କନକ ବ୍ୟୁରୋ: ବିବାଦୀୟ କୃଷି ଆଇନ ପ୍ରତ୍ୟାହାର ଦାବି କରି ଚାଷୀଙ୍କ ଆନ୍ଦୋଳନକୁ ବର୍ଷେ ପୂରଣ ହୋଇଛି । ଏହି ଅବସରରେ ହଜାର ହଜାର ଚାଷୀ ଏକାଠି ହୋଇ ବର୍ଷ ପୂର୍ତ୍ତି ପାଳନ କରିଛନ୍ତିା ଆନ୍ଦୋଳନରେ ପ୍ରାଣ ହରାଇଥିବା ଚାଷୀଙ୍କୁ ଏହି ଅବସରରେ ଶ୍ରଦ୍ଧାଞ୍ଜଳି ଦେଇଛନ୍ତି ସହଯୋଗୀ । ଅନ୍ୟପଟେ ଆଗକୁ ଶୀତକାଳୀନ ଅଧିବେଶନ ବସିବ । ଏହି ସମୟରେ ଚାଷୀ ଅନ୍ୟ ଦାବି ପୂରଣ ପାଇଁ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତିା
Kanak News is now on WhatsApp
Join and get latest news updates delivered to you via WhatsApp
ପୂରଣ ହୋଇଛି ଦାବି । ହେଲେ ରହିଯାଇଛି ଅନେକ ସ୍ମୃତି । ତିନି କୃଷି ଆଇନକୁ ବିରୋଧ କରି ଦିଲ୍ଲୀ ସୀମାରେ ଆନ୍ଦୋଳନରେ ବସିଥିବା ଚାଷୀ ଆଜି ବର୍ଷ ପୂର୍ତ୍ତି ପାଳନ କରିଛନ୍ତି । ହଜାର ହଜାର ଚାଷୀ ଦିଲ୍ଲୀ ସୀମାରେ ଏକାଠି ହୋଇ ଉତ୍ସବ ମନାଉଛନ୍ତିା ଆନ୍ଦୋଳନ ବେଳେ ପ୍ରାଣ ହରାଇଥିବା ପାଖାପାଖି ଚାଷୀଙ୍କୁ ଏହି ଅବସରରେ ଶ୍ର୍ରଦ୍ଧାଞ୍ଜଳି ଦେଇଛନ୍ତି ସହଯୋଗୀ । ଯଦିଓ କୃଷି ଆଇନ୍ ରଦ୍ଦ ହୋଇଛି ହେଲେ ଆଉ କିଛି ଦାବି ନେଇ କୌଣସି ଆଶ୍ୱସନା ମିଳିନାହିଁ । ତେଣୁ ଏ ଆନ୍ଦୋଳନ ଏବେ ଶେଷ ହୋଇନି ବୋଲି ସଂଯୁକ୍ତ କିଷାନ ମୋର୍ଚ୍ଚାର ନେତା ରାକେଶ ଟିକାୟତ କହିଛନ୍ତି ।
୨୦୨୦ ମସିହା ନଭେମ୍ବର ୨୬ ତାରିଖରେ ଆର୍ଥାତ ଆଜିର ଦିନରେ କେନ୍ଦ୍ର ସରକାରଙ୍କ ୩ କୃଷି ଆଇନକୁ ବିରୋଧ କରି ଆନ୍ଦୋଳନକୁ ଓହ୍ଲାଇଥିଲେ ଚାଷୀ । ଦେଶର ବିଭିନ୍ନ ସ୍ଥାନରୁ ଆସି ରାଜଧାନୀ ଦିଲ୍ଲୀରେ ଏକାଠି ହୋଇ କେନ୍ଦ୍ର ସରକାରଙ୍କ ବିରୋଧରେ ଆନ୍ଦୋଳନ କରିଥିଲେ । ଖରା, ବର୍ଷା, ଶୀତକୁ ଖାତିର ନକରି ପଡି ରହିଥିଲେ । ଆଉ ଇତି ମଧ୍ୟରେ ଚାଷୀଙ୍କ ପ୍ରମୁଖ ଦାବିକୁ ସରକାର ଗ୍ରହଣ କରିଛନ୍ତିା ଆଗକୁ ଶୀତକାଳୀନ ଅଧିବେଶନ ରହିଛି । ଏହି ଅବସରରେ ସଂସଦ ଘେରିବାକୁ ପ୍ରସ୍ତୁତ ହୋଇଛି ଚାଷୀ ସଂଗଠନ । ଆଉ ଜାନୁଆରୀ ୨୬ ଘଟଣାର ଯେମିତି ପୁନରାବୃତି ନହୁଏ ସେନେଇ ପୁଲିସ କଡା ସୁରକ୍ଷା ବ୍ୟବସ୍ଥା ଗ୍ରହଣ କରିଛି । ଏମଏସପି ଆଣନ୍ତୁ ଦାବି କରି ଚାଷୀ ସଂଗଠନ ଏବେ ଆନ୍ଦୋଳନରେ ବସିଛି । ଆଉ ଆଗାମୀ ଦିନରେ ଶାସକ ବିଜେପି ବିରୋଧରେ ନାରାବାଜି କରିବାକୁ ଚେତାବନୀ ଦେଇଛନ୍ତି ରାକେଶ ଟିକାୟତ । ଏପରି ସ୍ଥିତିରେ ଏହି ଆନ୍ଦୋଳନ କି ମୋଡ ନେଉଛି ତାହା ସମୟ କହିବ ।