କେମିତି ହେବ ମାଟ୍ରିକ ଖାତାଦେଖା? ପରୀକ୍ଷା କେନ୍ଦ୍ରରେ ସଂକ୍ରମଣର ଭୟ ଥିବାରୁ ଖାତା ଦେଖିବାକୁ ଅମଙ୍ଗ ଶିକ୍ଷକ: ହୋମ ବେସ ମୂଲ୍ୟାୟନ ବ୍ୟବସ୍ଥା ଆରମ୍ଭ କରିବାକୁ ଦାବି
ସୂଚନା ଦେଲେ ଓସ୍ଟା ସାଧାରଣ ସଂପାଦକ
କନକ ବ୍ୟୁରୋ: ମାଟ୍ରିକ ଖାତା ଦେଖିବାକୁ ଅମଙ୍ଗ । ପରୀକ୍ଷା କେନ୍ଦ୍ରରେ ବସି ଖାତା ଦେଖିବାକୁ ଅମଙ୍ଗ ହେଉଛନ୍ତି ଶିକ୍ଷକ ଶିକ୍ଷୟିତ୍ରୀ । ପରୀକ୍ଷା କେନ୍ଦ୍ରରେ ବସି ଖାତା ଦେଖିଲେ କରୋନା ଭୂତାଣୁ ସଂକ୍ରମଣ ଭୟ ଥିବା ବୋର୍ଡକୁ ଜଣାଇଛନ୍ତି ମୂଲ୍ୟାୟନକାରୀ । ସିବିଏସଇ ଭଳି ବୋର୍ଡ ପକ୍ଷରୁ ମଧ୍ୟ ହୋମବେସ୍ ମୂଲ୍ୟାୟନ ବ୍ୟବସ୍ଥା କରାଯାଉ ବୋଲି ଓସ୍ଟା ଦାବି କରିଛି । ବୋର୍ଡ ଏ କଥା ନ ବୁଝିଲେ ଶିକ୍ଷକମାନେ ଖାତାଦେଖାରେ ସହଯୋଗ କରିବେ ନାହିଁ ବୋଲି ଓସ୍ଟାର ସାଧାରଣ ସଂପାଦକ ପ୍ରକାଶ ଚନ୍ଦ୍ର ମହାନ୍ତି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କରୋନା କଟକଣା ଭିତରେ ଆସନ୍ତା ୨୦ ତାରିଖରୁ ମାଟ୍ରିକ ଖାତା ଦେଖା ଆରମ୍ଭ ହେବ ବୋଲି ବୋର୍ଡ ପକ୍ଷରୁ କୁହାଯାଇଥିଲା । ୨୦ ଦିନ ଭିତରେ ଖାତା ଦେଖା ସାରିବା ପାଇଁ ଆବଶ୍ୟକ ଠାରୁ ଅଧିକ ଶିକ୍ଷକଙ୍କୁ ନିଯୁକ୍ତି ଦିଆଯିବ । ଏବଂ ମୂଲ୍ୟାୟନ କେନ୍ଦ୍ରରେ ସାମାଜିକ ଦୂରତାକୁ ବଜାୟ ରଖାଯିବ, ସମସ୍ତ ମୂଲ୍ୟାୟନକାରୀ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଥିଲା । ହେଲେ ମୂଲ୍ୟାୟନ କେନ୍ଦ୍ରରେ ବସି ଖାତା ଦେଖିଲେ ସଂକ୍ରମଣ ଭୟ ଥିବାରୁ ଖାତା ଦେଖା ପାଇଁ ଅମଙ୍ଗ ହେଉଛନ୍ତି ଶିକ୍ଷକ ।