ଏନସିଆରବି ରିପୋର୍ଟକୁ ନେଇ ସରକାରଙ୍କ ଉପରେ ବର୍ଷିଲା କଂଗ୍ରେସ । ନରସିଂହ କହିଲେ, ଅସଦାଚରଣରେ ୨ୟ ନମ୍ବର ସ୍ଥାନରେ ଓଡ଼ିଶା, ତଥାପି ଶୋଇଛନ୍ତି ସରକାର ।
କନକ ବ୍ୟୁରୋ : ବିଧାନସଭା ମୌସୁମୀ ଅଧିବେଶନର ତୃତୀୟ ଦିନ ଆରମ୍ଭ । ଗୃହକାର୍ଯ୍ୟ ଆରମ୍ଭ ପୂର୍ବରୁ କରୋନା ମହାମାରୀ ବେଳେ ଗରିବଙ୍କୁ ବିଜୁଳି ମାଡ, ସରକାରଙ୍କ ଅମାନବୀୟ ନୀତିର ନମୁନା ପ୍ରସଙ୍ଗରେ ମୁଲତବୀ ପ୍ରସ୍ତାବ ଆଣିଛନ୍ତି ବିରୋଧୀ । ତେବେ ଗୃହ ଆରମ୍ଭ ହେବା ସହ ଓଡ଼ିଶାରେ ସବୁ ମନ୍ଦିର ଖୋଲିବାକୁ ଗୃହରେ ଦାବି କରିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ଅନ୍ୟ ରାଜ୍ୟରେ ମନ୍ଦିର ଖୋଲା ଯାଉଥିବା ବେଳେ ଓଡ଼ିଶାରେ କାହିଁକି ଖୋଲିବ ନାହିଁ ବୋଲି ପ୍ରଶ୍ନ କରିଛନ୍ତି ସୁରେଶ ରାଉତରାୟ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଗୃହ ଆରମ୍ଭରୁ ଏନସିଆରବି ରିପୋର୍ଟକୁ ନେଇ ସରକାରଙ୍କ ଉପରେ ବର୍ଷିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ଅସଦାଚରଣରେ ଓଡ଼ିଶା ୨ୟ ନମ୍ବର ସ୍ଥାନରେ ଥିବା ବେଳେ ସାଇବର ଅପରାଧରେ ରାଜ୍ୟ ଏକ ନମ୍ବରରେ ରହିଛି । ଏନେଇ ଗୃହରେ ପ୍ରଶ୍ନ କଲେ ବି ଉତ୍ତର ମିଳୁନି, ସରକାର ଏବେ ବି ନିଦରେ ଶୋଇଛନ୍ତି । ଏହା ରାଜ୍ୟ ପାଇଁ ଲଜ୍ଜା
ଏନସିଆରବି ରିପୋର୍ଟକୁ ନେଇ ଗୃହରେ ଉଦବେଗ ପ୍ରକାଶ କଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । କହିଲେ, ଅସଦାଚରଣରେ ଓଡ଼ିଶା ୨ୟ,ସାଇବର ଅପରାଧରେ ପ୍ରଥମ । ଗୃହରେ ପ୍ରଶ୍ନ କଲେ ବି ଉତ୍ତର ମିଳୁନି, ସରକାର ନିଦରେ ଶୋଇଛନ୍ତି । ଏହା ରାଜ୍ୟ ପାଇଁ ଲଜ୍ଜା ବୋଲି କହିଛନ୍ତି ନରସିଂହ । ଏହାବାଦ୍ କୋଭିଡ ସେଣ୍ଟରରେ ମହିଳାଙ୍କୁ ଅସଦାଚରଣ ପ୍ରସଙ୍ଗ ଗୃହରେ ପୁଣିଥରେ ଉଠାଇ ଉତ୍ତର ଲୋଡିଛନ୍ତି ନରସିଂହ । ପୋଲିସ ଡିଜିଙ୍କୁ ଅଭିଯୋଗ କଲେ କୌଣସି ସୁଫଳ ମିଳୁନଥିବା କହିଛନ୍ତି ନରସିଂହ । ତେବେ କଂଗ୍ରେସ ବିଧାୟକ ଦଳ ନେତାଙ୍କ ଅଭିଯୋଗ ପରେ ଘଟଣାର ଅନୁଧ୍ୟାନ ପାଇଁ ସ୍ୱାସ୍ଥ୍ୟମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି ବାଚସ୍ପତି ।
କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କୃଷି ବିଲକୁ ନେଇ ବିଜେଡିର ଆଭିମୁଖ୍ୟ କଣ ସେନେଇ ପ୍ରଶ୍ନ ଉଠାଇଛନ୍ତି । କୃଷି ବିଲ୍ ପ୍ରସଙ୍ଗରେ ବିଜେଡିର ଆଭିମୁଖ୍ୟ ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ ବୋଲି ଗୃହରେ ଦାବି କରିଛନ୍ତି ସାଲୁଜା। ଲୋକସଭାରେ ସମର୍ଥନ କରୁଛନ୍ତି କିନ୍ତୁ ରାଜ୍ୟସଭାରେ ବିରୋଧ କରୁଛନ୍ତି। ତେଣୁ କୃଷି ବିଲକୁ ନେଇ ଆଭିମୁଖ୍ୟ ସ୍ପଷ୍ଟ କରିବାକୁ ଦାବି କଲେ ସାଲୁଜା। ତେବେ ଏନେଇ ବିଜେଡି ବିଧାୟକ ଅମର ଶତପଥୀ କହିଛନ୍ତି, କୃଷି ବିଲକୁ ଲୋକସଭାରେ ସମର୍ଥନ, ରାଜ୍ୟସଭାରେ ବିରୋଧ କଥା ଭୁଲ। ବିଜେଡି ସାଂସଦ ଲୋକସଭାରେ ସ୍ପଷ୍ଟ ଭାବେ କହିଛନ୍ତି ବିଲକୁ ଷ୍ଟାଣ୍ଡିଂ କମିଟିକୁ ପଠାଯାଉ। ରାଜ୍ୟସଭାରେ ସାଂସଦ ମଧ୍ୟ ଷ୍ଟାଣ୍ଡ ରଖିଛନ୍ତି।