ୟୁପିଏସସି ପରୀକ୍ଷା : ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ଓଭର ଏଜ୍ ପ୍ରାର୍ଥୀଙ୍କୁ ମିଳିବନି ଅତିରିକ୍ତ ସୁଯୋଗ
କନକ ବ୍ୟୁରୋ : ୟୁପିଏସସି ପରୀକ୍ଷାକୁ ନେଇ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି । କୋର୍ଟ କହିଛନ୍ତି କି ଓଭୟ ଏଜ୍ ପ୍ରାର୍ଥୀଙ୍କୁ ଆଉ ଅତିରିକ୍ତ ସୁଯୋଗ ଦିଆଯିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ୨୦୨୦ ଅକ୍ଟୋବରରେ କରୋନା ମହାମାରୀ ବେଳେ ପରୀକ୍ଷା ଦେଇଥିବା ଓଭର ଏଜ୍ ପ୍ରାର୍ଥୀଙ୍କୁ ଆଉ ଅତିରିକ୍ତ ସୁଯୋଗ ଦିଆଯିବ ନାହିଁ ବୋଲି କୋର୍ଟ ସ୍ପଷ୍ଟ କରିଛନ୍ତି । ଏନେଇ ହୋଇଥିବା ଆବେଦନ ଉପରେ ଶୁଣାଣି କରି କୋର୍ଟ ଏଭଳି ରାୟ ଶୁଣାଇଛନ୍ତି । କହିରଖୁ କି ଫେବୃଆରୀ ୫ ତାରିଖରେ କେନ୍ଦ୍ର ସରକାରଙ୍କ ପକ୍ଷରୁ ଓଭର ଏଜ୍ ପ୍ରାର୍ଥୀଙ୍କୁ ଆଉ ଏକ ଅତିରିକ୍ତ ସୁଯୋଗ ପ୍ରଦାନ କରିବାକୁ କେନ୍ଦ୍ର ସରକାର ସହମତି ପ୍ରକାଶ କରିଥିଲେ । ତେବେ ସେତେବେଳେ ବି କେନ୍ଦ୍ରସରକାର ବୟସ ସୀମାକୁ ନେଇ ସର୍ତ୍ତ ରଖିଥିଲେ । ଏନେଇ ଆଶାୟୀ ପ୍ରାର୍ଥୀଙ୍କ ପକ୍ଷରୁ ବୟସ ରିହାତି ପାଇଁ ଫେବୃଆରୀ ୯ ତାରିଖରେ ସୁପ୍ରିମକୋର୍ଟରେ ଏକ ଆବେଦନ କରାଯାଇଥିଲା । ଏହି ଆବଦେନକୁ ଖାରଜ କରିଦେଇଛନ୍ତି ଜଷ୍ଟିସ୍ ଏ.ଏମ୍ ଖାନିୱିଲକରଙ୍କ ନେତୃତ୍ୱରେ ଗଠିତ ଖଣ୍ଡପୀଠ ।
ଜାନୁଆରୀ ୨୫ ତାରିଖରେ କାର୍ମିକ ଓ ପ୍ରଶିକ୍ଷଣ ବିଭାଗ ପକ୍ଷରୁ ଓଭର ଏଜ୍ ପ୍ରାର୍ଥୀଙ୍କୁ ସୁଯୋଗ ପ୍ରଦାନ ପାଇଁ କୋର୍ଟ ପକ୍ଷରୁ ମୌଖିକ ଭାବେ ପରାମର୍ଶ ଦିଆଯାଇଥିଲା ।