ପାକିସ୍ତାନ ଜେଲରେ ବନ୍ଦ ଥିବା ୩୬୦ ଭାରତୀୟ କଏଦୀଙ୍କୁ ମୁକ୍ତ କରିବ ପାକିସ୍ତାନ ! ସୋମବାରଠାରୁ ଆରମ୍ଭ ହେବ ମୁକ୍ତ କରିବା ପ୍ରକ୍ରିୟା ।
ପାକିସ୍ତାନ ଜେଲରେ ବନ୍ଦି ଥିବା ୩୬୦ ଭାରତୀୟ କଏଦୀଙ୍କୁ ଖୁବଶୀଘ୍ର ଛଡାଯିବା ପାଇଁ ଚେଷ୍ଟା କରାଯାଉଛି । ରେଡିଓ ପାକିସ୍ତାନର ଖବର ମୁତାବକ ମାନବତାର ଆଧାରରେ ଏହି ପଦକ୍ଷେପ ନିଆଯାଉଛି । ତେବେ ପାକ୍ ଏପ୍ରିଲ୍ ୮ ତାରିଖ ଅର୍ଥାତ୍ ସୋମବାରରେ ଏହି ବନ୍ଦିମାନଙ୍କୁ ଛାଡିବା କଥା କୁହାଯାଉଛି । ରେଡିଓ ପାକିସ୍ତାନର ଖବର ମୁତାବକ ସେଠାକାର ବିଦେଶ ମନ୍ତ୍ରାଳୟର ପ୍ରବକ୍ତା କହିଛନ୍ତି ବର୍ତ୍ତମାନ ସମୟରେ ପାକିସ୍ତାନ ଜେଲରେ ମୋଟ୍ ୫୩୭ ଭାରତୀୟ କଏଦୀ ବନ୍ଦି ଭାବରେ ରହିଛନ୍ତି । ଯେଉଁଥିରେ ୪୮୩ ମତ୍ସ୍ୟଜୀବୀ ଏବଂ ୫୪ ଅନ୍ୟ ନାଗରିକ ରହିଛନ୍ତି । ଖବର ମୁତାବକ ସୋମବାର ୧୦୦ ଭାରତୀୟ ମତ୍ସ୍ୟଜୀବୀକୁ ମୁକ୍ତ କରାଯାଇଛି ଏବଂ ଆଗାମୀ ୧୦୦ ମତ୍ସ୍ୟଜୀବୀଙ୍କୁ ଏପ୍ରିଲ୍ ୧୫ ତାରିଖରେ ମୁକ୍ତ କରାଯିବ । ଏଥିରେ ଆଗାମୀ ସପ୍ତାହରେ ଅର୍ଥାତ୍ ଏପ୍ରିଲ୍ ୨୨ ତାରିଖରେ ୧୦୦ ମତ୍ସ୍ୟଜୀବୀ ଏବଂ ଏପ୍ରିଲ୍ ୨୯ ତାରିଖରେ ୫ ମତ୍ସ୍ୟଜୀବୀ ତଥା ୫୫ ଅନ୍ୟ ନାଗରିକଙ୍କୁ ମୁକ୍ତ କରାଯିବ । ଏଭଳି ଭାବରେ ମୋଟ ୩୬୦ ଭାରତୀୟ କଏଦୀଙ୍କୁ ମୁକ୍ତ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଖବର ମୁତାବକ ପାକିସ୍ତାନ ବିଦେଶ ମନ୍ତ୍ରାଳୟ କହିଛନ୍ତି ଭାରତର ଜେଲରେ ପାକିସ୍ତାନର ୩୪୭ ଜଣ କଏଦୀ ବନ୍ଦ ଅଛନ୍ତି ଯେଉଁଥିରେ ୨୪୯ ମତ୍ସ୍ୟଜୀବୀ ଏବଂ ୯୮ ଅନ୍ୟ ପାକ୍ ନାଗରିକ ରହିଛନ୍ତି ।