ଏମିତି ଖୋଲିଲା ୫ ଶହ କର୍ମଚାରୀଙ୍କ ଭାଗ୍ୟ, କିଛି କ୍ଷଣରେ ହୋଇଗଲେ କୋଟିପତି
କନକ ବ୍ୟୁରୋ : ବିଜନେସ୍ ସଫ୍ଟୱେୟାର ଫାର୍ମ ଫ୍ରେସୱାର୍କସ ଇଙ୍କ୍ ବୁଧବାର ଦିନ ଚେନ୍ନାଇ ୟୁଏସ ଏକ୍ସଚେଞ୍ଜ (ନାସଡେକ) ଏବଂ ସିଲିକନ୍ ଭ୍ୟାଲି ଆଧାରିତ କମ୍ପାନର ନାସଡେକରେ ଏକ ବ୍ୟାଙ୍ଗ ଏଣ୍ଟ୍ରି କରିଛି । ଏହା ଫଳରେ କମ୍ପାନୀର ୫୦୦ କର୍ମଚାରୀ ରାତା ରାତି କୋଟିପତି ହୋଇଯାଇଛନ୍ତି । ସବୁଠାରୁ ବଡକଥା ଯେ କୋଟିପତି ହୋଇଥିବା କର୍ମଚାରୀଙ୍କ ମଧ୍ୟରୁ ୭୦ ଜଣ କର୍ମଚାରୀଙ୍କ ବୟସ ୩୦ ବର୍ଷରୁ କମ୍ ଅଟେ । ନାସଡେକରେ ତାଲିକାଭୂକ୍ତ ହେବାକୁ ଥିବା ଏହା ଭାରତର ପ୍ରଥମ ସଫ୍ଟୱେୟାର ଏଜ୍ ସେବା (ସାସ୍)ୟୁନିକର୍ଣ୍ଣ କମ୍ପାନୀ । ଗିରିଶ ମ୍ୟାଥୁଟର ଏହି କମ୍ପାନୀରେ ୪ ହଜାରରୁ ଅଧିକ କର୍ମଚାରୀ କାମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ କମ୍ପାନୀର ସେୟାର ନାସଡେକ ଇଣ୍ଡେକ୍ସରେ ନିଜର ଇସ୍ୟୁ ପ୍ରାଇସ ୨୧ ପ୍ରତିଶତ ଉପରେ ୩୬ ଡଲାର ମୂଲ୍ୟରେ ଏଣ୍ଟ୍ରି କରିଛି । ଏହା ସହିତ କମ୍ପାନୀର ମାର୍କେଟ କ୍ୟାପ ୧୨ ଆରବ ଡଲାର ଉପରେ ପହଂଚିଛି । ଏବେ କମ୍ପାନୀର ୭୬ ପ୍ରତିଶକ କର୍ମଚାରୀଙ୍କ ନିକଟରେ ଫ୍ରେସୱାକର୍ସଙ୍କର ସେୟାର ରହିଛି । ଫ୍ରେସ ୱାକର୍ସର ସିଇଓ ଗିରିଶ ମାତୃଭୂତମ ତାଲିକା ମାଧ୍ୟମରେ କର୍ମଚାରୀଙ୍କ ପାଇଁ ଟଙ୍କା ରୋଜଗାର ଉପରେ କହିଛନ୍ତି କି ‘ମୁଁ ପ୍ରକୃତରେେ ଖୁସି ଓ ଗର୍ବିତ, ଏହି ଆଇପିଓ ଏପର୍ଯ୍ୟନ୍ତ ମୋତେ ଓ ଫ୍ରସ ୱାର୍କସର ସମସ୍ତ କର୍ମଚାରୀଙ୍କ ପ୍ରତି ମୋର ଦାୟିତ୍ୱ ବହନ କରିବାର ସୁଯୋଗ ଦେଇଛି । ଯେଉଁମାନେ ଦୀର୍ଘ ୧୦ ବର୍ଷ ହେବ ଆମ ଉପରେ ବିଶ୍ୱାସ କରିଛନ୍ତି ଏବଂ ଫ୍ରେସ ୱାର୍କସରେ ଯୋଗାଦାନ କରିଛନ୍ତି ଏବେ ସେମାନଙ୍କ ସୁଯୋଗ ସୃଷ୍ଟି ହୋଇଛି ।’