କନକ ବ୍ୟୁରୋ: ଆଫଗାନିସ୍ତାନର ରିଅଲ ହିରୋ ବୋଲାଉଥିବା ଅମରୁଲ୍ଲା ସାଲେହଙ୍କୁ ହତ୍ୟା କରିବାକୁ ଷଡଯନ୍ତ୍ର କରୁଛି ପାକିସ୍ତାନ । ତାଲିବାନ ସହ ମିଶି ସଫଳ କରୁଛି ନିଜର ଗୋଟେ ପରେ ଗୋଟେ ଯୋଜନା । ଅମରୁଲ୍ଲାଙ୍କୁ ହତ୍ୟା କରିବା ପରେ ପଂଜଶିରରେ ଶାସନ ସହଜ ହୋଇଯିବ । ଏହାସହ ତାଲିବାନର ମନ ବି ଜିତି ପାରିବ ପାକିସ୍ତାନ । ଆଉ ଏହାପରେ ଆତଙ୍କି ଶକ୍ତି ସହ ମିଶି କାଶ୍ମୀରକୁ ନିଜ ଅକ୍ତିଆରକୁ ନେବ ବୋଲି ବିଭିନ୍ନ ଗଣମାଧ୍ୟମରେ ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଅଭେଦ୍ୟ ଗଡ ପଂଜଶିରକୁ ଦଖଲ କରିଥିବା ତାଲିବାନ୍ ଘୋଷଣା କରିବା ପରେ ବି ଏକଥା ମାନିବାକୁ ନାରାଜ ପଂଜଶିରର ଦୁଇ ସେର୍ । ଏବେବି ପଂଜଶିରର ୬୦ ପ୍ରତିଶାତ ଇଲାକା ତାଲିବାନଠାରୁ ମୁକ୍ତ ବୋଲି କହୁଛନ୍ତି ରେଜିଷ୍ଟାନ୍ସ ଫୋର୍ସ ମୁଖ୍ୟ ଅହମୁଦ୍ ମାସୁଦ୍ ଓ ପୂର୍ବ ପ୍ରତିରକ୍ଷା ମନ୍ତ୍ରୀ ଅମରୁଲ୍ଲା ସାଲେ । ନିକଟରେ ପଂଜଶିର ଦଖଲ କରି ଏହାର ଗଭର୍ଣ୍ଣର ହାଉସ୍ ଆଗରେ ନିଜର ବିଜୟ ଧ୍ୱଜା ଉଡାଇବାର ଭିଡିଓ ଜାରି କରିଥିଲା ତାଲିବାନ୍ ।ହେଲେ ଏହି ତଥ୍ୟକୁ ମିଥ୍ୟା ବୋଲି କହିଛି ରେଜିଷ୍ଟାନ୍ସ ଫୋର୍ସ । ତାଲିବାନ୍ ର ଏହି ଭିଡିଓ ପରେ ବି ପୁଣି ତିନୋଟି ଜିଲ୍ଲାକୁ ନିଜ ପକ୍ଷକୁ ଆଣି ପାରିଛି ରେଜିଷ୍ଟାନ୍ସ ଫୋର୍ସ ।ପାରିଆନ୍, ଅବସାର ଓ ଦାରା ଜିଲ୍ଲାକୁ ପୁଣି ନିଜ ଦଖଲକୁ ଆଣି ପାରିଛି ପଂଜଶିରର ରେଜିଷ୍ଟାନ୍ସ ଫୋର୍ସ । କିନ୍ତୁ ନିଜ ସ୍ୱାର୍ଥକୁ ସଫଳ, କରିବାକୁ ପଂଜଶିର ଉପରେ ବଳ ପ୍ରୟୋଗ କରୁଛି ପାକିସ୍ତାନ । ପୂର୍ବରୁ ପରଦା ପଛରେ ତାଲିବାନ୍କୁ ସାହଯ୍ୟ କରୁଥିବା ପାକିସ୍ତାନ ଏବେ ଖୁଲମଖୁଲ୍ଲା ତାଲିବାନକୁ ସହଯୋଗ କରୁଛି । ଅହମଦ୍ ମାସୁଦ ଓ ସାଲେହଙ୍କୁ ଯେତେ ଶିଘ୍ର ହତ୍ୟା କରି ତାଲିବାନ୍ ସହ ଆଫଗାନିସ୍ତାନରେ ନି ଆଧିପତ୍ୟ ବିସ୍ତାର କରିବା ସହ ପରବର୍ତ୍ତୀ ସମୟରେ କାଶ୍ମୀର, କାଜାଖସ୍ତାନକୁ ଅକ୍ତିଆର କରିବାକୁ ଚେଷ୍ଟା କରୁଛି ।
ଶୁକ୍ରବାର ସାଲେହଙ୍କ ବଡଭାଇ ରୋହୁଲ୍ଲା ସାଲେହଙ୍କୁ ଅତି ବର୍ବର ଭାବେ ହତ୍ୟା କରିଛନ୍ତି ତାଲିବାନୀ । ତାଙ୍କୁ ଅକଥନୀୟ ନିର୍ୟାତନା ଦେବା ପରେ ପଂଜଶିର ଘାଟିରେ ହତ୍ୟା କରିଛନ୍ତି । ପ୍ରଥମେ ତାଙ୍କୁ ଇଲେକ୍ଟ୍ରି ତାରରେ ନିସ୍ତୁକ ମାଡ ମାରିବା ପରେ ତାଙ୍କ ଗଳା କାଟି ହତ୍ୟା କରାଯାଇଛି । ଏତିକିରେ ସରିଲାନି ତାଲିବାନିଙ୍କ ବର୍ବରତା । ଯନ୍ତ୍ରଣାରେ ଛଟପଟ ହେଉଥିବା ରୋହୁଲ୍ଲା ସାଲେହଙ୍କ ଗଳା କାଟିବା ପରେ ଯନ୍ତ୍ରଣାରେ ଛଟପଟ ହେଉଥିଲେ ବି ତାଙ୍କ ଉପରକୁ ବାରମ୍ବାର ଗୁଳି ଚଳାଇଥିଲେ ତାଲିବାନୀ ।
ଏହା ପୂର୍ବରୁ ଚାଇନାର ଡ୍ରୋନ ମାଧ୍ୟମରେ ପଂଜଶିର ଉପରେ ଆକ୍ରମଣ କରି ମାସୁଦଙ୍କ ଡାହାଣ ହାତ କୁହାଯାଉଥିବା ଫିହିମ୍ ଦସ୍ତଙ୍କ ସମେତ ୭ଜଣ ସହଯୋଗୀଙ୍କୁ ହତ୍ୟା କରିଛି ପାକିସ୍ତାନ । ତାଲିବାନିଙ୍କ ସହ ମିଶି ଏପରି ବର୍ବରୋଚିକ କାଣ୍ଡ କରି ପଂଜଶିର ରେଜିଷ୍ଟାନ୍ସ ଫୋର୍ସ ତଥା ମାସୁଦ ଓ ସାଲେହଙ୍କ ମନୋବଳ ଭାଙ୍ଗିବାକୁ ଚାହୁଁଛି ପାକିସ୍ତାନ । ଆଫଗାନିସ୍ତାନରେ ପାକିସ୍ତାନ ଆଇଏସଆଇ ମୁଖ୍ୟ ଫୈଜ ହମିଦଙ୍କ ରହଣି ଏସବୁ ଷଡଯନ୍ତ୍ରକୁ ସ୍ପଷ୍ଟ କରୁଥିବା ଅନ୍ତର୍ଜାତୀୟ ସ୍ତରରେ ଆଲୋଚନା ହେଉଛି ।