ଭଦ୍ରକରେ ଧାନ ବୋଝେଇ ଟ୍ରକକୁ ୫୮ ହଜାର ୪୦ ଟଙ୍କା ଫାଇନ୍ । ଓଭର ଲୋଡିଂ, ଗାଡିର ପରମିଟ, ଓ ଲାଇସେନ୍ସ ନଥିବାରୁ ବଡ଼ ଜରିମାନା କାଟିଲା ଭଦ୍ରକ ପରିବହନ ବିଭାଗ ।
କନକ ବ୍ୟୁରୋ: ଧାନ ଗାଡିକୁ ୫୮ ହଜାର ଟଙ୍କା ଫାଇନ । ଭଦ୍ରକରେ ଧାନ ବୋଝେଇ ଟ୍ରକକୁ ୫୮ ହଜାର ୪୦ ଟଙ୍କା ଫାଇନ ପଡିଛି । ଓଭର ଲୋଡିଂ, ଗାଡିର ପରମିଟ, ଓ ଲାଇସେନ୍ସ ନଥିବାରୁ ଏହି ଫାଇନ କାଟିଛି ଭଦ୍ରକ ପରିବହନ ବିଭାଗ । ସୂଚନା ମୁତାବକ, ତିହିଡ଼ି ଅଞ୍ଚଳରୁ ଏକ ଧାନ ବୋଝେଇ ଟ୍ରକ ଗାଡ଼ିର ଯାଞ୍ଚ ପାଇଁ ଅଟକାଇଥିଲା ଭଦ୍ରକ ପରିବହନ ବିଭାଗ । ଏହାପରେ ଉକ୍ତ ଟ୍ରକର ପରିମିଟ୍ ଠାରୁ ଆରମ୍ଭ କରି ପ୍ରଦୂଷଣ ସାର୍ଟିଫିକେଟ୍ ନଥିବାରୁ ଏତେ ବଡ଼ ଫାଇନ୍ ଆଦାୟ କରିଛି ଭଦ୍ରକ ପରିବହନ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆରାଟିଓ କହିଛନ୍ତି କି, ଏଭଳି ଓଭରଲୋଡ଼ିଂ କରୁଥିବା ଗାଡ଼ି ଗୁଡ଼ିକୁ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରାଯିବ । ସେଗୁଡ଼ିକର ସମସ୍ତ କାଗଜପତ୍ର ତନତନ କରି ଯାଞ୍ଚ କରାଯିବ । ନିୟମ ଉଲ୍ଲଂଘନକାରୀଙ୍କ କ୍ଷେତ୍ରରେ ବଡ଼ ଧରଣର ଜରିମାନା ଆଦାୟ କରାଯିବ । ସବୁଠାରୁ ଚିନ୍ତାର କାରଣ ହେଲା, ଗତକାଲି ଏହି ଧାନ ବୋଝେଇ ଟ୍ରକ୍ ଚାନ୍ଦବାଲି ଅଞ୍ଚଳରୁ ସମ୍ବଲପୁରକୁ ଚାଲାଣ ହେଉଥିବା ସୂଚନା ମିଳିଥିଲା । ସେପେଟ ଭଦ୍ରକ ଆରଟିଓର ଏଭଳି ମାରାଥନ୍ ଯାଞ୍ଚକୁ ନେଇ ଏବେ ଆତଙ୍କିତ ହୋଇପଡ଼ିଛନ୍ତି ଚୋରା ଧାନ ବେପାରୀ ।