ପଦ୍ମପୁର ଉପନିର୍ବାଚନ : ଶକ୍ତି ପ୍ରଦର୍ଶନ ସହ ନାମାଙ୍କନ ଭରିବେ ତିନି ପ୍ରମୁଖ ଦଳର ପ୍ରାର୍ଥୀ
କନକ ବ୍ୟୁରୋ : ଆଜି ପଦ୍ମପୁର ଉପନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରିବାର ଶେଷ ଦିନ । ହେଲେ ପଦ୍ମପୁର ଉପନିର୍ବାଚନ ପାଇଁ କୌଣସି ପ୍ରାର୍ଥୀ ଏପର୍ଯ୍ୟନ୍ତ ନାମାଙ୍କନ ଦାଖଲ କରିନାହାଁନ୍ତି । ତେଣୁ ଆଜି ପ୍ରାର୍ଥୀମାନେ ପ୍ରାର୍ଥୀପତ୍ର ଦାଖଲ କରିବେ । ସୂଚନା ଅନୁସାରେ ପ୍ରାୟ ୧୧ଜଣ ପ୍ରାର୍ଥୀ ପତ୍ର ଦାଖଲ ପାଇଁ ଫର୍ମ ନେଇଛନ୍ତି । କିନ୍ତୁ ଚାଷୀଙ୍କୁ ବୀମା ରାଶି ପ୍ରଦାନ ଓ ପଦ୍ମପୁରକୁ ଜିଲ୍ଲା ଦାବିକୁ ନେଇ ଆନ୍ଦୋଳନ ଚାଲିଥିବାରୁ କେହି ନାମାଙ୍କନ ଦାଖଲ କରିନଥିବା ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ବିଜେଡିରୁ ବର୍ଷା ସିଂ ବରିହା ପ୍ରାର୍ଥୀ ରହିଥିବା ବେଳେ ବିଜେପି ପ୍ରାର୍ଥୀ ଭାବେ ପ୍ରଦୀପ ପୁରୋହିତଙ୍କ ନାଁ ଘୋଷଣା ସରିଛିି । ସେହିପରି କଂଗ୍ରେସରୁ ସତ୍ୟଭୂଷଣ ସାହୁଙ୍କ ନାଁ ପ୍ରାର୍ଥୀ ଭାବେ ଘୋଷଣା ହୋଇସାରିଛି । ହେଲେ ଏମାନଙ୍କ ମଧ୍ୟରୁ କେହି ହେଲେ ନାମାଙ୍କନ ଭରି ନାହାନ୍ତି । ଗତକାଲି ବର୍ଷା ପ୍ରାର୍ଥୀପତ୍ର ଭରିବେ ବୋଲି କୁହାଯାଉଥିଲା, ହେଲେ ସେ ନାମାଙ୍କନ କରିନାହାନ୍ତି । ସେହିପରି ସୋମବାର ବିଜେପି ପ୍ରାର୍ଥୀ ପ୍ରଦୀପ ଦଳ ବଳ ଧରି ବିରାଟ ଶୋଭାଯାତ୍ରାରେ ନାମାଙ୍କନ ଭରିବାକୁ ଯାଇଥିଲେ ବି ଚାଷୀ ଆନ୍ଦୋଳନ ପ୍ରସଙ୍ଗକୁ ନେଇ ଫେରି ଆସିଥିଲେ ।
ଏପରିକି କଂଗ୍ରେସ ପ୍ରାର୍ଥୀ ସତ୍ୟଭୂଷଣ ସାହୁ ଓ ସ୍ୱାଧୀନ ପ୍ରାର୍ଥୀମାନେ ବି ନାମାଙ୍କନ ଦାଖଲ କରିନାହାଁନ୍ତିି । ଅନ୍ୟପଟେ ଆଜି ନାମାଙ୍କନର ଶେଷ ତାରିଖ । ତେଣୁ ଏମାନେ ସମସ୍ତେ ଆଜି ନାମାଙ୍କନ ଭରିବାର ସମ୍ଭାବନା ରହିଛି । ହେଲେ ଜୋରଦାର ପ୍ରଚାର ଜାରି ରହିଛି । ତିନି ଦଳର ପ୍ରାର୍ଥୀ ପ୍ରଚାରରେ ଲାଗି ପଡ଼ିଛନ୍ତି ।