କନକ ବ୍ୟୁରୋ: ଅକ୍ଟୋବର ୧ ତାରିଖରୁ କେବଳ ଅନଲାଇନରେ ସଂଯୁକ୍ତ ଥିବା ପଲ୍ୟୁସନ ସାର୍ଟିଫିକେଟ ହିଁ ବୈଧ ପ୍ରମାଣିତ ହେବ । ଯେଉଁ ପ୍ରଦୂଷଣ ମାପୁଥିବା କେନ୍ଦ୍ର ଅନଲାଇନରେ ବାହନ ସଫ୍ଟୱେୟାର ସହିତ ଲିଙ୍କ କରିବେ ନାହିଁଁ ସେମାନଙ୍କ ସାର୍ଟିଫିକେଟ ଅବୈଧ ଘୋଷଣା କରାଯିବ । ବର୍ତମାନ ରାଜ୍ୟରେ ୧୬୩ଟି ପ୍ରଦୂଷଣ ମାପ କେନ୍ଦ୍ର ଥିବା ବେଳେ ସେଥିରୁ ୫୭ଟି କେନ୍ଦ୍ରର ଅନଲାଇନର ବାହାନ ସଫ୍ଟ ୱେୟାର ସହିତ ଲିଙ୍କ ନଥିବା ପରିବହନ କମିସନର କହିଛନ୍ତି । ଯେଉଁ କେନ୍ଦ୍ର ଗୁଡିକ ଅନଲାଇନ ପଲ୍ୟୁସନ ଅଣ୍ଡର ଚେକ ସାର୍ଟିଫିକେଟ ଦେଇପାରିବେ ନାହିଁ,ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ।
Kanak News is now on WhatsApp
Join and get latest news updates delivered to you via WhatsApp
Vehicle owners will continue to get relaxation upto 1st December as announced by Hon’bl CM. Pollution Testing Centres can not issue manual certificates from 1st October. Citizens will have the option to show the online certificate in mParivan APP in place of physical document. https://t.co/ETTU65J9QM
— STA Odisha (@STAOdisha) September 23, 2019
ରାଜ୍ୟ ପରିବହନ କର୍ତ୍ତୃପକ୍ଷଙ୍କ ଟ୍ୱିଟ୍ ଏପରି ଦ୍ୱନ୍ଦ୍ୱ ତିଆରି କରିଥିଲା ଯେ ସକାଳୁ ସକାଳୁ ପ୍ରଦୂଷଣ ମୁକ୍ତ ପ୍ରମାଣ ପତ୍ର ପାଇବା ପାଇଁ ଆରଟିଓ କାର୍ଯ୍ୟାଳୟ ଓ ବିଭିନ୍ନ କେନ୍ଦ୍ରରେ ଦେଖିବାକୁ ମିଳିଥିଲା ଲମ୍ବା ଲାଇନ୍ । ଯେଉଁମାନେ ପୂର୍ବରୁ ପଲ୍ୟୁସନ୍ ସାର୍ଟିଫିକେଟ୍ କରିଥିଲେ, ସେମାନେ ମଧ୍ୟ ପୁଣି ଥରେ ଅନ୍ଲାଇନ୍ ସଂଯୁକ୍ତ ସାର୍ଟିଫିକେଟ୍ ପାଇଁ ଲାଇନ୍ ଲଗାଇଥିଲେ । ଅକ୍ଟୋବର ୧ତାରିଖରୁ ଅନଲାଇନ ପ୍ରମାଣପତ୍ର ବାଧ୍ୟତାମୂଳକ ହେବ । ତେବେ ଏ ନେଇ ସ୍ପଷ୍ଟୀକରଣ ରଖିଛନ୍ତି ରାଜ୍ୟ ପରିବହନ କର୍ତ୍ତୃପକ୍ଷ ।
ନଜର ପକାନ୍ତୁ ପରିବହନ ବିଭାଗର ସ୍ପଷ୍ଟୀକରଣ ଉପରେ
• ଅକ୍ଟୋବର ୧ରୁ ଅନଲାଇନ୍ ପ୍ରଦୂଷଣ ପ୍ରମାଣପତ୍ର ବାଧ୍ୟତାମୂଳକ
• ବାହାନ ୱେବସାଇଟ୍ ସହ ସଂଯୋଗ ହେବ ପ୍ରମାଣପତ୍ର
• ଅନଲାଇନରେ ଯୋଡି ହୋଇନଥିବା କେନ୍ଦ୍ରର ପ୍ରମାଣପତ୍ର ଅବୈଧ
• ସେପ୍ଟେମ୍ବର ୩୦ ମଧ୍ୟରେ ହୋଇଥିବା ମାନୁଆଲ ପ୍ରମାଣପତ୍ରରେ ସମସ୍ୟା ନାହିଁ
• ଡିସେମ୍ବର ୧ ତାରିଖରୁ କାଗଜପତ୍ର ଯାଂଚ କଡ଼ାକଡ଼ି
ତେବେ କାଗଜପତ୍ର ଯାଂଚ ନେଇ ସରକାର ତିନି ମାସ କୋହଳ କରିଥିବା ବେଳେ ପଲ୍ୟୁସନ୍ ସାର୍ଟିଫିକେଟ୍ ଯାଂଚ ହେବ କି ନାହିଁ ନେଇ ଲୋକଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି ହୋଇଥିଲା । ପରିବହନ ବିଭାଗ ସ୍ପଷ୍ଟ କରିଛନ୍ତି ଯେ ରାଜ୍ୟ ସରକାରଙ୍କ ୩ ମାସ କୋହଳ କରିଥିବାରୁ ଡିସେମ୍ବର ୧ ତାରିଖରୁ କାଗଜପତ୍ର ଯାଂଚ କଡ଼ାକଡ଼ି କରାଯିବ । ସେପଟେ ଆରଟିଓ ଅଫିସରେ ଭିଡକୁ ଦୃଷ୍ଟିରେ ରଖି ବ୍ଲକ ସ୍ତରରେ ଡ୍ରାଇଭିଂ ଲାଇସେନ୍ସ ପାଇଁ କ୍ୟାମ୍ପ ଖୋଲିବାକୁ ରାଜ୍ୟ ସରକାର ନିଷ୍ପତି ନେଇଛନ୍ତି ।