କନକ ବ୍ୟୁରୋ: ସ୍ୱାଦିଷ୍ଟ ବ୍ୟଞ୍ଜନ ପ୍ରସ୍ତୁତି ପାଇଁ ପିଆଜ ପ୍ରଥମେ ଆବଶ୍ୟକ ହେଉଥିବାବେଳେ ଏହାକୁ ନେଇ ଅନେକ ରୋଗର ଚିକିତ୍ସା ମଧ୍ୟ କରାଯାଏ । ପିଆଜର ରସ ଅନେକ ରୋଗ ପାଇଁ ଲାଭଦାୟୀ । ପିଆଜରୁ ଭିଟାମିନ୍ ସି, ବି-୬, ମ୍ୟାଗ୍ନେସିୟମ, ଜିଙ୍କ, କ୍ୟାଲସିୟମ୍, ସୋଡିୟମ, ପୋଟାସିୟମ ଆଦି ମିଳୁଥିବାବେଳେ ଏହା ଶରୀରକୁ ପୋଷକ ତତ୍ତ୍ୱ ଯୋଗାଇବାରେ ଗୁରୁ ଦାୟିତ୍ୱ ବହନ କରେ । ଖାଦ୍ୟ ହଜମ ପାଇଁ ଏହା ସହାୟକ ହୋଇଥାଏ । ପିଆଜ ରସ କୋଲେଷ୍ଟ୍ରଲ ହ୍ରାସ କରିବା ସହ ହୃଦଘାତ ଆଶଙ୍କାକୁ ଅନେକ ମାତ୍ରାରେ କମାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଏହ ବ୍ୟତୀତ ପିଆଜରେ ଆଣ୍ଟି ଆଲର୍ଜି, ଆଣ୍ଟି ଅକ୍ସିଡାଣ୍ଟ ତତ୍ତ୍ୱ ଥିବାରୁ ଏହାର ରସ ସେବନ କରିବା ଦ୍ୱାରା ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରଖିିଥାଏ । ଯାହାଦ୍ୱାରା ଡାଏବେଟିସ୍ ସମସ୍ୟାକୁ ଏଡାଇଦିଆଯାଇପାରେ ।
ପିଆଜରେ ମିଳୁଥିବା ପୋଷକ ତ୍ତ୍ୱ ରୋଗ ପ୍ରତିଷେଧକ ଶକ୍ତି ବଢାଇବା ସହ ଶରୀରକୁ ସୁସ୍ଥ ରହେ । ଏହାକୁ କଞ୍ଚା ଖାଇଲେ ରକ୍ତ ମଧ୍ୟ ପରିଷ୍କାର ହୁଏ । ସୋରିଷ ତେଲକୁ ପିଆଜ ରସ ସହିତ ମିଶାଇ ମାଲିସ କରିବା ଦ୍ୱାରା ଗଣ୍ଠି ଯନ୍ତ୍ରଣାରୁ ମୁକ୍ତି ମିଳିଥାଏ । ପିଆଜରେ ଭିଟାମିନ୍ ଏ, ସି ଓ ଇ ଥିବାରୁ ଏହା ସୂର୍ଯ୍ୟଙ୍କ ଠାରୁ ଆସୁଥିବା ଅତି ବାଇଗଣି ରଶ୍ମି (ଯାହା ଚର୍ମ ପାଇଁ କ୍ଷତିକାରକ ହୋଇଥାଏ)ଠାରୁ ଆମକୁ ସୁରକ୍ଷା ଦେଇଥାଏ । ଏହା ସହ ଚର୍ମକୁ ବାହ୍ୟ ସଂକ୍ରମଣରୁ ରକ୍ଷା କରେ ।
ପିଆଜ ରସକୁ ମୁହଁରେ ଟୋନର ଭଳି ଲଗାଇଲେ ଏହା ମୁହଁରେ ଥିବା ଦାଗକୁ ଦୂର କରେ । ଏହାଛଡା ସୁସ୍ଥ ଓ ଘନ କେଶ ପାଇଁ ଏହାର ଗୁରୁତ୍ୱ ତ ଅଳ୍ପେ ଅଧିକେ ସମସ୍ତଙ୍କୁ ଜଣାଥିବ । ପିଆଜରେ ଆଣ୍ଟି ବ୍ୟାକ୍ଟେରିଆଲ ତତ୍ତ୍ୱ ରହିଛି, ଯାହାକି କେଶରେ ଥିବା ଜୀବାଣୁ ସମସ୍ୟା ଦୂର କରିଥାଏ । ଏଥିରେ ଅଧିକ ପରିମାଣର ସଲଫର ଥିବାରୁ ଏହା ରକ୍ତ ସଂଚାଳନରେ ଉନ୍ନତି ଆଣିଥାଏ ଓ କେଶ ଝଡିବା ବନ୍ଦ କରିବା ସହ ଉପୁଡିଯାଇଥିବା କେଶ ସ୍ଥାନରେ ନୂଆ କେଶ ଉଠିବାରେ ସହାୟକ ହୋଇଥାଏ ।