ପ୍ରବାସୀ ଓଡିଆଙ୍କୁ ଫେରାଇ ଆଣିବାକୁ ସରକାରଙ୍କ ଉଦ୍ୟମ । ‘ଅପରେସନ୍ ଶୁଭଯାତ୍ରା’ରେ ଓଡ଼ିଶା ଆସୁଛନ୍ତି ପ୍ରବାସୀ ଓଡ଼ିଆ ଶ୍ରମିକ । ରାତିପାହିଲେ ସ୍ୱତନ୍ତ୍ର ଟ୍ରେନରେ ଆସି ଓଡ଼ିଶା ମାଟିରେ ପାଦ ଦେବେ ।
କନକ ବ୍ୟୁରୋ: ପ୍ରବାସୀ ଓଡ଼ିଆଙ୍କୁ ଫେରାଇ ଆଣିବା ପାଇଁ ସରକାର ନେଉଛନ୍ତି ବଳିଷ୍ଠ ପଦକ୍ଷେପ । ତେଣୁ ‘ଅପରେସନ ଶୁଭଯାତ୍ରା’ ଆରମ୍ଭ କରାଯାଇଛି, ଓଡ଼ିଆଙ୍କୁ ସସମ୍ମାନେ ଓ ସୁରକ୍ଷିତ ଫେରାଇ ଆଣିବା ଏହାର ଲକ୍ଷ୍ୟ ରଖାଯାଇଛି । ଗତକାଲି ରାତିରେ କେରଳରୁ ଓଡିଶା ଭୁବନେଶ୍ୱର ଅଭିମୁଖେ ବାହାରିଛି ସ୍ୱତନ୍ତ୍ର ଶ୍ରମିକ ଟ୍ରେନ୍ । ଯେଉଁଥିରେ ୧୧୫୦ ଶ୍ରମିକଙ୍କ ଓଡ଼ିଶା ଫେରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା କି, ଏହି ଟ୍ରେନରେ ଆସୁଥିବା ପ୍ରାୟ ୧୨ଶହ ଶ୍ରମିକଙ୍କୁ ଭୁବନେଶ୍ୱରରେ ପହଁଚିବା ପରେ ସଂଗରୋଧ କେନ୍ଦ୍ରକୁ ନେବା କଷ୍ଟକର ହେବ । ତେଣୁ ଜଗନ୍ନାଥପୁରରେ ଟ୍ରେନ ଅଟକାଇ, ବ୍ରହ୍ମପୁର ଓ ଏହା ଆଖପାଖ ଅଂଚଳର ଶ୍ରମିକମାନଙ୍କୁ ସେହିଠାରେ ଥିବା କ୍ୱାରେନ୍ଟିନ୍ ସେଂଟରକୁ ନେବା ପାଇଁ ସରକାର ଯୋଜନା କରୁଛନ୍ତି ।
ରାଜ୍ୟ ବାହାରୁ ଫେରୁଥିବା ଓଡିଆଙ୍କ ନେଇ ସୂଚନା ଦେଇଛନ୍ତି ରାଜ୍ୟ ସରକାର । କେରଳରୁ ଟ୍ରେନ ଯୋଗେ ଫେରୁଥିବା ଓଡିଆଙ୍କ ନେଇ ତଥ୍ୟ ଦେଇ ସରକାରଙ୍କ ପକ୍ଷରୁ କୁହାଯାଇଛି ଏମାନଙ୍କର ସେଠାରେ ଡାକ୍ତରୀ ଯାଂଚ କରାଯାଇଛି । ସମସ୍ତେ ପଞ୍ଜିକରଣ କରିଥିଲେ । ଏବଂ ମେଡିକାଲ ସାର୍ଟିଫିକେଟ ପାଇବା ପରେ ସେମାନେ ଓଡିଶା ଫେରୁଛନ୍ତି । ଗତକାଲି ରାତିରେ କେରଳରୁ ଓଡିଶା ଭୁବନେଶ୍ୱର ଅଭିମୁଖେ ବାହାରିଛି ସ୍ୱତନ୍ତ୍ର ଶ୍ରମିକ ଟ୍ରେନ୍ ।