ଦରଦାମ ବୃଦ୍ଧିକୁ ନେଇ ପାକମନ୍ତ୍ରୀଙ୍କ ବିବାଦୀୟ ବୟାନ, କହିଲେ ଏମିତି କଥା
କନକ ବ୍ୟୁରୋ : ପଡୋଶୀ ଦେଶ ପାକିସ୍ତାନରେ ଏବେ ଦରଦାମ ଆକାଶଛୁଆଁ ହୋଇଛି । ମହଙ୍ଗାମାଡରୁ ଲୋକଙ୍କୁ ରକ୍ଷା କରିବା ପରିବର୍ତ୍ତେ ସେଠିକାର ନେତାମାନେ ଅଜବ ଗଜବ ବୟାନ ଦେବାରେ ଲାଗିଛନ୍ତି । ପାକିସ୍ତାନ ଇମ୍ରାନ ସରକାରଙ୍କ ମନ୍ତ୍ରୀ ଅଲ୍ଲି ଅମିନ ଗଣ୍ଡାପୁର ଏକ ସଭାରେ କହିଛନ୍ତି କି ଲୋକମାନେ ମହଙ୍ଗାମାଡରୁ ରକ୍ଷା ପାଇବାକୁ ଚୀନି ଓ ରୋଟି କମ୍ ଖାଇବାକୁ ପରାମର୍ଶ ଦେବା ସହ ବିନା ଚିନିରେ ଚା ପିଇବାକୁ ପରାମର୍ଶ ଦେଇଛନ୍ତି । ସେ ଆହୁରି କହିଛନ୍ତି କି ଆମେ ଆର୍ଥିକଭାବେ ଏତେ ଦୁର୍ବଳ ହୋଇଯାଇଛୁ ଯେ ନିଜ ଦେଶପାଇଁ ଏତିକି ତ୍ୟାଗ କରିବାକୁ ପଛାଇବୁ ନାହିଁ ।
Kanak News is now on WhatsApp
Join and get latest news updates delivered to you via WhatsApp
କିଛିଦିନ ତଳେ ପାକିସ୍ତାନ ପରିସଂଖ୍ୟାନ ବ୍ୟୁରୋ ଦ୍ୱାରା ଜାରି କରାଯାଇଥିବା ସୂଚନା ଆଧାରରେ ସେପ୍ଟେମ୍ବର ମାସରେ ଉପଭୋକ୍ତା ସୂଚକାଙ୍କ ୯ ପ୍ରତିଶତ ତଳକୁ ଖସିଆସିଛି । ପ୍ରତିଟି ସାମଗ୍ରୀର ମୂଲ୍ୟ ବୃଦ୍ଧି ଫଳରେ ଲୋକମାନେ ଆବଶକୀୟ ସାମଗ୍ରୀ କିଣିବାରେ ପୂର୍ବ ଅପେକ୍ଷା ଅଧିକ ଅର୍ଥ ଖର୍ଚ୍ଚ କରୁଛନ୍ତି ।
ଗଣ୍ଡପୁର ଏହି ସଭାରେ ଲୋକମାନଙ୍କୁ କହିଥିଲେ କି ଯଦି ୯ ପ୍ରତିଶତ ମହଙ୍ଗା ହୋଇଛି ତେବେ ଆମେ ୧୦୦ ଗ୍ରାମ ଅଟା ସ୍ଥାନରେ ୯୦ ଗ୍ରାମ ଅଟା ଖାଇ ଦେଶକୁ ମହଙ୍ଗା ମାଡରୁ ରକ୍ଷା କରିପାରିବା । ସେ ଆହୁରି କହିଛନ୍ତି କି ଆମ ପୂର୍ବ ପୁରୁଷମାନେ ପେଟରେ ପଥର ବାନ୍ଧି ଦେଶ ପାଇଁ ଲଢେଇ କରିଥିଲେ । ତେଣୁ ଆମର ଲକ୍ଷ୍ୟ ହେବା ଦରକାର ଆମ ଆମ ପିଲାଙ୍କୁ ପାକିସ୍ତାନ ଦେବାକୁ ପଡିବ, ଆମ ପିଲା ଯେମିତି ଅନ୍ୟର ଦାନ ଅର୍ଥରେ ଜୀବନ ଅତିବାହିତ ନକରନ୍ତି ସେଥିପାଇଁ ଆମକୁ କମ ରୁଟି ଓ ଅଧିକ ଚା ରେ କାଳାତିପାତ କରିବାକୁ ସେ ପରାମର୍ଶ ଦେଇଛନ୍ତି ।