ପାଇକ ବିଦ୍ରୋହ ନୁହେଁ ପ୍ରଥମ ସ୍ୱାଧୀନତା ସଂଗ୍ରାମ : ରାଜ୍ୟସଭାରେ କେନ୍ଦ୍ର ସଂସ୍କୃତି ମନ୍ତ୍ରୀଙ୍କ ସୂଚନା
କହିଲେ, ଆଇସିଏଚଆର ତଥ୍ୟ ଅନୁସାରେ ବ୍ରିଟିସ ବିରୋଧରେ ହୋଇଥିବା ବିଦ୍ରୋହ ମଧ୍ୟରୁ ଲୋକପ୍ରିୟ
କନକ ବ୍ୟୁରୋ : ପାଇକ ବିଦ୍ରୋହକୁ ଦେଶର ପ୍ରଥମ ସ୍ୱାଧୀନତା ସଂଗ୍ରାମ ବୋଲି କୁହାଯାଇପାରିବ ନାହିଁ । ରାଜ୍ୟସଭାରେ କେନ୍ଦ୍ର ସଂସ୍କୃତି ମନ୍ତ୍ରୀ ଜି. କିଷାନ ରେଡ୍ଡୀ ଏନେଇ ସୂଚନା ଦେଇଛନ୍ତି । ମନ୍ତ୍ରୀ କହିଛନ୍ତି, ୧୮୧୭ ପାଇକ ବିଦ୍ରୋହକୁ ଦେଶର ପ୍ରଥମ ସ୍ୱାଧୀନତା ସଂଗ୍ରାମ ଘୋଷଣା ଲାଗି ଓଡ଼ିଶା ମୁଖ୍ୟମନ୍ତ୍ରୀଙ୍କଠାରୁ ଦାବିପତ୍ର ଗୃହ ମନ୍ତ୍ରାଳୟ ମାଧ୍ୟମରେ ସଂସ୍କୃତି ମନ୍ତ୍ରାଳୟକୁ ମିଳିଥିଲା । ଏହା ଉପରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରାଳୟର ଅଧୀନରେ ଥିବା ଭାରତୀୟ-ଐତିହାସିକ ଗବେଷଣା ପରିଷଦ ସହ ବିଚାରବିମର୍ଶ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଇସିଏଚଆରଠାରୁ ମିଳିଥିବା ତଥ୍ୟ ଅନୁସାରେ ଓଡ଼ିଶାର ପାଇକ ବିଦ୍ରୋହକୁ ପ୍ରଥମ ସ୍ୱାଧୀନତା ସଂଗ୍ରାମ କୁହାଯାଇପାରିବ ନାହିଁ ବୋଲି କହିଛନ୍ତି କେନ୍ଦ୍ର ସଂସ୍କୃତି ମନ୍ତ୍ରୀ । ଐତିହାସିକ ଦୃଷ୍ଟିରୁ ୧୮୧୭ ମାର୍ଚ୍ଚରୁ ଆରମ୍ଭ ହୋଇ ୧୮୨୫ ମେ’ ମାସ ପର୍ଯ୍ୟନ୍ତ ହୋଇଥିବା ଏହି ପାଇକ ବିଦ୍ରୋହ ଦେଶର ଆଭିଜାତ୍ୟ ବର୍ଗ ଓ ସାଧାରଣ ଲୋକଙ୍କ ପାଇଁ ଏକ ଉଦାହରଣ ପ୍ରସ୍ତୁତ କରିଥିଲା । ସେହି ଅନୁସାରେ ଏହାକୁ ଦୃଷ୍ଟିରେ ରଖି ଭାରତରେ ଇଂରେଜ ବିରୁଦ୍ଧରେ ଆରମ୍ଭ ହୋଇଥିବା ବିଦ୍ରୋହ ମଧ୍ୟରେ ଏହା ଏକ ଲୋକପ୍ରିୟ ବିଦ୍ରୋହ ଥିବା ବୋଲି କହିଛନ୍ତି ମନ୍ତ୍ରୀ ।