ଅନଲାଇନ୍ ଟୋକନ୍ ବ୍ୟବସ୍ଥା ବିରୋଧରେ ତାତିଲେ ଚାଷୀ : ପ୍ରତ୍ୟାହାର ପାଇଁ ସରକାରଙ୍କୁ ଦେଇଥିବା ଡେଡଲାଇନ୍ ସରିବା ପରେ ତେଜିଲା ଅନ୍ନଦାତାଙ୍କ ଆନ୍ଦୋଳନ
କନକ ବ୍ୟୁରୋ: ଅନଲାଇନ୍ ଟୋକନ୍ ବ୍ୟବସ୍ଥା ବିରୋଧରେ ତାତିଛନ୍ତି ଚାଷୀ । ଏହାକୁ ପ୍ରତ୍ୟାହାର କରିବାକୁ ଆଜି ଦିନ ୧୨ଟା ଯାଏଁ ଡେଡଲାଇନ୍ ଦେଇଥିଲେ ଚାଷୀ । ଏବେ ଆନ୍ଦୋଳନକୁ ଓହ୍ଲାଇଛନ୍ତି ଅନ୍ନଦାତା । ସଂବଲପୁର, ବରଗଡ ଓ ବଲାଙ୍ଗୀରରେ ମଣ୍ଡି ଖୋଲିଥିଲେ ମଧ୍ୟ ଚାଷୀ ଧାନ ବିକ୍ରି କରିପାରିନାହାନ୍ତି । ଏହାରି ଭିତରେ ସଂବଲପୁରରେ ଚାଉଳ ମିଲ ଗୁଡିକର ମଧୁଚନ୍ଦ୍ରିକା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୫ ତାରିଖରୁ ମଣ୍ଡି ଖୋଲିଲାଣି, ହେଲେ ବିକ୍ରି ହୋଇନପାରି ମଣ୍ଡିରେ ପଡ଼ିରହିଛି ହଜାର ହଜାର କ୍ୱିଂଟାଲ ଧାନ । ଟୋକନ୍ ବ୍ୟବସ୍ଥାକୁ ବିରୋଧ କରି ଧାନ ବିକ୍ରି କରୁନାହାନ୍ତି ଚାଷୀ । ଚାଷୀଙ୍କ ଅଭିଯୋଗ, ଟୋକନ୍ ବ୍ୟବସ୍ଥାରେ ନିର୍ଦ୍ଦିଷ୍ଟ ପରିମାଣର ଧାନ ବିକ୍ରି ହୋଇପାରିବ । ଏଥର ଭଲ ଅମଳ ହୋଇଛି, ଏହି ବଳକା ଧାନକୁ କିପରି ବିକ୍ରି କରିବେ । ଏହାକୁ ନେଇ ସମ୍ବଲପୁର ଓ ପଦ୍ମପୁରରେ ଚାଷୀ ଅସନ୍ତୋଷ ଦେଖାଦେଇଛି । ସେପଟେ ବରଗଡ଼ରେ ଟୋକନ୍ ମିଳିନଥିବାରୁ ମଣ୍ଡିରେ ଧାନ ପଡି ରହିଥିବା ଦେଖିବାକୁ ମିଳିଛି ।
ଅନ୍ୟପଟେ, ମଣ୍ଡି ଖୋଲିବା ପୂର୍ବରୁ ମିଲରେ କୁଇଂଟାଲ କୁଇଂଟାଲ ଧାନ ଓ ଚାଉଳ ଭର୍ତି । ବଲାଙ୍ଗିରର ଜିଲ୍ଲାରେ ଜିଲ୍ଲାପାଳ ଡିଏଲପିସି ମିଟିଙ୍ଗରେ ନଭେମ୍ବର ୧୫ ଠାରୁ ଧାନ କିଣା ଦିନ ଧାର୍ଯ୍ୟ କରିଥିଲେ । ହେଲେ କିଛି ଅସାଧୁ ମିଲର୍ସ ପ୍ରଶାସନକୁ ହାତ କରି ନିଜ ଖରିଫ ଟାର୍ଗେଟ ୧୫ ତରିଖ ମଧ୍ୟେôର ସରକାରଙ୍କୁ ଦେଲା ପରେ ମଧ୍ୟ ଏବେ ତାଙ୍କ ମିଲ ଗୁଡିକରେ ଗଚ୍ଛିତ ହୋଇ ରହିଛି ବିପୁଳ ପରିମାଣର ଧାନ ଓ ଚାଉଳ । ଜିଲ୍ଲାପାଳଙ୍କୁ ଏନେଇ ଅବଗତ କରାଗଲା ପରେ ମଧ୍ୟ ସେ ଏଥିପ୍ରତି ଧ୍ୟାନ ନଦେଇ ନାହାନ୍ତି ।
ମିଲର୍ସ ମାନେ ମଂଣ୍ଡି ସହାୟତାରେ ଚାଷୀ ମାନଙ୍କ ଠାରୁ ଧାନ କିଣନ୍ତି । ଏହି ଧାନକୁ ପ୍ରୋସେସ କରି ପୁଣି ଚାଉଳ ସରକାରଙ୍କୁ ଦେଇ ଥାନ୍ତି । ସରକାର ଏବର୍ଷ ଧାନ ପ୍ରତି କୁଇଂଟାଲ ପିଛା ୧୮୧୫ ଟଙ୍କା ଧାର୍ଯ୍ୟ କରିଛନ୍ତି । ଚାଷୀ ମାନଙ୍କ ଠାରୁ ମାତ୍ର ୧୨୦୦ ଟଙ୍କା ପ୍ରତି କୁଇଣ୍ଟାଲ ଦେଇ ଆଗତୁରା କିଣି ମିଲରେ ମହଜୁତ ରଖିଥାନ୍ତି ଧାନ । ଏହାକୁ ସରକାରଙ୍କ ଦାମରେ ଦେଖାଇ ପରେ ପରେ ମାଲାମାଲ୍ ହୋଇଥାନ୍ତି । ଏହାରି ଭିତରେ ଚଳିତ ବର୍ଷ ମଣ୍ଡିରେ ଧାନ ବିକି ନପାରି ଚାଷୀ ଅଭାବୀ ବିକ୍ରିର ସମ୍ମୁଖୀନ ହେବ ବୋଲି ଆଶଙ୍କା କଲାଣି ।