ଯୁଦ୍ଧ ମଇଦାନକୁ ଓହ୍ଲାଇବ ଚୀନର ରୋବଟ୍ ଡଗ୍ ! ଅନ୍ୟ ଦେଶଙ୍କ ପାଇଁ ବଢିପାରେ ସମସ୍ୟା
କନକ ବ୍ୟୁରୋ : ଯୁଦ୍ଧ ମଇଦାନରେ ଯଦି ଗୋଟେ ପାଖରେ ରୋବଟ୍ ଏବଂ ଅନ୍ୟ ପକ୍ଷରେ ମଣିଷ ଭିତରେ ଯୁଦ୍ଧ ହୁଏ ତେବେ କିଏ ଜିତିବ? ଆଗକୁ ଯୁଦ୍ଧ ମଇଦାନରେ ଏପରି କିଛି ଦେଖିବାକୁ ମିଳିପାରେ । ଚୀନ୍ ଏକ ରୋବୋଟିକ୍ ଡଗ୍ (କୁକୁର) ଡେଭଲପ୍ କରିଛି । ଯାହା ଆଗକୁ ଯାଇ ଯୁଦ୍ଧ କ୍ଷେତ୍ରରେ ଅନ୍ୟ ଦେଶଙ୍କ ପାଇଁ ବିପଦ ସୃଷ୍ଟି କରିପାରେ ।
Kanak News is now on WhatsApp
Join and get latest news updates delivered to you via WhatsApp
ଚୀନର ଏକ ଗଣମାଧ୍ୟମ ଏହି ରୋବଟ୍ ଡଗର ୨ମିନିଟର ଭିଡିଓ ଜାରି କରିଥିଲା । ଯେଉଁଥିରେ ଦେଖିବାକୁ ମିଳିଥିଲା, ରୋବଟ୍ ଡଗ୍ ପିଠିରେ ଏକ ଅଟୋମେଟିକ୍ ରାଇଫଲ୍ ଫିଟ୍ କରାଯାଇଛି । ଯୁଦ୍ଧ ମଇଦାନରେ କିପରି ଯୁଦ୍ଧ କରାଯାଏ ସେ ସମସ୍ତ କଳା ରୋବଟରେ ଇନଷ୍ଟଲ୍ କରାଯାଇଛି । ଏହି ରୋବୋଟିକ୍ ଡଗ୍ ଆଗକୁ, ପଛକୁ, ବାମ, ଡାହଣ ଚାଲିବା ସହ ଡେଇଁ ଡେଇଁ ଆଗକୁ ବଢିପାରୁଛି । ଶତ୍ରୁ ପାଖକୁ କିପରି ଲୁଚି ଲୁଚି ଯାଇ ପହଞ୍ଚିପାରିବ ତାହା ମଧ୍ୟ ଏହି ଡଗ କରିପାରୁଛି । ଚୀନ କେବଳ ଏହି ରୋବଟିକ୍ ଡଗକୁ ଡେଭଲପ୍ କରିଛି ତା ନୁହେଁ । ରୋବୋଟିକ୍ ଡ୍ରୋନ୍ ମଧ୍ୟ ଏକ ଡେଭଲପ୍ କରାଯାଇଛି । ତେବେ ଯଦି ଆଗକୁ ଯୁଦ୍ଧ ମିଦାନରେ ଏହି ରୋବଟକୁ ବ୍ୟବହାର କରାଯାଏ ତାହେଲେ ଅନ୍ୟ ଦେଶମାନଙ୍କ ପାଇଁ ବିପଦ ସୃଷ୍ଟି ହୋଇପାରେ ।