ଜାତିସଂଘ ସୁରକ୍ଷା ପରିଷଦ ବୈଠକରେ ପାକିସ୍ତାନ ନାଁ ନନେଇ ଟାର୍ଗେଟ କଲେ ଭାରତର ବୈଦେଶିକ ମନ୍ତ୍ରୀ : ଜୟଶଙ୍କର କହିଲେ, ଆଫଗାନିସ୍ତାନର ସ୍ଥିତି ଚିନ୍ତାଜନକ
କନକ ବ୍ୟୁରୋ : ନାଁ ନନେଇ ଜାତିସଂଘ ସୁରକ୍ଷା ପରିଷଦ ବୈଠକରେ ପାକିସ୍ତାନକୁ ଟାର୍ଗେଟ କଲେ ବୈଦେଶିକ ମନ୍ତ୍ରୀ ଏସ ଜୟଶଙ୍କର । କହିଲେ ଆଫଗାନିସ୍ତାନର ଅବସ୍ଥା ଚିନ୍ତାଜନକ । କିଛି ଦେଶ ଆତଙ୍କବାଦୀଙ୍କୁ କରୁଛନ୍ତି ସହାୟତା । ଯାହାକୁ ରୋକିବାକୁ ପଡିବ । ଆତଙ୍କବାଦର ସମସ୍ତ ରୂପକୁ ନିନ୍ଦା କରାଯିବା ଆବଶ୍ୟକ । ଆତଙ୍କବାଦ ବିରୋଧରେ ସାରା ଦୁନିଆଁ ଏକାଠି ହେବାକୁ ପଡିବ । ଆତଙ୍କବାଦ ବିରୋଧୀ ଲଢ଼େଇରେ ଆଗାମି ଦିନରେ ବି ଭାରତ ସମ୍ପୂର୍ଣ୍ଣ ସହଯୋଗ କରିବାକୁ ପ୍ରସ୍ତୁତ ।
Kanak News is now on WhatsApp
Join and get latest news updates delivered to you via WhatsApp
ଆଇଏସଆଇଏସ ଆତଙ୍କୀ ସଂଗଠନ କଥା ଉଠାଇ କହିଛନ୍ତି ଆତଙ୍କବାଦୀଙ୍କ ଜୀବନ ନେବା ବଦଳରେ ଏମାନଙ୍କୁ ପୁରଷ୍କାର ବାବଦରେ ବିଟ୍ କଏନ ଦିଆଯାଉଛ । ଅନଲାଇନରେ ମିଛ ପ୍ରଚାର କରାଯାଇ ଯୁବକମାନଙ୍କୁ ପଥଭ୍ରଷ୍ଟ କରାଯାଉଛି । ଭାରତ ଉପରେ ହୋଇଥିବା ଆତଙ୍କବାଦୀ ଆକ୍ରମଣ କଥା ଉଠାଇ ଜୟଶଙ୍କର କହିଛନ୍ତି, ଭାରତ ଅନେକ ଥର ଆତଙ୍କବାଦ ଆକ୍ରମଣର ଶିକାର ହୋଇଛି । ସେଥିରୁ ୨୦୦୮ ମୁମ୍ବାଇ ବିସ୍ପୋରଣ , ୨୦୧୬ର ପଠାନକୋଟ୍ ଏୟାରବେସ୍ ଆକ୍ରମଣ, ୨୦୧୯ରେ ପୁଲୱାମା ଆକ୍ରମଣ । ତେବେ ଆତଙ୍କବାଦୀଙ୍କ ସହ ଭାରତ କେବେ ବି ବୁଝାମଣା କରି ନାହିଁ ।