ଏସସିବି ଆଇସିୟୁରେ ଫାଟିଲା ଅକ୍ସିଜେନ ପାଇପ: ଗୁରୁତର ରୋଗୀଙ୍କୁ ଅନ୍ୟତ୍ର ସ୍ଥାନାନ୍ତର; ସ୍ୱାଭାବିକ ସ୍ଥିତି ନ ହେବା ଯାଏଁ ବଡ ମେଡିକାଲରେ ଓପନ ହାର୍ଟ ସର୍ଜରୀ ବନ୍ଦ
କନକ ବ୍ୟୁରୋ: ଏସସିବିରେ ଗତ ମଧ୍ୟରାତ୍ରିରେ ଏକ ଅଭାନୀୟ ଘଟଣା ଘଟିଛି । କାର୍ଡିଓଥୋରାସିସ ବିଭାଗ ଆଇସିୟୁରେ ଅକ୍ସିଜେନ ପାଇପ ଫାଟିଯିବା ଫଳରେ ଜଣେ ନାବାଳିକାର ଅସ୍ତ୍ରୋପଚାରକୁ ବନ୍ଦ ରଖାଯାଇଛି । ଗୁରୁତର ରୋଗୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଛି । ଏହି ଘଟଣା ପରେ ଅକ୍ସିଜେନ ପ୍ଲାଂଟକୁ ବନ୍ଦ କରାଯିବା ସହ ସ୍ଥିତି ସ୍ୱାଭାବିକ ନ ହେବା ଯାଏଁ ଓପନ ହାର୍ଟ ସର୍ଜରୀକୁ ବନ୍ଦ ରଖାଯିବ ବୋଲି ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତିରେ ହଠାତ୍ ଅକ୍ସିଜେନ ପାଇପ ଫାଟିବା ସହ ପ୍ରଚଣ୍ଡ ଶଦ୍ଦ ହେବାରୁ ରୋଗୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ଏହାପରେ ଅକ୍ସିଜେନ ପ୍ଲାଂଟକୁ ବନ୍ଦ କରାଯିବା ସହ ରୋଗୀଙ୍କୁ ଅସ୍ତ୍ର ସ୍ଥାନାନ୍ତର କରାଯାଇଛି । ଗୁରୁତର ରୋଗୀଙ୍କୁ ଅକ୍ସିଜେନ ସିଲିଣ୍ଡର ମାଧ୍ୟମରେ ଅକ୍ସିଜେନ ଦେବା ବ୍ୟବସ୍ଥା କରାଯାଇଥିଲା । ସ୍ଥିତି ସ୍ୱାଭାବିକ ନ ହେବା ଯାଏଁ ଓପନ ହାର୍ଟ ସର୍ଜରୀ ବନ୍ଦ କହିବ ବୋଲି ମେଡିକାଲ କର୍ତପକ୍ଷ କହିଛନ୍ତି । ପାଇପ ଲିକ ହେବା ଅଭିଯୋଗ ଦୀର୍ଘଦିନ ହେଲା ରହିଥିଲା । ଅବହେଳାରୁ ପାଇପ ଫାଟିଲା ବୋଲି ଚର୍ଚ୍ଚା ହେଉଛି ।