ରିଲିଜ ହେଲା ପଦ୍ମାବତୀର ଟ୍ରେଲର ! ରଣବୀରଙ୍କୁ ଭୟଙ୍କର ରୂପରେ ଦେଖିବାକୁ ପାଇବେ ଦର୍ଶକ
ବହୁ ବାଦ ବିବାଦ ପରେ ଆଗକୁ ପରଦାକୁ ଆସିବାକୁ ଥିବା ସଞ୍ଜୟ ଲୀଲା ଭଂସାଲୀଙ୍କ ବହୁ ଚର୍ଚ୍ଚିତ ଫିଲ୍ମ ପଦ୍ମାବତୀର ଟ୍ରେଲର ରିଲିଜ ହୋଇଛି । ପ୍ରାୟ ୩ ମିନିଟର ଏହି ଟ୍ରେଲରରେ ପୂରା କାହାଣୀକୁ ଦର୍ଶାଯାଇଛି । ପୂର୍ବରୁ ଏଡି ଫିଲ୍ମର ପୋଷ୍ଟର ରିଲିଜ ହୋଇଥିଲା । ସେତେବେଳେ ଦର୍ଶକ ଏହାକୁ ବହୁତ ପସନ୍ଦ କରିଥିଲେ । ପୂର୍ବ ଫିଲ୍ମ ଭଳି ସଞ୍ଜୟ ଏହି ଫିଲ୍ମରେ ମଧ୍ୟ ବେଶ ପୋଷାକ ଓ ସାଜସଜ୍ଜା ଉପରେ ଯଥେଷ୍ଟ ଗୁରୁତ୍ୱ ଦେଇଛନ୍ତି । ଏହି ଫିଲ୍ମ ଦେଖିବା ପରେ ଦର୍ଶକ ନିଶ୍ଚିତ ଭାବେ ସଞ୍ଜୟଙ୍କୁ ପ୍ରଂଶସା ନ କରି ରହି ପାରିବେନି ।
Kanak News is now on WhatsApp
Join and get latest news updates delivered to you via WhatsApp
ଏହି ଐତିହାସିକ ଫିଲ୍ମରେ ପଦ୍ମାବତୀ ଚରିତ୍ରରେ ଦୀପିକା ପାଦୁକୋଣ ନଜରକୁ ଆସିଥିବା ବେଳେ ମହାରାୱଲ ରତନ ସିଂହଙ୍କ ଭୂମିକାରେ ଶାହିଦଙ୍କୁ ଦେଖିବାକୁ ମିଳିବ । ସେହିଭଳି ପଦ୍ମାବତୀରେ ଆଲ୍ଲାଉଦ୍ଦିନ ଖିଲଜୀଙ୍କ ଭୂମିକାରେ ନଜର ଆସିଛନ୍ତି ରଣବୀର । ଆଲ୍ଲାଉଦ୍ଦିନ ଖିଲଜୀଙ୍କ ଭୂମିକାରେ ଜବରଦସ୍ତ ଅଭିନୟ କରିଛନ୍ତି ରଣବୀର । ଆଲ୍ଲାଉଦ୍ଦିନ ଭୁମିକାରେ ଅତି ଭୟଙ୍କର ଓ କ୍ରୂର ଦେଖାଯାଉଛନ୍ତି ରଣବୀର । କାରଣ ଇତିହାସ ଆଲ୍ଲାଉଦ୍ଦିନ ଖିଲଜୀଙ୍କୁ ସବୁଠାରୁ ବଡ ଖଳନାୟକ ଭାବେ ଚିତ୍ରଣ କରିଛି । ତେଣୁ ତାଙ୍କ ଚରିତ୍ରରେ ଅଭିନୟ କରିବା ରଣବୀରଙ୍କ ପାଇଁ ଏକ ଚ୍ୟାଲେଞ୍ଜ ଥିଲା ଯାହାକୁ ସେ ଖୁବ ନିଖୁଣ ଭାବେ ଉପସ୍ଥାପିତ କରିଛନ୍ତି ।
କେବଳ ରଣବୀର ନୁହେଁ ଶାହିଦଙ୍କ ନିଚ୍ଛକ ଅଭିନୟର ଝଲକ ମଧ୍ୟ ଏହି ଟ୍ରେଲରରେ ଦେଖିବାକୁ ମିଳିଛି । ଏଥିରେ ଶାହିଦଙ୍କ ଲୁକକୁ ନେଇ ଖୁବ୍ ଚର୍ଚ୍ଚା ହେଉଛି । ଏହି ଫିଲ୍ମରେ ଶାହିଦଙ୍କ ରାଜକୀୟ ପୋଷାକ ତିଆରି କରିବାକୁ ଡିଜାଇନର ହରପ୍ରୀତ୍ ନରୁଲାଙ୍କୁ ପ୍ରାୟ ଦୁଇମାସ ସମୟ ଲାଗି ଯାଇଛି । ସେହିଭଳି ଟ୍ରେଲରରେ କେବଳ ଶାହିଦ-ଦୀପିକାଙ୍କ ଡାଇଲଗ୍ ସ୍ଥାନ ପାଇଛି । ଟ୍ରେଲରରେ ରଣବୀରଙ୍କ ଗୋଟିଏ ବି ଡାଇଲଗ ନାହିଁ । କିନ୍ତୁ ଆଲ୍ଲାଉଦ୍ଦିନ ଖିଲଜୀଙ୍କ ଚରିତ୍ରରେ ବେଶ ଭୟଙ୍କର ଦେଖା ଯାଉଛନ୍ତି ରଣବୀର । ଏହି ଫିଲ୍ମରେ ଖଳନାୟକ ଚରିତ୍ରରେ ଅଭିନୟ କରୁଥିବା ରଣବୀର ଟ୍ରେଲରରେ ମାଂସ ଖାଉଥିବା ଓ ଯୁଦ୍ଧ ଲଢୁଥିବାର ଦୃଶ୍ୟ ସାମ୍ନାକୁ ଆସିଛି ।
ଏବେ ବଲିଉଡରେ ବହୁଳ ମାତ୍ରାରେ ଇତିହାସର ବିଷୟବସ୍ତୁକୁ ନେଇ ଫିଲ୍ମ ନିର୍ମାଣ କରାଯାଉଛି । ଏପରିକି ଏଭଳି ଫିଲ୍ମକୁ ଦର୍ଶକ ମଧ୍ୟ ଖୁବ ପସନ୍ଦ କରୁଛନ୍ତି । ପୁର୍ବରୁ ବାଜିରାଓ ମାସ୍ତାନୀରେ ମଧ୍ୟ ରଣବୀର- ଦୀପିକାଙ୍କ ଯୋଡି ନିଜର ଜଲୱା ଦେଖାଇଛନ୍ତି । ସେତେବେଳେ ମଧ୍ୟ ଦର୍ଶକ ଏହି ଫିଲ୍ମକୁ ବେଶ ପସନ୍ଦ କରିଥିଲେ । ଫିଲ୍ମର ପ୍ରତ୍ୟେକ ଡାଇଲଗ ଦର୍ଶକଙ୍କ ବେଶ ଆମୋଦିତ କରିଥିଲା । ସେହି ସମୟରେ ଫିଲ୍ମଟି ମଧ୍ୟ ଜବରଦସ୍ତ ହିଟ୍ ହୋଇଥିଲା ।
ବିଭିନ୍ନ ଐତିହାସିକ ବିଷୟବସ୍ତୁକୁ ଫିଲ୍ମ ମାଧ୍ୟମରେ ଜୀବନ୍ତ କରି ଦେଖାଇବା ପାଇଁ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ପରିଚିତ । ନିଜର ପ୍ରତିଟି ଫିଲ୍ମରେ ସେ ବେଶଭୂଷାଠୁ ଆରମ୍ଭ କରି ସେଟ୍ ପର୍ୟ୍ୟନ୍ତ କେଉଁଥିରେ ଟିକିଏ ହେଲେ ଖୂଣ ବା ଅଭାବ ରଖନ୍ତିନାହିଁ। ହାତଖୋଲି ଖର୍ଚ୍ଚ କରିନ୍ତି। ତେଣୁ ଫିଲ୍ମ ହିଟ୍ ହେଉ ବା ନ ହେଉ, ସମସ୍ତେ ତାଙ୍କ ଫିଲ୍ମକୁ ଏକ କଳାତ୍ମକ ଚମତ୍କାର ଭାବେ ମନେ ରଖନ୍ତି। ‘ପଦ୍ମାବତୀ’ ତାଙ୍କ ଫିଲ୍ମ ଯାତ୍ରାର ଶୀର୍ଷରେ ରହିବ, ସେଥିରେ ସନ୍ଦେହ ନାହିଁ। ଫିଲ୍ମଟି ଚଳିତ ବର୍ଷ ଡିସେମ୍ବର ୧ ତାରିଖରେ ରିଲିଜ୍ ହେବ ।