କନକ ବ୍ୟୁରୋ: ଆଫଗାନିସ୍ତାନ ମୁଦ୍ଦାକୁ ନେଇ ଋଷରେ ଡକାଯାଇଥିଲା ବୈଠକ । ଆଉ ଏହି ବୈଠକରେ ଭାରତ, ଚୀନ, ଇରାନ ଓ ଆମେରିକା ଭଳି ଦେଶ ଉପସ୍ଥିତ ଥିଲେ । ଏହି ବୈଠକରେ ହିଁ ପାକିସ୍ତାନର ଅଧିକାରୀ ନିଜର ଜଣେ ମନ୍ତ୍ରୀଙ୍କ ମଜାକ ଉଡାଇଥିଲେ । ଆଉ ସେହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଆସନ୍ତୁ ଜାଣିବା କଣ ଥିଲା ପୂରା ଘଟଣା ।
Kanak News is now on WhatsApp
Join and get latest news updates delivered to you via WhatsApp
ଏହି ବୈଠକ ଶେଷ ହେବା ପରେ ପାକିସ୍ତାନର ଦୁଇ ଅଧିକାରୀ ନିଜ ଦେଶରେ ମାନବଧିକାର ମନ୍ତ୍ରୀ ସିରିନ ମଜାରୀ ଓ ତାଙ୍କ ଝିଅ ମଧ୍ୟରେ ହୋଇଥିବା ଟ୍ୱିଟର ବିବାଦ ବିଷୟରେ ଆଲୋଚନା କରୁଥିଲେ । ଏହି କଥା ସେତେବେଳେ ସାମ୍ନାକୁ ଆସିଥିଲା ଯେତେବେଳେ ସେମାନେ ମାଇକ ବନ୍ଦ ନକରି ଏହି କଥା ଆଲୋଚନା କରୁଥିଲେ ।
ସେମାନେ ଉର୍ଦ୍ଦୁରେ କଥା ହେଉଥିଲେ କି, ଆରମ୍ଭରୁ ହିଁ ସେମାନେ ବହୁତ ଆଗ୍ରେସିଭ, ଏହାପରେ ସେମାନେ ହସିବାକୁ ଲାଗିଲେ । ଏହି ସବୁ କଥା ମାଇକରେ ଶୁଣାଯାଉଥିଲା । କାରଣ ସେମାନେ ମାଇକ ବନ୍ଦ କରିବାକୁ ଭୁଲିଯାଇଥିଲେ ।
ପାକିସ୍ତାନର ମାନବଧିକାର ମନ୍ତ୍ରୀ ସିରିନ ମଜାରୀ ଓ ତାଙ୍କ ଝିଅଙ୍କ ଟ୍ୱିଟର ବିବାଦ ଏବେ ପାକିସ୍ତାନରେ ଚର୍ଚ୍ଚାର ବିଷୟ ପାଲଟିଛି । ସିରିନଙ୍କ ଝିଅ ଅଭିଯୋଗ କରିଥିଲେ କି ଇମ୍ରାନ ଖାନ ସରକାର ଚଳାଇବା ପାଇଁ କଳା ଯାଦୁର ସାହାରା ନେଉଛନ୍ତି ।