ଫୋନ କଲେ ଫ୍ରିରେ ମିଳୁଛି ଅକ୍ସିଜେନ । ହୋମକ୍ୱାରେଣ୍ଟାଇନ ଆକ୍ରାନ୍ତଙ୍କ ଘରେ ଅକ୍ସିଜେନ ପହଞ୍ଚାଉଛି ଶିଖ୍ ଏଡ୍ ।
କନକ ବ୍ୟୁରୋ: ଅକ୍ସିଜେନ ପହଞ୍ଚିବ, ଜୀବନ ବଞ୍ଚିବ । ମୃତ୍ୟୁ ମୁହଁରୁ ବଞ୍ଚିଯିବ ମଣିଷ । ଏମାନେ ଥାଉ ଥାଉ ଅକ୍ସିଜେନ ଅଭାବରେ କେହି ବୁଜିବେନି ଆଖି । ଅମ୍ଳଜାନ ପାଇଁ କେହି ହେବେନି ହଇରାଣ । ଫୋନ କରିବେ, ଅକ୍ସିଜେନ ପାଇବେ । ୧୫ ମିନିଟ୍ ଭିତରେ ଘରେ ପହଞ୍ଚିବ ଅକ୍ସିଜେନ ସିଲିଣ୍ଡର… ଅକ୍ସିଜେନ ଅଭାବରେ ସାରା ଦେଶର ରୋଗୀ ତ୍ରାହି ତ୍ରାହି ଡାକୁଥିବା ବେଳେ ଅସହାୟ ରୋଗୀଙ୍କଶ ମିଳୁନି ଅମ୍ଳଜାନ । ଆଉ ଏତିକି ବେଳେ ଓଡିଶାରେ ରୋଗୀଙ୍କ ପାଇଁ ଦେବଦୂତ ସାଜିଛନ୍ତି ଏ ଯୁବକମାନେ । ହୋମ କ୍ୱାରେଣ୍ଟାଇନରେ ଥିବା ଆକ୍ରାନ୍ତଙ୍କ ପାଇଁ ଏମାନେ ପାଲଟିଛନ୍ତି ଅକ୍ସିଜେନ ମ୍ୟାନ ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଅକ୍ସିଜେନ ଅଭାବରେ ସବୁଦିନ ଶହଶହ ଜୀବନ ଯାଉଥିବା ବେଳେ ଓଡିଶାର ରୋଗୀଙ୍କ ପାଇଁ ବରଦାନ ସାଜିଛି ଶିଖ୍ ଏଡ୍ । ସଂସ୍ଥାର ୪ ଜଣ ଯୁବକ ଘରେ ରହି ଚିକିତ୍ସିତ ହେଉଥିବା କରୋନା ଆକ୍ରାନ୍ତଙ୍କୁ ଅକ୍ସିଜେନ ଯୋଗାଉଛନ୍ତି । ତାହା ବି ପୁଣି ମାଗଣାରେ । ମହାମାରୀ ବେଳେ ହସ୍ପିଟାଲରେ ଗୁରୁତର ରୋଗୀଙ୍କୁ ଅକ୍ସିଜେନ ଦିଆଯାଉଥିବା ବେଳେ ହୋମ କ୍ୱାରେଣ୍ଟାଇନଥିବା ଆକ୍ରାନ୍ତଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ଏମାନେ ।
ତେବେ ଭୁବନେଶ୍ୱର, କଟକର ହୋମ ଆଇସୋଲେସନରେ ଥିବା ସଂକ୍ରମିତ ବ୍ୟକ୍ତିଙ୍କ ପାଖରେ ଅକ୍ସିଜେନ ନେଇ ପହଞ୍ଚାଉଛି ଶିଖ୍ ଆଡ୍ । ଗୋଟିଏ ଫୋନ କଲ ପରେ ଘରେ ପହଞ୍ଚୁଛି ଅକ୍ସିଜେନ । ତେବେ ଆକ୍ରାନ୍ତଙ୍କ ପରିବାରରୁ ଫୋନ ପାଇବା ପରେ ତାଙ୍କ ସବିଶେଷ ତଥ୍ୟ ଯାଞ୍ଚ କରି ୧୫ରୁ ୨୦ ମିନିଟ ଭିତରେ ଘରେ ପହଞ୍ଚାଉଛନ୍ତି ଅକ୍ସିଜେନ ସିଲିଣ୍ଡର ।
ତେବେ ଶିଖ ଆଡର ସତବୀର ସିଂହ ଯେତେବେଳେ କରୋନା ସଂକ୍ରମିତ ହୋଇଥିଲେ ସେତେବେଳେ ସେ ବହୁତ ହଇରାଣ ହୋଇଥିଲେ । ତେଣୁ ୨ୟ ଲହରରେ କେହି ଯେମିତି କଷ୍ଟ ହଇରାଣ ନହୁଅନ୍ତୁ ସେଥିପାଇଁ ଘର ଘର ବୁଲି ଆକ୍ରାନ୍ତଙ୍କୁ ଅକ୍ସିଜେନ ଯୋଗାଉଛନ୍ତି ଯୁବକ । ତେବେ ଆପଣ ଯଦି ହୋମ ଆଇସୋଲେସନରେ ଅଛନ୍ତି ଆଉ ଅକ୍ସିଜେନର ଆବଶ୍ୟକତା କରୁଛନ୍ତି ତାହାଲେ ଆପଣ ବି ଫୋନ କରି ଅକ୍ସିଜେନ ମଗାଇପାରିବେ । ଶିଖ୍ ଆଡର ନମ୍ବର- ୮୦୧୮୦୦୮୦୨୧ରେ କଲ କରି ଅକ୍ସିଜେନ ପାଇଁ ଆବେଦନ କରିପାରିବେ । ଆଉ ୧୫ ମିନିଟ ଭିତରେ ମାଗଣାରେ ଏହି ଦେବଦୂତମାନେ ଆପଣଙ୍କ ଘରେ ପହଞ୍ଚାଇଯିବେ ଜୀବନ ପାଇଁ ସଞ୍ଜୀବନୀ ।