କନ୍ଦାଉଛି ପିଆଜ: ଦେଶର ବିଭିନ୍ନ ସ୍ଥାନରେ ଆକାଶ ଛୁଆଁ ପିଆଜ ଦର; ଦିଲ୍ଲୀ, ଗୁରୁଗାଁ, ମୁମ୍ବାଇରେ ପିଆଜ କିଲୋ ୮୦ ଟଙ୍କା ଉପରେ
କନକ ବ୍ୟୁରୋ: ଦେଶରେ ପିଆଜ ଦର ଆକାଶ ଛୁଆଁ । ବିଭିନ୍ନ ରାଜ୍ୟରେ ପିଆଜ ଦର ଆକାଶ ଛୁଆଁ ହେଲାଣି । ୮୦ଟଙ୍କା ଛୁଇଁଲାଣି କେଜି ପିଛା ପିଆଜ । ବାଣିଜ୍ୟନଗରୀ ମୁମ୍ବାଇରେ ପିଆଜ କିଲୋଗ୍ରାମ ପିଛା ୭୫ରୁ ୮୦ ଟଙ୍କାରେ ବିକ୍ରି ହେଉଛି । ଦିଲ୍ଲୀରେ ବି ଗତ କିଛି ଦିନ ତଳେ କେଜି ପିଛା ପିଆଜ ୩୦ରୁ ୪୦ ଟଙ୍କାରେ ବିକ୍ରି ହେଉଥିବାବେଳେ ଏବେ ୮୦ ପାଖାପାଖି ପହଁଚିଲାଣି । ଏଭଳି ଭାବେ ହଠାତ ପିଆଜର ଦର ବୃଦ୍ଧି ସିଧାସଳଖ ଲୋକଙ୍କ ପକେଟକୁ ମାଡ଼ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀରେ ପିଆଜ ୮୦ ଟଙ୍କା ରହିଥିବାବେଳେ ଗୁରୁଗ୍ରାମରେ ୮୦ ଟଙ୍କା, ପାଟଣାରେ ୭୦ ଟଙ୍କା କୋଲକାତାରେ ୭୦ରୁ ୭୫ ଟଙ୍କା ରହିଛି । ସେହିପରି ଚେନ୍ନାଇରେ ୬୦ ଟଙ୍କା ଉପରେ କେଜି ପିଛା ପିଆଜ ଦର ରହିଛି । ଚଳିତ ବର୍ଷ ବ୍ୟାପକ ବର୍ଷା ଓ ବନ୍ୟା ପରିସ୍ଥିତି ଯୋଗୁଁ ପିଆଜ ଚାଷ ନଷ୍ଟ ହୋଇଥିବା କୁହାଯାଉଛି । ଏପରିକି ବନ୍ୟା ପରିସ୍ଥିତି ଯୋଗୁଁ ପିଆଜ ଗାଡି ମଧ୍ୟ ଆସୁପାରୁନାହିଁ । ଯାହାଫଳରେ ଦର ବୃଦ୍ଧି ପାଇବାରେ ଲାଗିଛି ।