କନକ ବ୍ୟୁରୋ: କଟକ ବାଲିକୁଦା ଅଂଚଳରେ ଗୁଡ଼ି ସୁତା ଲାଗି ଜଣେ ଆହତ । ସ୍କୁଟିରେ ଭୁବନେଶ୍ୱରରୁ କଟକ ଯାଉଥିବା ବେଳେ ଯୁବକଙ୍କ ବେକରେ ପ୍ଲାଷ୍ଟିକ ସୁତା ଲାଗି ଯୁବକ ଜଣଙ୍କ ଆହତ ହୋଇଛନ୍ତି । ସ୍ଥାନୀୟ ଲୋକଙ୍କ ଉଦ୍ୟମରେ ଯୁବକଙ୍କ ଜୀବନ ବଂଚିଯାଇଛି । ମକର ସଂକ୍ରାନ୍ତିରେ ଗୁଡ଼ି ଉଡ଼ାଇବାର ପରମ୍ପରା ରହିଛି । ହେଲେ ଗୁଡ଼ି ଉଡ଼ାଇବା ପାଇଁ ବ୍ୟବହୃତ ମାଂଜା ସୂତା ଲୋକଙ୍କ ପାଇଁ କାଳ ପାଲଟୁଛି । କମିଶନରେଟ୍ ପୁଲିସ ପକ୍ଷରୁ ମାଂଜା ସୂତା ବ୍ୟବହାର ନେଇ ବାରମ୍ବାର ସଚେତନ କରାଯାଉଥିଲେ ବି କିଛି ଅମାନିଆ ମାନିବାକୁ ଅରାଜି । ଆଉ ଏହାର ପରିଣାମ ସ୍ୱରୂପ ଅନେକେ ଆହତ ମଧ୍ୟ ହେଉଛନ୍ତି ।
କଟକ ବାଲିକୁଦା ଅଂଚଳରେ ଗୁଡ଼ି ସୂତା ଲାଗି ଜଣେ ଆହତ: ସ୍ଥାନୀୟ ଲୋକଙ୍କ ଉଦ୍ୟମରେ ବଂଚିଲା ଜୀବନ
![କଟକ ବାଲିକୁଦା ଅଂଚଳରେ ଗୁଡ଼ି ସୂତା ଲାଗି ଜଣେ ଆହତ: ସ୍ଥାନୀୟ ଲୋକଙ୍କ ଉଦ୍ୟମରେ ବଂଚିଲା ଜୀବନ](https://img-cdn.thepublive.com/fit-in/1280x720/filters:format(webp)/kanak/media/post_attachments/wp-content/uploads/2024/01/MixCollage-16-Jan-2024-02-43-PM-5515.jpg)