ବାହୁଡା ଯାତ୍ରାରେ ରାଗ ଚଣା ବିକିଲେ ପଦ୍ମଶ୍ରୀ ହଳଧର ନାଗ ; ଚଣା ଖାଇବାକୁ ଲୋକଙ୍କ ଭିଡ଼ ।

କନକ ବ୍ୟୁରୋ: ପଦ୍ମଶ୍ରୀ ସମ୍ମାନ ଏବଂ ଡକ୍ଟରେକ୍ଟ ସମ୍ମାନ ପାଇବା ପରେ ମଧ୍ୟ ମନରେ ନାହିଁ ଟିକିଏ ଗର୍ବ କି ଅହଙ୍କାର । ଜଣେ ପ୍ରତିଷ୍ଠିତ କବି ଓ ଲେଖକ ହୋଇ ମଧ୍ୟ ଭୁଲି ନାହାନ୍ତି ନିଜ ପାରମ୍ପରିକ ବେଉସା । ପଦ୍ମଶ୍ରୀ ସମ୍ମାନ ମିଳିବା ପୂର୍ବର ଯେଉଁଭଳି ଭାବେ ରଥଯାତ୍ରାରେ ରାଗଚଣା ବିକ୍ରି କରୁଥିଲେ, ଆଜି ମଧ୍ୟ ସମାନ ଢଙ୍ଗରେ ରାଗଚଣା ବିକ୍ରି କରିଛନ୍ତି ଲୋକ କବି ଭାବେ ପରିଚିତ ପହ୍ମଶ୍ରୀ ହଳଧର ନାଗ । ରଥଯାତ୍ରା କିମ୍ବା ବିଭିନ୍ନ ଯାନିଯାତ୍ରା । ପୂର୍ବରୁ ଘୁଗୁନି ବିକ୍ରି କରି ନିଜର ପରିବାର ପୋଷଣ କରୁଥିଲେ । ସେହି ବେଉସାକୁ ଆଜି ମଧ୍ୟ ସେ ଜୀବିତ ରଖିଛନ୍ତି ।

ଗାଁ ଲୋକଙ୍କ ଚାହିଦା ଓ ଇଚ୍ଛାକୁ ସମ୍ମାନ ଦେଇ ରଥଯାତ୍ରାରେ ଘୁଗୁନି ବିକ୍ରି କରିଛନ୍ତି । ନିଜେ ଏକ ସ୍ୱତନ୍ତ୍ର ହାତ ତିଆରି ମସଲା ତିଆରି କରିବା ସହ ରାଗଚଣା ପ୍ରସ୍ତୁତ କରିଥାନ୍ତି । ଯାହାକୁ ଲୋକେ ଖୁବ ପସନ୍ଦ କରିବା ସହ ଖାଇବା ପାଇଁ ଭିଡ଼ ଜମାଇଥାନ୍ତି ।