ମୋବାଇଲରେ କରିବେ ମା’ଙ୍କ ଦର୍ଶନ, ଘରକୁ ପ୍ରସାଦ ମଗାଇପାରିବେ ଭକ୍ତ । ଦେବୀ ମାଆଙ୍କ ଦର୍ଶନ ପାଇଁ ପୁରୁଣା ଷ୍ଟେସନ ବଜାରର ନିଆରା ପଦକ୍ଷେପ ।
କନକ ବ୍ୟୁରୋ : ରାଜଧାନୀରେ ଏଥର କରୋନା କଟକଣା ମଧ୍ୟରେ ହେବ ଦଶହରା । ପୂଜା ମଣ୍ଡପ ଗୁଡିକ କରୋନାର ସମସ୍ତ ନିୟମ ପାଳନ କରି ପୂଜା ଆୟୋଜନ ପାଇଁ ପ୍ରସ୍ତୁତି କରୁଛନ୍ତି । ଏହି କ୍ରମରେ ଭୁବନେଶ୍ୱରର ପୁରୁଣା ଷ୍ଟେସନ ବଜାର ପୂଜା ମଣ୍ଡପ ଏଥର କରୋନାକୁ ନଜରରେ ରଖି ଅନଲାଇନ୍ ଦେବୀ ଦର୍ଶନ ବ୍ୟବସ୍ଥା କରିଛି । କେବଳ ସେତିକି ନୁହଁ, ଭକ୍ତ ଚାହିଁଲେ ଘରକୁ ପ୍ରସାଦ ମଧ୍ୟ ମଗାଇ ପାରିବେ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଉଛି ଭକ୍ତଙ୍କ ପାଇଁ ଏହି ପ୍ରସାଦ ମାଗଣାରେ ହୋମ ଡେଲିଭରି କରାଯିବା ବ୍ୟବସ୍ଥା ହୋଇଛି । କରୋନା କଟକଣାକୁ ନଜରରେ ରଖି ଏଥର ଷଷ୍ଠୀରୁ ବେଲବରଣୀରୁ ଆରମ୍ଭ ହେଉଛି ପୂଜା । ଏହା ପରେ ସପ୍ତମୀ, ଅଷ୍ଟମୀ, ନବମୀ ଏବଂ ବିଜୟୀ ଦଶମୀ ନୀତି ସବୁ ପାଳନ କରାଯିବ । ତେବେ ପୂଜା କମିଟି ପକ୍ଷରୁ ୫ ଦିନ ଧରି ପୂଜାର ଫେସବୁକ୍ ଓ ୟୁଟ୍ୟୁବ ପେଜ ଜରିଆରେ ସିଧା ସଳଖ ମାଆଙ୍କ ଦର୍ଶନ କରିପାରିବେ ଶ୍ରଦ୍ଧାଳୁ ।ଅନଲାଇନ ମାଧ୍ୟମରେ ରେଜିଷ୍ଟ୍ରେସନ କରି ଭକ୍ତ ମାନେ ପୂଜା କରିପାରିବେ । ଏନେଇ ସମସ୍ତ ପ୍ରସ୍ତୁତି କରିଛି ପୁରୁଣା ଷ୍ଟେସନ ବଜାର ପୂଜା କମିଟି । ଏହାସହ ଗାଇଡଲାଇନ ଅନୁଯାୟୀ, ୪ ଫୁଟର ମାଆଙ୍କ ମୂର୍ତ୍ତି କରାଯାଇଛି ।