କୃଷକ ସାଜିଲେ ମୁଖ୍ୟମନ୍ତ୍ରୀ । କାଦୁଅ ଭର୍ତ୍ତି ବିଲରେ ଧାନ ରୋଇଲେ କର୍ଣ୍ଣାଟକ ମୁଖ୍ୟମନ୍ତ୍ରୀ । କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଏଚ.ଡି. କୁମାରସ୍ୱାମୀ ଶନିବାର ଚାଷୀ ମାନଙ୍କ ସହ ମିଶି ବିଲରେ ଧାନ ରୋଇବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଛି । ଯାହାକୁ ନେଇ ପୂରା କର୍ଣ୍ଣାଟକରେ ଏବେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
CM HD Kumaraswamy participates in paddy sowing program at Sitapura village in Pandavapura taluk in Mandya district. pic.twitter.com/86chstxPHV
— TOI Bengaluru (@TOIBengaluru) August 11, 2018
ଶନିବାର ମଣ୍ଡ୍ୟା ଜିଲ୍ଲାର ସୀତାପୁର ଗାଁରେ ହଠାତ ପହଞ୍ଚିଥିଲେ କର୍ଣ୍ଣାଟକ ମୁଖ୍ୟମନ୍ତ୍ରୀ କୁମାରସ୍ୱାମୀ । ପାରମ୍ପରିକ ଧୋତି ପିନ୍ଧି ସିଧାସଳଖ କ୍ଷେତରେ ପହଞ୍ଚିଥିଲେ ମୁଖ୍ୟମନ୍ତ୍ରୀ । କେହି କିଛି ଭାବିବା ପୂର୍ବରୁ କ୍ଷେତରେ ପହଞ୍ଚି କୃଷକ ମାନଙ୍କ ସହ ମିଶି ଧାନ ରୋଇଥିଲେ କୁମାରସ୍ୱାମୀ । ପାଖାପାଖି ଏହି ସମୟ ମଧ୍ୟରେ ୫ ଏକର ଜମିରେ ଧାନ ରୁଆ ଯାଇଥିଲା । ଏହି କଥା ଚାରିଆଡେ ପ୍ରଚାର ହେବା ପରେ ସେଠାରେ ଲୋକମାନଙ୍କର ଭିଡ ଜମିଥିଲା । ଏପରିକି କୁମାରସ୍ୱାମୀ ଧାନ ରୋଇବା ବେଳେ ତାଙ୍କ ସହ ସେଲଫି ନେବାକୁ ମଧ୍ୟ ଭୁଲିନଥିଲେ ସ୍ଥାନୀୟ ବାସିନ୍ଦା । ଏପରିକି ଚାଷୀ ମାନଙ୍କର ସମସ୍ୟାର ସମାଧାନ ଓ ଚାଷୀ ମାନଙ୍କର ଆୟ ଦୁଇଗଣ କରିବାକୁ ତାଙ୍କ ସରକାର ପ୍ରତିଶୃତିବଦ୍ଧ ବୋଲି କହିଛନ୍ତି କୁମାରସ୍ୱାମୀ । ଏପରିକି ପ୍ରତି ମାସରେ ଗୋଟିଏ ଗାଁକୁ ଯାଇ ପୂରା ଦିନ କ୍ଷେତରେ କାମ କରିବାକୁ ଘୋଷଣା କରିଛନ୍ତି କୁମାରସ୍ୱାମୀ ।
କୁମାରସ୍ୱାମୀ ଚାଷୀ ମାନଙ୍କୁ ସମ୍ବୋଧିତ କରିବାକୁ ଯାଇ କହିଛନ୍ତି, ଚାଷୀ ମାନଙ୍କର ସମସ୍ୟା ସେ ବେଶ ଭଲଭାବେ ଜାଣିଛନ୍ତି । ଏପରିକି ସେ ନିଜେ ମଧ୍ୟ ଧାନ ରୋଇବା ସହ ଫସଲ କାଟିଛନ୍ତି । ଏପରିକି ନିଜ ମୁଣ୍ଡରେ ଫସଲ ମଧ୍ୟ ବୋହିଛନ୍ତି । ତେଣୁ ଚାଷୀଙ୍କର କଣ ସମସ୍ୟା ରହିଛି ତାହା ବିଷୟରେ ସେ ବେଶ ଭଲଭାବେ ଅବଗତ ଅଛନ୍ତି । ତେବେ କୁମ୍ବାରସ୍ୱାମୀଙ୍କର ଏଭଳି ପଦକ୍ଷେପକୁ ଡ୍ରାମା ବୋଲି କହିଛି ବିରୋଧୀ ଦଳ ।