ରାତି ପାହିଲେ ବାହାରିବ ‘ପଦ୍ମପୁର’ ଫଳାଫଳ । ନେତାଙ୍କ ଛାତି ଧଡଧଡ୍…
କନକ ବ୍ୟୁରୋ: ଆଉ କିଛି ସମୟର ଅପେକ୍ଷା । ଆଉ କେଇ ଘଣ୍ଟାର ପ୍ରତୀକ୍ଷା । ରାତି ପାହିବ, ରେଜଲ୍ଟ ବାହାରିବ । ପଦ୍ମପୁର ପାଇଁ ଫଳାଫଳ ପ୍ରକାଶ ପାଇବ । ଏତେ ଦିନର ପରିଶ୍ରମ, ଏତେ ଦିନର ପ୍ରସ୍ତୁତି ପରେ କାଲି ପଦ୍ମପୁରବାସୀ ରାୟ ଦେବେ । ଜନଦେଶ କାହା ସପକ୍ଷରେ ଯାଇଛି କାଲି ହିଁ ସ୍ପଷ୍ଟ ହୋଇଯିବ । ବିଜେଡି ହାତରେ ପଦ୍ମପୁର ରହିବ ନା ପଦ୍ମପୁରରେ ପଦ୍ମ ଫୁଟିବ । ତାହା କାଲି ହିଁ ଜଣାପଡିଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ହାଇପ୍ରୋଫାଇଲ ପ୍ରଚାର ଲଢେଇ, ଭୋଟରଙ୍କୁ ଲୋଭନୀୟ ପ୍ରତିଶ୍ରୁତି, ନେତାଙ୍କ ବୟନାବାଜି, ବିଜୟ ନେଇ ଦମ୍ଭୋକ୍ତି ଭିତରେ ଭୋଟ ଗ୍ରହଣ ସରିଛି, ଆଉ ଇଭିଏମରେ ସିଲ ହୋଇ ରହିଛି ପ୍ରାର୍ଥୀଙ୍କ ଭାଗ୍ୟ । ପଦ୍ମପୁର ଉପନିର୍ବାଚନରେ କିଏ ମାରିବ ବାଜି? ଏହି ପ୍ରଶ୍ନର ଉତ୍ତର ପାଇବାକୁ କାଲି ଯାଏଁ ସମସ୍ତଙ୍କୁ ଅପେକ୍ଷା କରିବାକୁ ପଡିବ । ଆସନ୍ତାକାଲି ଇଭିଏମ ଖୋଲିବା ପରେ ସନ୍ଧ୍ୟା ସୁଦ୍ଧା ସ୍ପଷ୍ଟ ହୋଇଯିବ ପଦ୍ମପୁର ଜନାଦେଶ କାହାକୁ ମିଳିଛି ।
ବିଜେଡି ଓ ବିଜେପି ମଧ୍ୟରେ ଏଠାରେ କଡା ଟକ୍କର ହେବ ଏବଂ ଉଭୟ ଦଳ ବିଜୟୀ ନେଇ ଆଶାବାଦୀ ଅଛନ୍ତି । ଗୋଟିଏ ପଟେ ବିଜେଡି ବିଜୟୀ ହେବ ବୋଲି ଦୃଢତାର ସହ କହୁଛି । ୨୦୧୯ ନିର୍ବାଚନ ତୁଳନାରେ ବିଜୟ ବ୍ୟବଧାନ ଅଧିକ ରହିବ ବୋଲି ଦାବି କରିଛି ବିଜୁ ଜନତା ଦଳ । ଅନ୍ୟପଟେ ବିଜେପି ମଧ୍ୟ ନିଜ ବିଜୟ ସୁନିଶ୍ଚିତ ବୋଲି ଦାବି କରୁଛି । ଧାମନଗର ଉପନିର୍ବାଚନର ସଫଳତାକୁ ପଦ୍ମପୁରରେ ଦୋହରାଇବ ବୋଲି ବିଜେପି କହିଛି ।