ବର୍ଦ୍ଧିତ ପିଆଜ ଦରକୁ ନେଇ ରିପୋର୍ଟ ପରେ ଆକ୍ସନ ମୁଡରେ ସରକାର: ପ୍ରତିକ୍ରିୟା ରଖି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ କହିଲେ ନାସିକର ବନ୍ୟା ପାଇଁ ବଢ଼ୁଛି ଦର, ନିୟନ୍ତ୍ରଣ ପାଇଁ ସରକାର ନେଉଛନ୍ତି ପଦକ୍ଷେପ
କନକ ବ୍ୟୁରୋ: ବର୍ଦ୍ଧିତ ପିଆଜ ଦରକୁ ନେଇ କନକ ନ୍ୟୁଜରେ ରିପୋର୍ଟ ପରେ ଆକ୍ସନ ମୁଡରେ ସରକାର । ଟୁଇଟ୍ କରି ପ୍ରତିକ୍ରିୟା ରଖିଲେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ । କହିଲେ ନାସିକର ବନ୍ୟା ପାଇଁ ବଢ଼ୁଛି ଦର । ନିୟନ୍ତ୍ରଣ ପାଇଁ ସରକାର ନେଉଛନ୍ତି ପଦକ୍ଷେପ । ଖୁବଶୀଘ୍ର ମିଳିବ ଆଶ୍ୱସ୍ତି । ଗତ ସପ୍ତାହ ତଳେ ପିଆଜ କିଲୋ ୩୫ ଟଙ୍କା ଥିବା ବେଳେ ଏବେ ୫୦ ଟଙ୍କା ଟପିଛି । ଖୋଲା ବଜାରରେ ପିଆଜ ୫୦ ଟଙ୍କାରୁ ଅଧିକ ଟଙ୍କାରେ ବିକ୍ରି ହେଉଛି । ଏନେଇ ଗତକାଲି କନକ ନ୍ୟୁଜରେ ଏନେଇ ଖବର ପ୍ରସାରଣ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
I am deeply anguished to know the unimaginable hardships of the people of our state due to sudden rise in #Onionprice which has been caused due to floods at Nasik. The state govt is taking adequate steps to control the price rise and I assure that it will be resolved soon. https://t.co/jo4FfrXatX
— Ranendra Pratap Swain (@rajaaswain) September 22, 2019
ତେବେ ମୁମ୍ବାଇ ଓ ପୁନେରେ ବର୍ଷା ଯୋଗୁଁ ସମସ୍ୟା ବଢିଥିବା କୁହାଯାଉଛି । ମହାରାଷ୍ଟ୍ରର ବିଭିନ୍ନ ସ୍ଥାନରେ ବନ୍ୟା ସ୍ଥିତି ଉପୁଜିଥିବାରୁ ନାସିକରୁ ପିଆଜ ଆମଦାନୀ ହ୍ରାସ ପାଇଛି । ଫଳରେ ଦର ହୁ ହୁ ହୋଇ ଦର ବଢିବାରେ ଲାଗିଛି । ଏହାସହ ଆନ୍ଧ୍ରପ୍ରଦେଶରୁ ମଧ୍ୟ ପିଆଜ ଓଡିଶାକୁ ଆସିପାରୁନାହିଁ ।ଟ୍ରାଫିକ୍ ନୟମ କଡା ହେବା ପରେ ପିଆଜ ଗାଡି ଆସିବା କମି ଯାଇଛି । କୁହାଯାଉଛି ଓଭର ଲୋଡିଂ ଯାଂଚ ଯୋଗୁଁ ପିଆଜ ଟ୍ରକ୍ ଆସୁନାହାନ୍ତି । ଯାହାର ପ୍ରଭାବ ସିଧାସଳଖ ଗ୍ରାହକଙ୍କ ପକେଟ ଉପରେ ପଡିଛି । ରାଜ୍ୟରେ ବିଭିନ୍ନ ଜିଲ୍ଲାରେ ପିଆଜ ଦର ଅଲଗା ଅଲଗା ରହିଛି । ସବୁଠି କିନ୍ତୁ ଦର ୪୦ ଉପରେ ରହିଛି ।