କନକ ବ୍ୟୁରୋ : ପଦ୍ମପୁର ଉପନିର୍ବାଚନ ପାଇଁ ବିଜେପି ପ୍ରଦୀପ ପୁରୋହିତଙ୍କୁ ପ୍ରାର୍ଥୀ ଘୋଷଣା କରିବା ପରେ ବିଜେଡିର ପ୍ରାର୍ଥୀ କିଏ ହେବ ସେ ଉପରେ ସମସ୍ତଙ୍କ ନଜର ରହିଛି । ଆସନ୍ତା ଦିନେ ଦୁଇଦିନ ଭିତରେ ଦଳ ପ୍ରାର୍ଥୀ ଘୋଷଣା କରିବା ସମ୍ଭାବନା ରହିଛି । ଚର୍ଚ୍ଚା ହେଉଛି ଦିବଙ୍ଗତ ବିଧାୟକ ବିଜୟରଞ୍ଜନ ସିଂଙ୍କ ପରିବାରରୁ ଟିକେଟ ଦେଇ ଅନୁକମ୍ପା ସାଉଁଣ୍ଟିବା ଲକ୍ଷ୍ୟରେ ରହିଛି ଶାସକ ଦଳ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆଉ କଂଗ୍ରେସ ମଧ୍ୟ ପୁରୁଣା ଚେହେରା ସତ୍ୟ ଭୂଷଣ ସାହୁଙ୍କୁ ମଇଦାନକୁ ଆଣି ଭୋଟବ୍ୟାଙ୍କ ସୁରକ୍ଷିତ କରିବା ଲକ୍ଷ୍ୟରେ ରହିଛି । ୧୪ତାରିଖରେ ପ୍ରଦୀପ ପୁରୋହିତ ନାମାଙ୍କନ ପାଇଁ ଦଳ ପକ୍ଷରୁ ସମୟ ଧାର୍ଯ୍ୟ ହୋଇ ସାରିଛି । ବିଧାୟକମାନଙ୍କୁ ଉପସ୍ଥିତ ରହିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି । ପଦ୍ମପୁର ନିର୍ବାଚନମଣ୍ଡଳୀ ଏକ ଚାଷୀ ବହୁଳ ଅଞ୍ଚଳ । ୮୦ ପ୍ରତିଶତ ଭୋଟର ଚାଷ ଉପରେ ନିର୍ଭର କରନ୍ତି । ତେଣୁ ଚାଷୀଙ୍କ ଭୋଟ ହାତେଇବା ପାଇଁ ବିଜେଡି ବିଜେପି ମଧ୍ୟରେ ଏବେଠାରୁ ଆରମ୍ଭ ହୋଇଯାଇଛି ବଳକଷାକଷି ।
କିଏ କେତେ ଚାଷୀ ଭୋଟ ହାତେଇବ ? ବିଜେଡି ଫସଲ ବୀମା ଯୋଜନାରେ ଚାଷୀଙ୍କୁ କାହିଁକି କ୍ଷତିପୂରଣ ମିଳୁ ନାହିଁ ସେଥିପାଇଁ କେନ୍ଦ୍ରର ବିଜେପି ସରକାରକୁ ଦାୟୀ କରି ଆସୁଛି । ସେପଟେ ବିଜେପି ମଧ୍ୟ ଚାଷୀଙ୍କୁ ଅସ୍ତ୍ର କରି ବୋନସ ଓ ସବସିଡ୍ରେ କଥା ଉଠାଇ ରାଜ୍ୟ ସରକାରଙ୍କୁ ଟାର୍ଗେଟ କରୁଛି । ଅନ୍ୟପଟେ କଂଗ୍ରେସ ଉଭୟ ବିଜେପି-ବିଜେଡିକୁ ସମାଲୋଚନା କରିଛି ।