ଜାରି ରହିଛି ଅପରେସନ୍ ରାହୁଲ: ଶହେ ଘଣ୍ଟା ପରେ ବି ଚେଷ୍ଟା ଜାରି ରଖିଛନ୍ତି ଉଦ୍ଧାରକାରୀ ଦଳ
କନକ ବ୍ୟୁରୋ: ଶହେ ଘଂଟାର ଅପରେସନ୍ ପରେ ବି ଜାରି ରହିଛି ୧୦ ବର୍ଷର ଭିନ୍ନକ୍ଷମ ବାଳକ ରାହୁଲଙ୍କ ଉଦ୍ଧାର କାର୍ଯ୍ୟ । ଦିନ ରାତି ଏକ କରି ଉଦ୍ଧାରକାରୀ ଟିମ୍ ଉଦ୍ଧାର କାର୍ଯ୍ୟରେ ଲାଗିଛନ୍ତି । ଉଦ୍ଧାର ହେବା କ୍ଷଣି ରାହୁଲ ଗ୍ରୀନ୍ କରିଡର କରି ଆମ୍ବୁଲାନ୍ସରେ ହସ୍ପିଟାଲ ନେବା ପାଇଁ ସବୁ ବ୍ୟବସ୍ଥା କରାଯାଇଛି । ଛତିଶଗଡ଼ ପୋଲିସ ସହ ଭାରତୀୟ ସେନା, ଏନଡିଆରଏଫ ଓ ଛତିଶଗଡ ପୁଲିସର ସ୍ୱତନ୍ତ୍ର ଟିମ୍ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି । ସୁଡଙ୍ଗ ବାଟେ ରାହୁଲଙ୍କୁ ବାହାର କରିବାକୁ ବ୍ୟବସ୍ଥା କରାଯାଇଛି । ରାହୁଲକୁ ସୁରକ୍ଷିତ ଉଦ୍ଧାର ପାଇଁ ସେ ଫସିଥିବା ସ୍ଥାନଠାରୁ ଅଳ୍ପ କିଛି ଦୂରରେ ସୁଡଂଗ କରି ତା ନିକଟରେ ପହଁଚିବା ପାଇଁ ଉଦ୍ୟମ ଜାରତ ରହିଛି ।
Kanak News is now on WhatsApp
Join and get latest news updates delivered to you via WhatsApp
ମାଟିକୁ କାଟି କାଟି ଉଦ୍ଧାର କାରୀ ଟିମ୍ ଆଗକୁ ବଢ଼ୁଥିବାବେଳେ. ଉଦ୍ଧାର କାର୍ଯ୍ୟରେ ବାଧକ ସାଜିଛି ବିରାଟ ପଥର ଚଟାଣ । ସ୍ୱତନ୍ତ୍ର ମେସିନ ସହାୟତାରେ ପଥର କଟା ଯାଉଥିଲେ ବି ପଥର ଅତି ଶକ୍ତ ଥିବାରୁ କାଟିବା କଷ୍ଟକର ହେଉଛି । ପଥର କାଟିବାବେଳେ ଯେମିତି ରାହୁଲର କୌଣସି କ୍ଷତି ନହୁଏ ଉଦ୍ଧାରକାରୀ ଟିମ୍ ପାଇଁ ବଡ ଚ୍ୟାଲେଞ୍ଜ ରହିଛି । ସୁଡଙ୍ଗ ଭିତରୁ ମାଟି ଓ ପଥର ଖଣ୍ଡ ଗୁଡିକୁ ଅତି ସତର୍କତାର ସହିତ ବାହାରକୁ କଢାଯାଉଛି । ଆଜି ସକାଳେ ଟିକେ ନିସ୍ତେଜ ହୋଇପଡିଥିବା ରାହୁଲ ଅପରାହ୍ଣରେ ପୁଣି ଥରେ ଇସାରା ଦେଇଥିଲା । ଖାଇବା ପାଇଁ ସଂକେତ ଦେବା ପରେ ତା ନିକଟରେ ଖାଦ୍ୟ ପହଁଚାଇଯାଇଥିଲା । ସ୍ୱତନ୍ତ୍ର ଜ୍ଞାନ କୌଶଳ ରୋବେଟିକ୍ ଇନକ୍ୟୁବେଟର ସହାୟତାରେ ତାର ଗତିବିଧି ଉପରେ ନଜର ରଖାଯାଇଥିଲା । କହିରଖୁଛୁ ଶୁକ୍ରବାର ଅପରାହ୍ନରେ ଖେଳୁଥିବା ବେଳେ ୧୧ ବର୍ଷର୍ିୟ ବୟସ୍କ ରାହୁଲ ବୋରୱେଲ ଗାତରେ ଖସି ପଡିଥିଲେ ।