, ଇସଲାମାବାଦରେ ନିର୍ମାଣ ହେବ ପ୍ରଥମ ହିନ୍ଦୁ ମନ୍ଦିର
କନକ ବ୍ୟୁରୋ : ପାକିସ୍ତାନର ରାଜଧାନୀ ଇସଲାମାବାଦରେ ନିର୍ମାଣ ହେବାକୁ ଯାଉଛି ପ୍ରଥମ ହିନ୍ଦୁ ମନ୍ଦିର । କିଛଦିନ ହେବ ସେଠାରେ ମନ୍ଦିର ନିର୍ମାଣ ନେଇ ବିବାଦ ଦେଖା ଦେଇଥିଲା । ସେଠିକାର ସରକାର ପ୍ରଥମେ ହିନ୍ଦୁ ମନ୍ଦିର ପାଇଁ ଆବଣ୍ଟିତ ଜମିକୁ ରଦ୍ଦ କରିଦେଇଥିଲା । ପ୍ରଥମେ ଏହି ଜମିରେ ହିନ୍ଦୁ ମନ୍ଦିର, ଶ୍ମସାନ ଘାଟ ଓ ସାମୁଦାୟିକ କେନ୍ଦ୍ର ନିର୍ମାଣ ହେବା ନେଇ ସ୍ଥାନୀୟ ପ୍ରଶାସନ ନିଷ୍ପତ୍ତି ନେଇଥିଲା । ଏନେଇ ବାରମ୍ବାର ଆଲୋଚନା ପରେ ଶେଷରେ ଏହି ଜମି ଉପରେ ଏବେ ହିନ୍ଦୁ ମନ୍ଦିର ନିର୍ମାଣ କରାଯିବା ନେଇ ନିଷ୍ପତ୍ତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପାକ୍ ଖବର କାଜଗ ‘ଡନ’ ର ରିପୋର୍ଟ ମୁତାବକ ରାଜଧାନୀ ବିକାଶ ପ୍ରାଧୀକରଣ (ସିଡିଏ) ଇସଲାମାବାଦ ହାଇକୋର୍ଟରେ ଶୁଣାଣି ବେଳେ କହିଥିଲା କି ହିନ୍ଦୁ ମନ୍ଦିର ନିର୍ମାଣ ପାଇଁ ଆବଣ୍ଟିତ ଜମିକୁ ରଦ୍ଦ କରାଯାଇଛି । ସିଡିଏ ଓକିଲ ଜାବେଦ ଇକବାଲ ଅଦାଲତଙ୍କୁ କହିଥିଲେ କି ନାଗରିକ ଏଜେନ୍ସି ଦ୍ୱାରା ଚଳିତବର୍ଷ ଫେବୃଆରୀ ମାସେରେ ଏହି ଜମିକୁ ହିନ୍ଦୁ ସମୁଦାୟଙ୍କ ପାଇଁ ରଦ୍ଦ କରିଥିଲା । ଏହାର କାରଣ ଭାବେ ଏଠାରେ ନିର୍ମାଣ ଆରମ୍ଭ ହୋଇପାରି ନଥିବା କଥା ଓକିଲ କୋର୍ଟଙ୍କୁ ଅବଗତ କରାଇଥିଲେ ।
ରିପୋର୍ଟ ମୁତାବକ ଇସଲାମାବାଦରେ ୦.୫ ଏକର ଜମିକୁ ୨୦୧୬ ମସିହାରେ ହିନ୍ଦୁ ସମୁଦାୟ ପାଇଁ ଆବଣ୍ଟିତ କରାଯାଇଥିଲା । ଏହି ଜମିରେ ହିନ୍ଦୁ ମନ୍ଦିର, ଶ୍ମସାନ ଘାଟ ଓ ସାମୁଦାୟିକ କେନ୍ଦ୍ର ନିର୍ମାଣ କରାଯିବାକୁ ଥିଲା । ଆବଣ୍ଟନ ରଦ୍ଦ ହେବା ଖବର ଆସିବା ପରେ ସୋସିଆଲ ମିଡିଆରେ ହିନ୍ଦୁ ସମୁଦାୟ ପ୍ରତିକ୍ରିୟା ପ୍ରକାଶ କରିଥିଲା । ସିଡିଏ ତାର ନିଷ୍ପତ୍ତି ପ୍ରତ୍ୟାହାର କରିବାକୁ ହିନ୍ଦୁ ସମୁଦାୟ ଦାବି କରିଥିଲା । ଏହାପରେ ସିଡିଏ ପକ୍ଷରୁ ଉକ୍ତ ଜମିରେ ହିନ୍ଦୁ ମନ୍ଦିର ନିର୍ମାଣ କରିବାକୁ ଅନୁମତି ଦେଇଛି ।
କହିରଖୁ କି ଗତବର୍ଷ ଜୁଲାଇ ମାସରେ ପାକିସ୍ତାନର କଟ୍ଟରପନ୍ଥୀ ମାନେ ଇସଲାମାବାଦରେ ସରକାରୀ ଅର୍ଥରେ ହିନ୍ଦୁ ମନ୍ଦିର ନିର୍ମାଣକୁ ସମାଲୋଚନା କରିଥିଲେ । ଏହାକୁ ନେଇ ସିଡିଏ ନିର୍ମାଣ କାର୍ଯ୍ୟ ବନ୍ଦ କରିଦେଇଥିଲା । ହେଲେ ଗତବର୍ଷ ଡିସେମ୍ବର ମାସରେ ଏହି ସମସ୍ୟାର ସମାଧାନ ହେବା ଏଠାରେ ଏବେ ହିନ୍ଦୁ ମନ୍ଦିର ନିର୍ମାଣ ହେବାକୁ ଯାଉଛି ।