ଆକ୍ସନ ମୋଡରେ ପାକିସ୍ତାନ ନିର୍ବାଚନ ଆୟୋଗ, ସମ୍ପତ୍ତି ତାଲିକା ନଦେବାରୁ ମନ୍ତ୍ରୀଙ୍କ ସମେତ ୧୫୦ ଲୋକ ପ୍ରତିନିଧିଙ୍କ ସଦସ୍ୟତା ରଦ୍ଦ
କନକ ବ୍ୟୁରୋ : ସାରା ବିଶ୍ୱରେ ସବୁବେଳେ ପାକିସ୍ତାନ ଚର୍ଚ୍ଚାରେ ରହିଛି । ସେ ଆତଙ୍କବାଦ ହେଉ କି ଭୁଷୁଡୁ ପଡୁଥିବା ଅର୍ଥନୀତିକୁ ନେଇ ହେଉ ଚର୍ଚ୍ଚାରେ ସର୍ବଦା ରହିଛି ପାକିସ୍ତାନ । ହେଲେ ଏବେ ପାକିସ୍ତାନର ସୂଚନା ମନ୍ତ୍ରୀଙ୍କ ସମେତ ୧୫୦ ଜନ ପ୍ରତିନିଧିଙ୍କ ସଦସ୍ୟତା ରଦ୍ଦ କରି ଚର୍ଚ୍ଚାରେ ରହିଛନ୍ତି ପାକିସ୍ତାନ ନିର୍ବାଚନ ଆୟୋଗ ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ନିର୍ବାଚନ ଆୟୋଗ ସୋମବାର ଦିନ ସୂଚନା ମନ୍ତ୍ରୀ ଫବାଦ ଚୌଧୁରୀ, ସିନ୍ଧର ମୁଖ୍ୟମନ୍ତ୍ରୀ ସୟଦ ମୂରାଦ ଅଲ୍ଲୀ ସାହାଙ୍କ ସମେତ ୧୫୦ ଜନପ୍ରତିନିଧିଙ୍କ ସଦସ୍ୟତା ରଦ୍ଦ କରିଛନ୍ତି । ସୂଚନା ମୁତାବକ ଏହି ଜନପ୍ରତିନିଧିମାନେ ସେମାନଙ୍କର ସଠିକ ସମ୍ପତ୍ତି ତାଲିକା ଦାଖଲ କରିନଥିବାରୁ ନିର୍ବାଚନ ଆୟୋଗ ସେମାନଙ୍କ ସଦସ୍ୟତା ରଦ୍ଦ କରିଥିବା କଥା କୁହାଯାଇଛି ।
ପାକିସ୍ତାନରେ ନିଲମ୍ବନରେ ପ୍ରଭାବିତ ହୋଇଥିବା ୩ ଜଣ ସିନେଟର, ନ୍ୟାସନାଲ ଆସେମ୍ବିଲର ୩୬ ସଦସ୍ୟ, ସିନ୍ଧ ବିଧାନସଭାର ୧୪ ସଦସ୍ୟ, ଖେବର-ପସ୍ତୁନଖା ବିଧାନସଭାର ୨୧ ସଦସ୍ୟ ଓ ବେଲୁଚିସ୍ତାନ ବିଧାନସଭାର ୭ ଜଣ ସଦସ୍ୟ ସାମିଲ ଅଛନ୍ତି । କହିରଖୁ କି, ଗତବର୍ଷ ନିର୍ବାଚନ ଆୟୋଗ ୧୫୪ ଜଣ ଜନପ୍ରତିନିଧିଙ୍କୁ ସମାନ କାରଣରୁ ନିଲମ୍ବିତ କରିଥିଲେ । ହେଲେ ପରେ ସେମାନେ ସେମାନଙ୍କ ସମ୍ପତ୍ତି ତାଲିକା ଦାଖଲ କରିବା ପରେ ନିର୍ବାଚନ ଆୟୋଗ ସେମାନଙ୍କ ଉପରେ ଲାଗିଥିବା ନିଲମ୍ବନ ଆଦେଶକୁ ପ୍ରତ୍ୟାହାର କରିନେଇଥିଲେ ।