ଓଟିଭି ସାରୁଅ ଜମି ଦୁର୍ନୀତି ମାମଲା : ସାରୁଅ ମହିଳା ସମିତିର ସଭାପତିଙ୍କ ସମେତ ଅନ୍ୟ କର୍ମକର୍ତ୍ତାଙ୍କ ଇସ୍ତଫା , ମିଥ୍ୟା ପ୍ରତିଶ୍ରୁତି ଦେଇ ଜମି ଅଧିଗ୍ରହଣ କରିଥିବା ଅଭିଯୋଗ; ଦଳିତଙ୍କ ଜମିରେ ହୋଇଥିଲା ମହିଳା ସମିତି ଘର
କନକ ବ୍ୟୁରୋ : ଖୋର୍ଦ୍ଧା ସାରୁଅରେ ଓଟିଭିର ଜମି କେଳେଙ୍କାରୀ ମାମଲାରେ ବଢିଲା ଏମଡି ଜାଗି ମଙ୍ଗତପଣ୍ଡାଙ୍କ ଅଡୁଆ । ବିବାଦୀୟ ସ୍ଥାନରେ ଥିବା ମହିଳା ସମିତିର କର୍ମକର୍ତ୍ତା ସେମାନଙ୍କ ପଦରୁ ଇସ୍ତଫା ଦେଇଛନ୍ତି । ଏମାନଙ୍କ ମଧ୍ୟରେ ଅଛନ୍ତି ମହିଳା ସମିତିର ସଭାପତି, କୋଷାଧ୍ୟକ୍ଷ, ଉପସଭାପତି, ଯଗ୍ମ ସମ୍ପାଦକ ଓ ଅନ୍ୟ ସଭ୍ୟ ।
Kanak News is now on WhatsApp
Join and get latest news updates delivered to you via WhatsApp
ଓଟିଭି ଏମଡିଙ୍କ ପାଖକୁ ପଠାଇଥିବା ପତ୍ରରେ ସେମାନେ ଅଭିଯୋଗ କରିଛନ୍ତି ଯେ, ଦଳିତଙ୍କୁ ମିଥ୍ୟା ପ୍ରତିଶ୍ରୁତି ଦେଇ ଓଟିଭି କର୍ତ୍ତୃପକ୍ଷ ଶାଗମାଛ ଦରରେ ଜମି କିଣିନେଇଛନ୍ତି । ଦଳିତଙ୍କୁ ଦେଇଥିବା ପ୍ରତିଶ୍ରୃତି ରକ୍ଷା କରାଯାଇନାହିଁ । ଏହାର ପ୍ରତିବାଦରେ ସେମାନେ ଇସ୍ତଫା ଦେଇଥିବା ଇସ୍ତଫା ପତ୍ରରେ ଦର୍ଶାଇଛନ୍ତି । ସାରୁଆରେ ଓଟଭି କର୍ତ୍ତୃପକ୍ଷଙ୍କ ଜମି ହଡପ କରିଥିବା ଅଭିଯୋଗ ହୋଇଥିଲା ।
ଫଳରେ ସ୍ଥାନୀୟ ଲୋକେ ନିଜ ଚାଷଜମି ଓ ପୋଖରୀକୁ ଯିବା ଆସିବାରେ ସମସ୍ୟା ସୃଷ୍ଟି ହେଉଥିବା ପ୍ରଶାସନ ନିକଟରେ ଅଭିଯୋଗ କରିଥିଲେ । ଏହାପରେ ପ୍ରଶାସନ ମାପଚୁପ କରି ବିବାଦୀୟ ପାଚେରୀକୁ ଭାଙ୍ଗିଥିଲା । ବିବାଦୀୟ ଜମିରେ ସାରୁଅ ମହିଳା ସମିତି ନାଁରେ ଏକ ଘର ନିର୍ମାଣ କରାଯାଇଥିଲା । ମହିଳା ସମିତି ଘର ଚାରିପାଖରେ ବିରାଟ ପାଚେରି ନିର୍ମାଣ କରାଯାଇଥିଲା ।